ஆபரணத் தங்கம் சவரனுக்கு ரூ.160 சரிவு: நகை வாங்க சிறந்த வாய்ப்பு!

Gold, Silver Rates Today News Updates in Tamil, 8th November: கடந்த சில நாட்களாக, தங்கம் மற்றும் வெள்ளியின் விலை ஏற்ற இறக்கத்துடன் காணப்பட்டு வருகிறது. இந்நிலையில் நகை வாங்கலாமா வேண்டாமா என்ற குழப்பத்தில் மக்கள் இருக்கின்றனர்.

எரிசக்தி நெருக்கடி ஐரோப்பிய பொருளாதாரத்தை மந்தநிலைக்குள் தள்ளக்கூடும் என்கிற காரணத்தினால், யூரோ டாலருக்கு இணையாக மதிப்பு இருந்தது. டாலரின் வலிமை மற்ற நாணயங்களை வாங்குபவர்களுக்கு கிரீன்பேக்-விலை தங்கத்தின் விலையை உயர்த்துகிறது.

இந்த நிலையில் இந்தியாவில் உள்ள தலைநகரங்களில் தங்கம் வெள்ளி விலை நிலவரத்தை பற்றி காணலாம்:

இந்தியாவில் தங்கம் வெள்ளி விலை:

இந்தியாவின் முக்கிய நகரங்களான டெல்லி, கொல்கத்தா மற்றும் மும்பையில் இன்று தங்கம் விலை சீராக உள்ளது. 22 காரட் 8 கிராம் தங்கத்தின் விலை ரூ. 37,560 ஆக உள்ளது. இன்று தங்கம் விலை சவரனுக்கு ரூ.80 குறைந்துள்ளது. 8 கிராம் 24 காரட் தங்கத்தின் விலை ரூ. 40,960 ஆக உள்ளது.

வெள்ளி விலையைப் பொறுத்தவரை, டெல்லி, கொல்கத்தா மற்றும் மும்பை ஆகிய மூன்று நகரங்களிலும் இன்று விலை சீராக உள்ளது. அதன்படி, ஒரு கிலோ வெள்ளி ரூ. 60,850 ஆக விற்பனை செய்யப்படுகிறது. நேற்றைய விலையை விட இன்று கிலோவிற்கு ரூ.450 உயர்ந்துள்ளது.

சென்னையில் தங்கம் விலை:

தமிழகத்தில் இம்மாத தொடக்கம் முதல், தங்கம் விலையில் ஏற்றம், இறக்கமாக இருந்து வருகிறது. அதன்படி, இன்று சென்னையில் 22காரட் ஆபரணத் தங்கம் கிராமுக்கு ரூ. 4,758 ஆகவும், சவரனுக்கு ரூ.38,064க்கும் விற்பனை செய்யப்பட்டு வருகிறது. இன்று தங்கத்தின் விலை சவரனுக்கு ரூ.136 குறைந்துள்ளது. 24 காரட் தங்கத்தின் விலை கிராமுக்கு ரூ.5,190 என சவரனுக்கு ரூ. 41,520 ஆக விற்பனையாகிறது. இன்று தங்கத்தின் விலை சவரனுக்கு ரூ.160 குறைந்துள்ளது.

வெள்ளி விலை:

சென்னையில் இன்று வெள்ளியின் விலை கிராமுக்கு ரூ.66.70க்கு விற்பனையாகிறது. ஒரு கிலோவுக்கு ரூ.66,700க்கு விற்பனை செய்யப்பட்டு வருகிறது. இன்று வெள்ளியின் விலை கிலோவிற்கு ரூ.400 அதிகரித்துள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil