Samyuktha Karthik: இந்த வருடம் பிக் பாஸ் நான்காவது சீசன் ஆரம்பித்து விட்டது. இதில் சினிமா, சின்னத்திரை துறையினர் மட்டுமல்லாமல் பெரிதளவில் வெளியில் தெரியாத மற்ற துறையைச் சேர்ந்தவர்களும் போட்டியாளர்களாக கலந்துக் கொண்டுள்ளனர். இதில் மாடலிங் துறையைச் சேர்ந்த சம்யுக்தா கார்த்திக் முக்கியமானவர்.
பிக் பாஸ் முதல் சீசனில் நடிகை ரைசா வில்சன், இரண்டாவது சீசனில் மாடல் மற்றும் நடிகையுமான யாஷிகா ஆனந்த், மூன்றாவது சீசனில் சாக்ஷி அகர்வால் வரிசையில் இந்த ஆண்டு மாடலும் சீரியல் நடிகையுமான சம்யுக்தா கலந்துக் கொண்டுள்ளார்.
கேரளாவைச் சேர்ந்த சம்யுக்தாவுக்கு மாடல் மற்றும் நடிகை என்பதைத் தாண்டி, தொழில் முனைவோர், 4 வயது குழந்தையின் அம்மா என பல அடையாளங்கள் உண்டு. அதோடு ஒரு இன்டர்நேஷனல் சலூனின் franchise-ஐயும் சென்னையில் நடத்தி வருகிறார்.
"நான் படிச்சது இன்ஜினியரிங். கார்ப்பரேட்டில் பணியாற்றி இருக்கிறேன். அதே நேரத்தில் மாடலிங் செய்ய வேண்டும் என்கிற ஆசை இருந்துக் கொண்டே இருக்கும். அப்போது தான் மிஸ் சென்னை டைட்டில் ஜெயித்தேன். அதனால் மாடலிங், நடனம் ஆகியவற்றின் மீது ஈர்ப்பு எப்போதுமே இருந்திருக்கிறது."
"என் மகனுக்கு 4 வயது ஆகிறது. அவன் பிறந்து ஆறு மாதத்திலேயே நான் ரேம்ப் வாக் செய்ய வந்துவிட்டேன். மேலும் இரண்டு தொழில்களை நடத்துவதோடு, சோசியல் மீடியா இன்ஃப்ளூயன்ஸராகவும் இருக்கிறேன். நான் ஒரு ஃபிட் மாம். என்னை போன்று இருப்பவர்களுக்கு இன்ஸ்பிரேஷன் ஆக இருக்க விரும்புகிறேன். பிக் பாஸ் வாய்ப்பை நான் மிஸ் செய்ய விரும்பவில்லை" என பிக் பாஸ் மேடையிலேயே சொன்னார் சம்யுக்தா.
இவர் முதலில் ராதிகா சரத்குமாரின் சந்திரகுமாரி சீரியல் மூலமாக நடிப்புக்கும் பிள்ளையார் சுழி போட்டார். அதில் அவர் ராஜகுமாரி ருத்ரா என்ற கதாபாத்திரத்தில் நடித்து இருப்பார். அதன் பின் வெள்ளித்திரையில் Olu என்ற மலையாள படம் மூலமாக அறிமுகம் ஆனார்.
அதோடு நடனத்திலும் மிகுந்த ஈடுபாடுள்ளவர் சம்யுக்தா. அவரது நடன வீடியோக்கள் பல சமூக வலைதளங்களில் வைரலாகியிருக்கிறது. விஜய் டிவி தொகுப்பாளினி பாவனா பாலகிருஷ்ணனுடன் இணைந்து அதிக நடனமாடி இருக்கும் சம்யுக்தா, அவரின் நெருங்கிய தோழியும் கூட.
ஃபிட்னெஸ் மீது அதிக அக்கறை கொண்டவர் சம்யுக்தா, எப்போதும் யோகா செய்து தன் உடலை ஃபிட்டாக வைத்திருக்கிறார். அதோடு ஸும்பா பயிற்றுவிப்பாளராகவும் இருந்து வருகிறார். பிக் பாஸில் ஜொலிப்பாரா என பொறுத்திருந்து பார்ப்போம்.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Stay updated with the latest news headlines and all the latest Lifestyle news. Download Indian Express Tamil App - Android or iOS.