படம் சூப்பர் ஹிட் ஆகனும்னா அப்பாவை போட்ருங்க, அவர்ட்ட நான் பேசிக்கிறேன்: பாதி படத்தில் கதையை மாற்றிய கார்த்தி!

திரைப்பட இயக்குநர், பாடலாசிரியர், தயாரிப்பாளர் என பன்முகத் தன்மை கொண்டவர் இயக்குநர் சுசீந்திரன். இவர் கடந்த 2009-ஆம் ஆண்டு வெளியான ‘வெண்ணிலா கபடிக் குழு’ திரைப்படத்தின் மூலம் தமிழ் திரையுலகில் இயக்குநராக அறிமுகமானர். இதைத்தொடர்ந்து, இப்படத்தின் மூலம் நடிகராக அறிமுகமான விஷ்ணு விஷால், சூரி ஆகியோர் முன்னணி நட்சத்திரங்களாக வலம் வருகின்றனர்.

தொடர்ந்து, இயக்குநர் சுசீந்திரன் இயக்கத்தில் விஷால், லட்சுமி மேனன் நடிப்பில் வெளியான ‘பாண்டிய நாடு’ திரைப்படம் பெரும் வெற்றி பெற்றது. அதுமட்டுமல்லாமல், புதுமுகங்களை வைத்து இயக்கிய ’ஆதலால் காதல் செய்வீர், கிரிக்கெட்டை மையமாக வைத்து இயக்கிய ‘ஜீவா’ போன்ற படங்கள் மெஹா ஹிட்டானது.

இப்படி வரிசையாக பல வெற்றிப்படங்களை கொடுத்த இயக்குநர் சுசீந்திரன் அதன் பின்பு இயக்கிய ராஜபாட்டை, பாயும் புலி, ஜீனியஸ், ஈஸ்வரன், சாம்பியன், வீரபாண்டியபுரம், குற்றம் குற்றமே ஆகிய படங்கள் தொடர் தோல்வியை சந்தித்தது. இந்நிலையில், இயக்குநர் சுசீந்திரன் ‘நான் மகான் அல்ல’ திரைப்படம் குறித்து பல தகவல்களை பகிர்ந்துள்ளார். அதில், “முதலில் கதை சொல்லும் பொழுது அப்பா இறந்து போற மாதிரி கதை இருக்காது. அப்பாவை கொல்லும் முயற்சி நடந்து கொண்டிருக்கும்.

அப்பாவை ஹீரோ எப்படி காப்பாத்துகிறார் என்பது தான் கதையாக இருக்கும். ஒரு நாள் கதாநாயகன் கார்த்தி அலுவலகத்திற்கு வந்தார். படம் எப்படி வந்திருக்கிறது என்று கேட்டார். நன் நல்லா வந்திருக்கிறது கண்டிப்பாக ஹிட்டாகிவிடும் என்றும் கூறினேன். என்ன ஹிட்னு சொல்றீங்க சூப்பர் ஹ்ஹிட் என்று சொல்லுங்கள் என்றார்.

சூப்பர் ஹிட் ஆகுவதற்கு கதாநாயகனின் அப்பாவை கொன்றுவிட்டால் சூப்பர் ஹிட்டாகிவிடும் என்றேன்.  அவர் நீங்க பண்ணுங்க என்றார். அப்படி வந்தது தான் அந்த கதை” என்றார். கார்த்திக், காஜல் அகர்வால் மற்றும் பலர் நடிப்பில் வெளியான இப்படம் ரசிகர்கள் மத்தியில் நல்ல வரவேற்பை பெற்று வசூலை குவித்தது என்பது குறிப்பிடத்தக்கது.