உங்கள் பிரீமியம் தொகையுடன் 50% மத்திய அரசு செலுத்தும்: ஏழைகளும் பயன்பெறும் பென்சன் திட்டம்!

அடல் பென்ஷன் யோஜனா (APY) என்பது இந்தியர்களுக்கான பொதுவான சமூக பாதுகாப்பு அமைப்பை வழங்குவதற்காக 2015 இல் மத்திய அரசாங்கத்தால் தொடங்கப்பட்ட திட்டமாகும். ஓய்வூதிய நிதி ஒழுங்குமுறை மற்றும் மேம்பாட்டு ஆணையம் நிர்வகிக்கும் இந்தத் திட்டம் ஆரம்பத்தில் குறிப்பாக ஏழைகள், வசதி குறைந்த பிரிவினர் மற்றும் அமைப்புசாரா தொழிலாளர்களுக்கு உதவுவதை நோக்கமாகக் கொண்டது.

இந்த திட்டத்தில் சேர விரும்புபவர்கள், பொது அல்லது தனியார் துறை வங்கி கிளை அல்லது தபால் அலுவலகம் மூலம் APY திட்டத்தில் சேரலாம். இந்த திட்டத்திற்கு ஆன்லைன் மற்றும் ஆஃப்லைன் விண்ணப்ப முறைகள் உள்ளன. மத்திய அரசாங்கம் சந்தாதாரரின் மொத்த பங்களிப்பில் 50% கூடுதல் பங்களிப்பு அல்லது ரூ. ஆண்டுக்கு 1000, எது குறைவோ அதனை வழங்குகிறது.

ஒருவர் APY கணக்கிற்கு மாதாந்திர அல்லது காலாண்டு அல்லது அரையாண்டு அடிப்படையில் பங்களிக்க முடியும். பங்களிப்பின் கால அளவு மாற்றத்திற்கு, அதாவது காலாண்டு முதல் மாதாந்திர பங்களிப்பு போன்றவற்றிற்கு, APY சந்தாதாரர் APY சேவை வழங்குநர் கிளைக்கு எழுத்துப்பூர்வ கோரிக்கையை சமர்ப்பித்த பிறகு செய்யலாம். ஒரு APY சந்தாதாரர் தங்கள் ஓய்வூதியத் தொகையை ஒரு வருடத்திற்கு ஒரு முறை மாற்றியமைக்கலாம்.

APY திட்டத்தின் பலன்கள்

அரசாங்கத்தின் கூற்றுப்படி, சந்தாதாரர் குறைந்தபட்ச மாத ஓய்வூதியமாக அவரது 60 வயதில்  ரூ. 1000 அல்லது ரூ. 2000 அல்லது ரூ. 3000 அல்லது ரூ. 4000 அல்லது ரூ. 5000. மாதாந்திர ஓய்வூதியம் சந்தாதாரருக்கு வழங்கப்படும்; சந்தாதாரர் இறந்தால், அவரது மனைவிக்கு ஓய்வூதியம் வழங்கப்படும். சந்தாதாரரின் மரணத்திற்குப் பிறகு, சந்தாதாரரின் 60 வயதில் திரட்டப்பட்ட ஓய்வூதியத் தொகை, சந்தாதாரரின் வாரிசுக்கு வழங்கப்படும். ஒருவேளை, பங்களிப்புகளின் அடிப்படையில் திரட்டப்பட்ட தொகை முதலீட்டின் மதிப்பிடப்பட்ட வருவாயை விட குறைவாக சம்பாதிக்கிறது மற்றும் குறைந்தபட்ச உத்தரவாத ஓய்வூதியத்தை வழங்குவதற்கு போதுமானதாக இல்லை என்றால், மத்திய அரசு அத்தகைய போதாமைக்கு நிதியளிக்கும். மாற்றாக, முதலீட்டின் வருமானம் அதிகமாக இருந்தால், சந்தாதாரர்கள் மேம்பட்ட ஓய்வூதிய சலுகைகளைப் பெறுவார்கள்.

APY திட்டத்திற்கு யார் விண்ணப்பிக்க முடியும்?

எந்தவொரு சமூகப் பாதுகாப்புத் திட்டத்தின் பயனாளியாக இல்லாத மற்றும் வருமான வரி செலுத்துவோர் அல்லாத ஒருவர் இந்தத் திட்டத்திற்கு தகுதியுடையவராக இருப்பார். APY திட்டத்திற்கு விண்ணப்பிக்க 18-40 வயதுக்குட்பட்ட இந்திய குடிமகனாக இருக்க வேண்டும். அனைத்து வங்கி கணக்குதாரர்களும் இந்த திட்டத்தில் சேரலாம். ஆனால் தேர்ந்தெடுக்கப்பட்ட ஓய்வூதியத் தொகையைப் பொறுத்து பங்களிப்புகள் வேறுபடுகின்றன. APY கணக்கில் ஒருவர் வாரிசு (நாமினி) மற்றும் வாழ்க்கைத் துணையின் விவரங்களை வழங்க வேண்டும். சந்தாதாரர் முன்கூட்டிய இறப்பை எதிர்கொண்டால் (60 வயதிற்கு முன்னர் மரணம்), சந்தாதாரரின் துணைவர் அதே APY கணக்கின் கீழ் திட்டத்திற்கான பங்களிப்பைத் தொடர முடியும். அசல் சந்தாதாரர் 60 வயதை எட்டும் வரை, மீதமுள்ள பங்களிப்பு காலத்திற்கு வாழ்க்கைத்துணை பங்களிப்பு செய்யலாம்.

APY பயனர்கள் பங்களிப்புகள், பரிவர்த்தனை அறிக்கை மற்றும் இ-நிரந்தர ஓய்வூதிய கணக்கு எண் (e-PRAN) அட்டை சேவைகளை தாங்களாகவே பார்க்க முடியும். இதற்காக APY மொபைல் (ஆப்) பயன்பாடு ஒன்று உள்ளது.

ஒரு APY கணக்கை மூடுவதற்கு, முறையாக நிரப்பப்பட்ட 'கணக்கு மூடல் படிவம் (தானாக வெளியேறும்) படிவம்' மற்றும் பிற தொடர்புடைய ஆவணங்களை சம்பந்தப்பட்ட APY சேவை வழங்குநர் கிளையில் சமர்ப்பிக்கப்பட வேண்டும், இதற்கான படிவம் www.npscra.nsdl.co.in என்ற இணையதளப் பக்கத்தில் கிடைக்கிறது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil