மத்திய உதவி புலனாய்வு அதிகாரி கிரேடு II-க்கான ஆட்சேர்ப்பு அறிவிப்பை மத்திய உள்துறை அமைச்சகம் வெளியிட்டது. இந்த ஆட்சேர்ப்பின் மூலம் மொத்தம் 2,000 காலியிடங்கள் நிரப்பப்படும்.
ஆர்வமுள்ள தேர்வர்கள் அதிகாரப்பூர்வ வலைத்தளமான mha.gov.in இல் விண்ணப்பிக்கலாம். ஜனவரி 9 அன்று 11:59 மணி வரை இதற்கான விண்ணப்பங்கள் பெறப்படுகின்றன.
100 மதிப்பெண்கள் அடங்கிய நிலை-1 தேர்வில் கலந்து கொள்ள வேண்டும். இதில், குறைந்தபட்ச தகுதி மதிப்பெண்கள் 35 ஆகும். இதர பிற்படுத்தப்பட்டோர் மற்றும் ஈ.டபிள்யூ.எஸ் பிரிவு மாணவர்களுக்கு இது 34 ஆகவும், பட்டியலின, பழங்குடியின மாணவர்களுக்கு 33 ஆகவும் தகுதி மதிப்பெண்கள் உள்ளது. நிலை-I தேர்வின் செயல்திறன் அடிப்படையில், நிலை- II தேர்வுக்கு தேர்வு செய்யப்படுவார்கள். நிலை -I, நிலை- II தேர்வின் ஒருங்கிணைந்த செயல்திறனின் அடிப்படையில், நேர்முகத் தேர்வுக்கு மாணவர்கள் தேர்வு செய்யப்படுவார்கள்.
தேர்வு கட்டணம் : தேர்வுக் கட்டணமாக 100 ரூபாயும் , ஆட்சேர்ப்பு செயலாக்கக் கட்டணமாக 500 ரூபாயும் செலுத்த வேண்டும். பட்டியலின மாணவர்கள், பழங்குடியின மாணவர்கள்,முன்னாள் ராணுவ வீரர்கள், பெண் தேர்வர்களுக்கு ஆட்சேர்ப்பு செயலாக்கக் கட்டணங்கள் மட்டும் கட்ட வேண்டும்.
அதிகபட்ச வயது வரம்பு: 18 முதல் 27 வயது வரை உள்ளவர்களாக இருக்க வேண்டும். இதர பிற்படுத்தப்பட்டோர், பட்டியல் இனத்தவர், பழங்குடியினர் மாணவர்களுக்கு அதிகபட்ச வயது வரம்பில் தளர்வுகள் உள்ளன.
கல்வி தகுதி: அங்கீகரிக்கப்பட்ட பல்கலைக்கழகத்தில் பட்டதாரி பட்டம் பெற்றிருக்க வேண்டும்.
கட்டுரையை ஆங்கிலத்தில் படிக்க இங்கே கிளிக் செய்யவும்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2021/01/recuritment.jpg)