எஸ்பிஐ ஜெனரல் இன்சூரன்ஸ், கூகுள் பே உடன் இணைந்துள்ளதால், பயனர்கள் கூகுள் பே ஆப்பில் ஹெல்த் கவரேஜை (மருத்துவ காப்பீடு) விரைவாகவும், தொந்தரவின்றியும் வாங்க முடியும்.
ஒரு அறிக்கையில், எஸ்பிஐ ஜெனரல் இன்சூரன்ஸ், டிஜிட்டல் சேனல்கள் மூலம் பொதுக் காப்பீட்டுத் திட்டங்களின் விநியோகத்தை தொடர்ந்து விரிவுபடுத்துவதற்கான அதன் தொலைநோக்குப் பார்வைக்கு இணங்க இந்த ஒத்துழைப்பு உள்ளது என்று கூறியது. இந்தியாவில் உள்ள காப்பீட்டு நிறுவனத்துடன் கூகுள் பேயின் முதல் கூட்டணி இதுவாகும், எஸ்பிஐ ஜெனரல் Google Pay Spot –ல் வாடிக்கையாளர்களுக்கு மருத்துவக் காப்பீட்டை வழங்குகிறது.
இந்த முயற்சியின் மூலம், கூகுள் பே பயனர்கள் எஸ்பிஐ ஜெனரல் இன்சூரன்ஸின் மருத்துவக் காப்பீடான ஆரோக்ய சஞ்சீவனியை கூகுள் பே ஸ்பாட்டில் வாங்க முடியும்.
ஆரோக்ய சஞ்சீவனி என்பது ஒரு நிலையான சுகாதார காப்பீட்டுக் கொள்கையாகும், இது குறைந்த பிரீமியத்தில் நிலையான கவரேஜை வழங்குகிறது. Google Pay பயனர்கள் Google Pay Spot மூலம் ஆரோக்கிய சஞ்சீவனி கொள்கையின் கீழ் தனிநபர் மற்றும் குடும்பக் காப்பீட்டுத் திட்டங்களை வாங்க முடியும்
ஒத்துழைப்பு குறித்து கருத்து தெரிவித்த எஸ்பிஐ ஜெனரல் இன்சூரன்ஸின் எம்டி & சிஇஓ பிரகாஷ் சந்திர காந்த்பால், “இன்றைய வாடிக்கையாளர்கள் தங்களின் தேவைகள் குறித்து நன்கு அறிந்தவர்கள் மற்றும் வளர்ச்சியடைந்துள்ளனர். தொற்றுநோய் பல்வேறு தேவைகளுக்காக டிஜிட்டல் தளங்களின் பயன்பாட்டை உயர்த்தியுள்ளது மற்றும் நிதி தீர்வுகளிலிருந்து அவர்களின் எதிர்பார்ப்புகளும் முதிர்ச்சியடைந்துள்ளன.
“இந்த ஒத்துழைப்பு சுகாதார காப்பீட்டிற்கான, வளர்ந்து வரும் தேவையை நிவர்த்தி செய்வதற்கான மற்றொரு முயற்சியாகும். இந்த ஒத்துழைப்போடு, ஆரோக்ய சஞ்சீவனி, நிலையான மருத்துவக் காப்பீட்டுத் திட்டம், கூகுள் பே பிளாட்ஃபார்மில் எஸ்பிஐ ஜெனரல் இன்சூரன்ஸின் மலிவான பிரீமியத்தில் வழங்கப்படும்,” என்று கூறினார்.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.