Advertisment

போஸ்ட் ஆபிஸ் சிறப்பு திட்டம்: ஒரு முறை முதலீடு; மாதம் தோறும் வருமானம்!

இந்தியா போஸ்ட் வழங்கும் மாதாந்திர வருமானத் திட்டத்தில் முதிர்வு காலம் 5 ஆண்டுகள் ஆகும். முதிர்வுகாலம் முடிந்த பின்னரும் நீட்டித்துக் கொள்ளலாம்.

author-image
WebDesk
New Update
post office savings post office savings account

இன்றைய காலகட்டத்தில் கடினமாக உழைத்து சம்பாதித்த பணத்தை முதலீடு செய்ய விரும்பும் அனைவருக்கும் சரியான தேர்வு தபால் அலுவலகத்தின் சேமிப்பு திட்டங்கள்தான். ஓய்வு காலத்தில் நிலையான வருமானம் பெற மாதாந்திர வருமானம் தரும் சேமிப்பு திட்டத்தில்(MIS) முதலீடு செய்யலாம். இந்த திட்டத்திற்கான முதிர்வு காலம் 5 ஆண்டுகள் ஆகும். ஐந்து வருடங்களை நிறைவு செய்யும்போது, ​​நீங்கள் ஒரு உத்தரவாதமான மாதாந்திர வருமானத்தைப் பெறத் தொடங்குவீர்கள்.

Advertisment

இந்தத் திட்டத்தில் முதலீடு செய்ய, ஒருவர் அஞ்சலகத்தில் சேமிப்புக் கணக்கு வைத்திருக்க வேண்டும். தபால் அலுவலக மாதாந்திர வருமானத் திட்டத்தில் சேர தபால் அலுவலகத்தில் விண்ணப் படிவத்தை வாங்கி பூர்த்தி செய்து சமர்பிக்கலாம். அல்லது அதிகாரப்பூர்வ இணையதளத்திலிருந்து பதிவிறக்கம் செய்து அருகில் உள்ள தபால் நிலையத்திற்கு சென்று சமர்பிக்கலாம். அடையாள ஆவணம், முகவரி ஆவணம், 2 பாஸ்போர்ட் சைஸ் போட்டோக்களை கொடுக்க வேண்டும்.

இந்த மாதாந்திர வருமான திட்டத்தில் 5 ஆண்டுகள் முதிர்வு காலமாகும். முதிர்வுகாலம் முடிந்த பின்னரும் நீட்டித்துக் கொள்ளலாம். ஒரு தனிநபர் இந்த திட்டத்தின் கீழ் குறைந்தபட்சம் 1,500 ரூபாய் முதல் 4.5 லட்சம் வரை டெபாசிட் செய்யலாம். இந்த திட்டத்தினை தனிநபர் அல்லது கூட்டு சேமிப்பு திட்டமாகவும் தொடங்கிக் கொள்ள முடியும். கூட்டு சேமிப்பு திட்டத்தில் அதிகபட்சமாக 9 லட்சம் ரூபாய் வரை முதலீடு செய்ய முடியும். கூட்டு கணக்கு வைத்திருப்பவர்கள் செய்யும் முதலீடு அவர்களுக்கு சமமான பங்கு இருப்பதாக கருதப்படும்.

அஞ்சலகத்தின் இந்த மாத வருவாய் திட்டத்திற்கு தற்போதைய வட்டி விகிதம் ஆண்டுக்கு 6.6% என்ற விகிதத்தில் உள்ளது. இதில் கூட்டு வட்டி கிடையாது சிம்பிள் (Simple interest ) தான். நீங்கள் அஞ்சலக மாதாந்திர வருவாய் திட்டத்தினை தொடங்கிய தேதியிலிருந்து, ஒரு மாதம் நிறைவு பெற்ற பிறகு வட்டி வழங்கப்படும். அதேபோல அந்த முதலீட்டு தொகை முதிர்ச்சி அடையும் வரை இந்த வட்டி தொகை வழங்கப்படும். வட்டி தொகையை நீங்கள் மாதந்தோறும் எடுக்காவிட்டாலும், வட்டித் தொகைக்கு கூடுதல் வட்டி வழங்கப்படாது.

இதன் முதிர்வு காலம் 5 ஆண்டுகளாகும். எனினும் இடையில், அதாவது 1 ஆண்டு முதல் 3 ஆண்டுகள் வரை மூடப்பட்டால் 2% வரை தொகை கழிக்கப்படும். மூன்று ஆண்டுகளுக்கு பிறகு எனில் 1% கழிக்கப்படும்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Post Office Scheme Monthly Income Scheme
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment