புதிய இ-சேவை மையங்கள் தொடங்க விண்ணப்பங்கள் வரவேற்பு

தமிழ்நாடு மின் ஆளுமை முகமை (TNeGA) வேலையில்லாத கல்வியறிவு பெற்ற இளைஞர்கள், தொழில்முனைவோர், இ-சேவை மையங்கள் அல்லது பொதுவான சேவை மையங்களைத் தொடங்க விண்ணப்பங்களை கோரியுள்ளது.

இதுகுறித்து ஆட்சியர் வி.பி. ஜெயசீலன் கூறுகையில், தமிழ்நாடு அரசு கேபிள் டிவி, தொடக்க வேளாண்மை கூட்டுறவு கடன் சங்கங்கள், கிராம அளவிலான தொழில்முனைவோர் உள்ளிட்ட பிற முகமைகள் மூலம் தங்களின் சுற்றுப்புற பகுதிகளில் இருந்து அரசின் சேவைகளை வழங்குவதற்காக பொது சேவை மையங்களை (CSC) தமிழ்நாடு மின் ஆளுமை முகமை (TNEGA) செயல்படுத்தி வருகிறது.

சேவைகளை மேம்படுத்தும் வகையில், சிறந்த சேவைகளை வழங்குவதற்காக அனைத்து குடிமக்களும் புதிய பொது சேவை மையங்களை திறக்க அனுமதிக்க தமிழ்நாடு மின் ஆளுமை முகமை திட்டமிட்டுள்ளது. பொது சேவை மையங்களின் எண்ணிக்கை அதிகரிப்பு வரிசையில் மக்கள் காத்திருக்கும் நேரத்தை குறைக்கும்.

புதிய பொது சேவை மையங்களை தொடங்க ஆர்வமுள்ளவர்கள் www.tnesevai.tn.gov.in மற்றும் www.tnega.tn.gov.in ஆகிய இணையதளங்களில் ஏப்ரல் 14 அன்று இரவு 8 மணி வரை விண்ணப்பிக்கலாம்.

விண்ணப்பத்தில் குறிப்பிடப்பட்டுள்ள மொபைல் போன் மற்றும் இ-மெயில் ஐடி மூலம் விண்ணப்பதாரருக்கு பயனாளர் அடையாளம் மற்றும் கடவுச்சொல் வழங்கப்படும் என ஆட்சியர் தெரிவித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“