தர வரிசையில் டாப்பான படம் ஓ.டி.டி-யில் ரிலீஸ்: இந்த தமிழ் நடிகருக்கு இது முக்கிய படம்!

ஒவ்வொரு வாரமும் தியேட்டர்களில் படங்கள் வெளியாகுவது போல தற்போது ஓடிடி தளத்திலும் படங்கள் வெளியாகி வருகிறது. ஒவ்வொரு வாரமும் எந்த ஓடிடியில் என்ன படம், என்ன வெப் தொடர் வெளியாகும் என்ற ஆர்வத்தில் ரசிகர்கள் காத்திருக்கின்றனர். அந்தவரிசையில் இந்த வாரம் சன் நெஸ்ட் ஓடிடி தளத்தில் வெளியாகும் படத்திற்கு ரசிகர்கள் மத்தியில் எதிர்பார்ப்பு அதிகரித்து வருகிறது.

மலையாள இயக்குநர் எம்.சி.ஜோசப் இயக்கத்தில் கதிர், ஷைன் டாம் சாக்கோ, சுதி கோப்பா உள்ளிட்டோர் நடித்துள்ள படம் ’மீஷா’. இந்த படம் நடிகர் கதிருக்கு மிகப்பெரிய திருப்புமுனையாக அமைந்துள்ளது. நண்பர்களுக்குள் இருக்கும் லட்சியம் மற்றும் பொறாமை போன்றவற்றால் நட்பு எப்படிப் பாதிக்கப்படுகிறது என்பதை மையமாக வைத்து இப்படம் எடுக்கப்பட்டுள்ளது.

‘மீஷா’ திரைப்படத்திற்கு ஐ.எம்.டியில் 9.4 ரேட்டிங் கொடுக்கப்பட்டுள்ளது. இதனாலே இப்படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. ‘மீஷா’ திரைப்படம் சன்  நெக்ஸ் ஓடிடி தளத்தில் இன்று முதல் ஒளிப்பரப்பாகிறது.  இப்படம் மலையாளம் மட்டுமல்லாமல் தமிழிலும் வெளியாகிறது. 

’மதயானை கூட்டம்’, ‘பரியேறும் பெருமாள்’ ‘விக்ரம் வேதா’  ‘கிருமி’,  விஜய் நடிப்பில் வெளியான ‘பிகில்’ போன்ற படங்கள் மூலம் தமிழ் சினிமாவில் தனக்கான இடத்தை பிடித்தவர் நடிகர் கதிர். ‘பரியேறும் பெருமாள்’ திரைப்படத்தில் இவரின் நடிப்பு பெரும் வரவேற்பை பெற்றது. தொடர்ந்து கதிர், ஐஸ்வர்யா ராஜேஷ் நடித்த ‘சூழல்’ வெப் தொடரின் இரண்டு பாகங்களும் மிகப்பெரும் வரவேற்பை பெற்றது.

நடிகர் கதிர் நடிகராக மட்டுமல்லாமல் ஒரு சில படங்களில் முக்கிய கதாபாத்திரத்திலும் நடித்து வருகிறார். 
இப்படி தனது நடிப்பு திறமையால் திரைத்துரையில் தனக்கான இடத்தை தக்க வைத்துக் கொண்டுள்ளார் நடிகர் கதிர். இவர் ’மீஷா’ திரைப்படத்தின் மூலம் தற்போது மலையாளத்திலும் அறிமுகமாகியுள்ளார். இந்த திரைப்படம் ஆகஸ்ட் -ஆம் தேதி திரையரங்குகளில் வெளியாகி கலவையான விமர்சனத்தை பெற்றது. 

அடுத்ததாக ‛ஆர்.டி.எக்ஸ்' பட இயக்குநர் நகாஷ் ஹிதாயத் இயக்கத்தில் துல்கர் சல்மானின் 'ஐ ம் கேம்' எனும் புதிய படத்தில் கதிர் நடித்துள்ளார். இப்படம் விரைவில் திரைக்கு வரவுள்ளது குறிப்பிடத்தக்கது.