’இந்தியா மீதான தாக்குதல்’; ஹிண்டன்பர்க் குற்றச்சாட்டுகளுக்கு அதானி குழுமம் பதில்

அதானி குழுமம் ஞாயிற்றுக்கிழமை நியூயார்க்கை தளமாகக் கொண்ட ஹிண்டன்பர்க் ரிசர்ச் தனது நிறுவனங்களுக்கு எதிராக கடந்த வாரம் வைத்த குற்றச்சாட்டுகளை மறுத்து, ஒரு அறிக்கையில் அதானி நிறுவனங்கள் மற்றும் இந்தியாவின் "வளர்ச்சிக் கதை" உள்ளிட்ட "இந்தியா மீதான திட்டமிடப்பட்ட தாக்குதல்", என்று பதில் அளித்து சமன் செய்தது.

"முறைகேடான பங்கு கையாளுதல் மற்றும் கணக்கியல் மோசடி" என்று குற்றம் சாட்டிய 106 பக்க ஹிண்டன்பர்க் ரிசர்ச் அறிக்கைக்கு அளித்த 413 பக்க பதிலில், அதானி குழுமம், “இது வெறுமனே ஒரு குறிப்பிட்ட நிறுவனத்தின் மீதான தேவையற்ற தாக்குதல் அல்ல, மாறாக இந்தியா, இந்திய நிறுவனங்களின் சுதந்திரம், ஒருமைப்பாடு மற்றும் தரம் மற்றும் இந்தியாவின் வளர்ச்சிக் கதை மற்றும் லட்சியம் ஆகியவற்றின் மீதான திட்டமிடப்பட்ட தாக்குதலாகும்,” என்று கூறியது.

இதையும் படியுங்கள்: அதானி குழும பங்கு மதிப்புகள் 22% சரிவு; எல்.ஐ.சி-க்கு பெரும் பாதிப்பு

"நம்பகத்தன்மை அல்லது நெறிமுறைகள் இல்லாமல் ஆயிரக்கணக்கான மைல்களுக்கு அப்பால் அமர்ந்திருக்கும் ஒரு நிறுவனத்தின் அறிக்கைகள் எங்கள் முதலீட்டாளர்களுக்கு தீவிரமான மற்றும் முன்னெப்போதும் இல்லாத பாதகமான பாதிப்பை ஏற்படுத்தியிருப்பது மிகவும் கவலையளிக்கிறது" என்று அதானி குழுமம் தெரிவித்துள்ளது.

நியூயார்க் நிறுவனமான ஹிண்டன்பர்க்கின் அறிக்கையானது இரண்டு வர்த்தக அமர்வுகளில் அதானி குழுமம் 50 பில்லியன் அமெரிக்க டாலர்களுக்கும் அதிகமான சந்தை மதிப்பை இழக்க வழிவகுத்தது மற்றும் அதன் தலைவர் கௌதம் அதானி 20 பில்லியன் அமெரிக்க டாலர்கள் அல்லது அவரது மொத்த செல்வத்தில் ஐந்தில் ஒரு பங்கை இழந்தார்.

அதானி எண்டர்பிரைசஸ் லிமிடெட் நிறுவனத்தின் எஃப்.பி.ஓ வெளியீட்டிற்கு இரண்டு நாட்களுக்கு முன்னதாக அறிக்கை வெளியிடப்பட்ட நேரத்தைக் கேள்விக்குட்படுத்திய அதானி குழுமம், “அதானி எண்டர்பிரைசஸ் லிமிடெட் நிறுவனம் இந்தியாவில் இதுவரை இல்லாத அளவில் ஈக்விட்டி பங்குகளின் பொது வழங்கலை மேற்கொண்டு வரும் காலக்கட்டத்தில், அறிக்கை வெளியிடப்பட்டுள்ளதன் மூலம் அவர்களின் தவறான எண்ணம் தெளிவாகத் தெரிகிறது,” என்று கூறியது.

ஹிண்டன்பர்க் அறிக்கை "சுயாதீனமானதோ" அல்லது "தெளிவானதோ" அல்லது "நன்றாக ஆய்வு செய்யப்பட்டதோ" அல்ல என்று அதானி குழுமம் கூறியது, அதே நேரத்தில் அதானி குழுமம் பொருந்தக்கூடிய அனைத்து சட்டங்கள் மற்றும் விதிமுறைகளுக்கு இணங்குவதை மீண்டும் உறுதிப்படுத்துகிறது என்று அதானி குழுமம் வலியுறுத்தியது.

"தேர்ந்தெடுக்கப்பட்ட தவறான தகவல்களின் தீங்கிழைக்கும் கலவையாகும் மற்றும் அடிப்படையற்ற மற்றும் மதிப்பிழந்த குற்றச்சாட்டுகள் தொடர்பான மறைக்கப்பட்ட உண்மைகள் ஒரு தவறான நோக்கத்தை இயக்கும்", என்று அதானி குழுமத்தின் அறிக்கை கூறியது.

"இந்த அறிக்கை தவறான நோக்கத்தின் அடிப்படையில் நிறைந்துள்ளது மற்றும் அனுமதிக்கப்பட்ட குறுகிய விற்பனையாளரான ஹிண்டன்பர்க் நிறுவனத்திற்கு, எண்ணற்ற முதலீட்டாளர்களின் செலவில் தவறான வழிகளில் பெரிய நிதி ஆதாயத்தை பதிவு செய்ய, பத்திரங்களில் ஒரு தவறான சந்தையை உருவாக்க மட்டுமே நோக்கமாக உள்ளது" என்று அதானி குழுமம் கூறியது.

ஹிண்டன்பர்க் ஆராய்ச்சியின் நற்சான்றிதழ்களை கேள்விக்குள்ளாக்கிய அதானி குழுமம், "முரண்பாடாக வெளிப்படைத்தன்மை மற்றும் திறந்த செயல்பாட்டை மேற்கொள்ளும் ஒரு நிறுவனத்திற்கு, ஹிண்டன்பர்க் அல்லது அதன் பணியாளர்கள் அல்லது அதன் முதலீட்டாளர்கள் பற்றி எதுவும் தெரியாது. இந்த அமைப்புக்கு பல தசாப்தங்கள் நீடித்த அனுபவம் இருப்பதாக கூறினாலும், 2017 இல் மட்டுமே நிறுவப்பட்டதாக அதன் இணையதளம் கூறுகிறது,” என்று குற்றம்சாட்டியது.

ஜனவரி 24 அன்று ஹிண்டன்பர்க் ஆராய்ச்சி அறிக்கை வெளியானதிலிருந்து, அதானி குழுமத்தின் பங்குகள் பெரும் சரிவைக் கண்டன. கடந்த இரண்டு வர்த்தக அமர்வுகளில், புதன் மற்றும் வெள்ளிக்கிழமைகளில், பட்டியலிடப்பட்ட 10 அதானி நிறுவனங்கள் சந்தை மதிப்பில் ரூ.4.17 லட்சம் கோடியை இழந்துள்ளன.

"அறிக்கையில் கூறப்பட்டுள்ள இந்த ஆதாரமற்ற குற்றச்சாட்டுகளுக்கு பதிலளிக்க வேண்டிய கடமை எமக்கு இல்லையென்றாலும், நல்லாட்சி, வெளிப்படைத்தன்மை மற்றும் எங்கள் பங்குதாரர்களுக்கு வெளிப்படைத்தன்மை மற்றும் தவறான சந்தையை தவிர்க்க, அறிக்கையில் எழுப்பப்பட்டுள்ள 88 கேள்விகளுக்கு நாங்கள் எங்கள் பதில்களை வழங்குகிறோம்,” என்று அதானி குழுமம் தெரிவித்துள்ளது.

ஹிண்டன்பர்க் "எந்தவொரு நற்பண்புள்ள காரணங்களுக்காகவும் அறிக்கையை வெளியிடவில்லை, ஆனால் முற்றிலும் சுயநல நோக்கங்களுக்காகவும், பொருந்தக்கூடிய பத்திரங்கள் மற்றும் அந்நியச் செலாவணி சட்டங்களை அப்பட்டமாக மீறுவதாகவும்" கூறிய அதானி குழுமம், "விஷயத்தின் உண்மை என்னவென்றால், ஹிண்டன்பர்க் ஒரு நெறிமுறையற்ற குறுகிய விற்பனையாளர். பத்திரச் சந்தை புத்தகங்களில் ஒரு குறுகிய விற்பனையாளர் பங்குகளின் விலைகள் அடுத்தடுத்த குறைப்பால் ஆதாயம் பெறுகிறார்,” என்று கூறியது.

மேலும், "பொருந்தக்கூடிய அனைத்து சட்டங்கள் மற்றும் ஒழுங்குமுறைகளுக்கு இணங்குகிறது, அதானி குழுமம் மிகவும் வலுவான உள் கட்டுப்பாடுகள் மற்றும் தணிக்கைக் கட்டுப்பாடுகளைக் கொண்டுள்ளது. அதானி குழுமத்தின் அனைத்து பட்டியலிடப்பட்ட நிறுவனங்களும் வலுவான நிர்வாக கட்டமைப்பைக் கொண்டுள்ளன," என்றும் அதானி குழுமம் கூறியது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil