OTT: ஓ.டி.டி ரசிகர்களை குஷிப்படுத்த போகும் இந்த வார ரிலீஸ்... 4 படங்களை மிஸ் பண்ணிடாதீங்க!

வார இறுதி நாட்கள் வந்தாலே ஓடிடி பிரியர்களுக்கு ஒரு குதூகலம் தான். ஏனெனில், புதிய திரைப்படங்கள் மற்றும் வெப் தொடர்களின் பட்டியல் நீண்டு கொண்டே செல்லும். இந்த வாரத்தில், ஓடிடி தளங்களில் வெளியாகவிருக்கும் சில சுவாரஸ்யமான தமிழ் திரைப்படங்கள் மற்றும் வெப் தொடர்கள் இதோ:

போலீஸ் போலீஸ் (வெப் சீரிஸ்)

நடிகர் மிர்ச்சி செந்தில், சுஜிதா தனுஷ், ஜெயசீலன் தங்கவேல் மற்றும் பலர் நடித்த இந்த வெப் சீரிஸ், ஒரு காவல் நிலையத்தைச் சுற்றி நடக்கும் நகைச்சுவை மற்றும் காதல் கதையை மையமாகக் கொண்டது. திருடன்-போலீஸ் இடையே நடக்கும் காமெடிக் காட்சிகள் சுவாரஸ்யமான திரைக்களத்தை உருவாக்குகிறது. இந்த சீரிஸ் நாளை, செப்டம்பர் 19ஆம் தேதி, ஜியோ ஹாட்ஸ்டார் தளத்தில் வெளியாகவுள்ளது.

Sshhh (வெப் சீரிஸ் - சீசன் 2)

கடந்த ஆண்டு வெளிவந்து பெரும் வரவேற்பைப் பெற்ற 'Sshhh' வெப் சீரிஸின் இரண்டாவது சீசன் தற்போது வெளியாகவுள்ளது. நடிகை இனியா, சோனியா அகர்வால், ஐஸ்வர்யா தத்தா, ஸ்ரீகாந்த் உள்ளிட்டோர் நடித்துள்ள இந்தத் தொடர், காதல், காமம் மற்றும் நகைச்சுவை கலந்த ஒரு வித்தியாசமான ஜானரில் அமைந்தது. இந்த இரண்டாவது சீசன் நாளை, செப்டம்பர் 19ஆம் தேதி, ஆஹா ஓடிடி தளத்தில் ரசிகர்களுக்கு விருந்தளிக்க உள்ளது.

இந்திரா (திரைப்படம்)

வசந்த் ரவி, மெஹ்ரீன், அனிஹா, சுனில் உள்ளிட்டோர் நடித்த இந்த த்ரில்லர் திரைப்படம், ஒரு தொடர் கொலையாளியை சுற்றி நடக்கும் விறுவிறுப்பான கதையாகும். கடந்த மாதம் திரையரங்குகளில் வெளியான இந்திரா, இந்த வார இறுதியில் ஓடிடிக்கு வருகிறது. இந்த திரைப்படம் நாளை, செப்டம்பர் 19ஆம் தேதி, சன் நெக்ஸ்ட் மற்றும் டெண்டுகொட்ட ஆகிய தளங்களில் வெளியாகவுள்ளது.

ஹவுஸ் மேட்ஸ் (திரைப்படம்)

டி. ராஜவேல் இயக்கத்தில் தர்ஷன், காளி வெங்கட், அர்ஷா சாந்தினி பைஜூ, வினோதினி, தீனா போன்றோர் நடித்த 'ஹவுஸ் மேட்ஸ்' திரைப்படம் ஒரு புதுமையான காமெடி கதைக்களத்தைக் கொண்டுள்ளது. திரையரங்குகளில் நல்ல வரவேற்பைப் பெற்ற இந்த திரைப்படம், இந்த வாரம் ஓடிடி தளத்தில் ரசிகர்களை சிரிக்க வைக்க தயாராக உள்ளது. இந்த படம் நாளை, செப்டம்பர் 19ஆம் தேதி, ஜீ5 தளத்தில் வெளியாகிறது.

இந்த வார இறுதியில் இந்த நான்கு புதிய வரவுகளும் ஓடிடி ரசிகர்களுக்கு ஒரு நல்ல பொழுதுபோக்கை அளிக்கும் என்பதில் சந்தேகமில்லை.