Elon Musk Tamil News: உலகின் முன்னணி பணக்காரர்களில் ஒருவராக வலம் வருபவர் டெஸ்லா மற்றும் ஸ்பேஸ் எக்ஸ் நிறுவனத்தின் தலைமை செயல் அதிகாரி எலான் மஸ்க். ரூ. 2 லட்சத்து 11 ஆயிரம் கோடிக்கு மேல் சொத்து மதிப்பை கொண்டுள்ள இவர், உலகின் இரண்டாவது பணக்கார பில்லியனர் ஜெஃப் பெசோஸை விட 69 பில்லியன் டாலர் மதிப்பிலான சொத்துக்களை அதிகம் வைத்துள்ளார். சமீபத்தில் இவரை அமெரிக்காவின் பிரபல டைம்ஸ் மாத இதழ், இந்த ஆண்டுக்கான சிறந்த நபராக தேர்வு செய்தது.
இந்நிலையில், எலோன் மஸ்க் 2022 ம் ஆண்டில் 70 பில்லியன் டாலரை இழந்துள்ளார் என்றும், அவரது நிகர மதிப்பு (networth) 200 பில்லியன் டாலர்களுக்கு கீழே குறைந்துள்ளது என்றும் ப்ளூம்பெர்க் குறியீடு வெளியிட்டுள்ள தரவுகள் கூறுகின்றன.
டெஸ்லராட்டியின் கூற்றுப்படி, மஸ்க் இந்தாண்டில் தனது நிகர மதிப்பில் 77.6 பில்லியன் டாலர்களை இழந்துள்ளார். இந்த ஆண்டின் தொடக்கத்தில் இருந்து பங்குகள் சுமார் 40 சதவீதம் வீழ்ச்சியடைந்ததால், டெஸ்லா பங்குகள் தாமதமாக பெரும் அழுத்தத்தில் உள்ளன. இதன் விளைவாக அவரின் நிகர மதிப்பு கணிசமாக குறைந்துள்ளது.
ப்ளூம்பெர்க் பில்லியனர்கள் குறியீட்டின்படி, மே 25 நிலவரப்படி, மஸ்கின் நிகர மதிப்பு 193 பில்லியன் டாலராக இருந்தது. அப்படியென்றால் இந்த ஆண்டின் தொடக்கத்தில் இருந்து அவரது சொத்து மதிப்பில் 77.6 பில்லியன் டாலர்களை இழந்துள்ளார்.
இருப்பினும், நிகர சொத்து மதிப்பின் அடிப்படையில் மஸ்க் இன்னும் உலகின் முன்னணி பணக்காரராகவே இருக்கிறார். அவரது நெருங்கிய போட்டியாளரான அமேசான் நிறுவனர் ஜெஃப் பெசோஸ் தற்போது 128 பில்லியன் டாலர் சொத்து மதிப்புடன் பட்டியலிடப்பட்டுள்ளார்.
மஸ்க்கைப் போலவே, பெசோஸின் நிகர சொத்து மதிப்பும் இந்த ஆண்டு குறிப்பிடத்தக்க வீழ்ச்சியைப் பெற்றுள்ளது. அதாவது அவர் 64.6 பில்லியன் டாலர் சொத்து மதிப்பை இழந்துள்ளார்.
ஒட்டுமொத்தமாக, பில் கேட்ஸ் மற்றும் மார்க் ஜுக்கர்பெர்க் உள்ளிட்ட உலகின் 50 முன்னணி பணக்காரர்கள் இந்த ஆண்டின் தொடக்கத்தில் இருந்து மொத்தமாக அரை டிரில்லியன் டாலர்கள் சொத்து மதிப்பை இழந்துள்ளனர்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.