Advertisment

கொரோனா பயத்துக்கு இடையில் எஸ்பிபி-க்கு இறுதி மரியாதை செலுத்திய விஜய்!

‘பிரியமானவளே’ படத்தில் விஜய்யின் தந்தையாகவும் நடித்திருக்கிறார் எஸ்.பி.பி.

author-image
WebDesk
New Update
Thalapathy Vijay Paid his last respect to SP Balasubrahmanyam

SP Balasubrahmanyam:  கொரோனா தொற்றால் பாதிக்கப்பட்ட, பாடகர் எஸ்.பி.பாலசுப்பிரமணியம் சென்னை அரும்பாக்கத்திலுள்ள, தனியார் மருத்துவமனையில் ஆகஸ்ட் 5-ம் தேதி அனுமதிக்கப்பட்டார்.

Advertisment

யாராலும் வெறுக்கப்படாத கலைஞன்! மனிதநேய மாண்பாளன்! இளையநிலா எஸ்.பி.பி

அங்கு அவருக்கு தீவிர சிகிச்சையளிக்கப்பட்டது. இதையடுத்து கடந்த மாதம் 14-ம் தேதி அவரது உடல்நிலையில் பின்னடைவு ஏற்பட்டு, உயிர்காக்கும் சிகிச்சை அளிக்கப்பட்டது. இதையடுத்து அவரது உடலில் முன்னேற்றம் ஏற்பட்டது. சில தினங்களுக்கு முன்பு செய்த பரிசோதனையில் எஸ்.பி.பி-க்கு கொரோனோ நெகட்டிவ் எனக் கண்டறியப்பட்டது. ஆனால் நுரையீரல் பாதிப்பு காரணமாக தொடர்ந்து சிகிச்சைப் பெற்று வந்தார்.

இந்நிலையில் நேற்று முன் தினம் எஸ்.பி.பி-யின் உடல்நிலை மிகவும் மோசமடைந்தது. இதனால் சிகிச்சை பலனின்றி நேற்று மதியம் பாடும்நிலா தனது குரலை, காற்றில் கலக்கச் செய்தது. இதனால் பிரபலங்களும், ரசிகர்களும் அதிர்ச்சியில் ஆழ்ந்தனர். பிரபலங்கள் பலர் வீடியோக்கள் மூலமாகவும், சமூக வலைதளங்கள் மூலமாகவும் தங்களது இரங்கலையும், எஸ்.பி.பி-யுடனான தங்கள் நினைவலைகளையும் பகிர்ந்துக் கொண்டனர்.

தவிர, எஸ்பிபி-யின் உடல் கோடம்பாக்கத்திலுள்ள அவரது இல்லத்துக்கு கொண்டு செல்லப்பட்டு பொதுமக்கள் அஞ்சலிக்காக வைக்கப்பட்டது. பின்னர், அங்கிருந்து செங்குன்றத்தை அடுத்த தாமரைப்பாக்கம் பண்ணை வீட்டுக்கு கொண்டு செல்லப்பட்டது. அங்கு பிரபலங்கள் பலர் எஸ்பிபி-யின் உடலுக்கு அஞ்சலி செலுத்தினர். இதையடுத்து போலீஸ் அணிவகுப்புடன் எஸ்.பி.பி-யின் உடல் நல்லடக்கம் செய்யும் இடத்துக்கு கொண்டுச் செல்லப்பட்டது.

அங்கு நடிகர் விஜய் அங்கு நேரில் சென்று எஸ்.பி.பாலசுப்ரமணியம் உடலுக்கு அஞ்சலி செலுத்தினார். அவரது காலை தொட்டு வணங்கி மரியாதை செய்தார். பின்னர் எஸ்.பி.பி-யின் மகனான சரணிடம் துக்கம் விசாரித்து, ஆறுதல் அளித்தார்.

எஸ்.பி.பி உடல்நிலையில் பின்னடைவு ஏற்பட்டதும் முதல் ஆளாக மருத்துவமனைக்கு கமல் விரைந்தார். இருப்பினும் நேரில் அஞ்சலி செலுத்தவில்லை. நடிகரும், திமுக இளைஞரணி செயலாளருமான உதயநிதி ஸ்டாலின் நேற்று எஸ்பிபி-யின் உடலுக்கு நேரில் அஞ்சலி செலுத்தினார். வேறெந்த (முன்னணி) நடிகர்களும் எஸ்.பி.பி-க்கு நேரில் அஞ்சலி செலுத்தவில்லை.

குரல் தேர்வு முதல் கின்னஸ் சாதனை வரை: எஸ்பிபி சகாப்தம்

மற்ற நடிகர்களைப் போலவே விஜய்க்கும், எஸ்.பி.பி நிறைய பாடல்களைப் பாடியிருக்கிறார். அதோடு ‘பிரியமானவளே’ படத்தில் விஜய்யின் தந்தையாகவும் நடித்திருக்கிறார் எஸ்.பி.பி. அதில் அவர்கள் இருவரும் ஃப்ரெண்ட்லியான அப்பா - மகன் உறவை திரையில் பிரதிபலித்தது குறிப்பிடத்தக்கது.

“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”

Actor Vijay Singer Sp Balasubramaniam S P Balasubrahmanyam
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment