நாசாவின் செயல் தலைவராக நியமிக்கப்பட்ட இந்திய-அமெரிக்கரான பவ்யா லால் யார்?

Who is Bhavya Lal the Indian American appointed as nasa acting chief of staff

Who is Bhavya Lal Tamil News : கடந்த வாரம், இந்திய-அமெரிக்கரான பவ்யா லாலை அதன் செயல் தலைவராக நியமித்தது நாசா. முன்னதாக, நாசாவில் உள்ள வெள்ளை மாளிகையின் மூத்த அப்பாயின்ட்டியாக லால், பைடன் ஜனாதிபதி மாற்றம் முகமை மறுஆய்வுக் குழுவின் உறுப்பினராக பணியாற்றினார் மற்றும் ஜனாதிபதி ஜோ பைடனின் நிர்வாகத்தின் கீழ் ஏஜென்சியின் மாற்றத்தை மேற்பார்வையிட்டார் பவ்யா.

பவ்யா லால் யார்?

2005 முதல் 2020 வரை பாதுகாப்பு பகுப்பாய்வு நிறுவனத்தில் (ஐடிஏ), அறிவியல் மற்றும் தொழில்நுட்ப கொள்கை நிறுவனத்தின் (எஸ்.டி.பி.ஐ) ஆராய்ச்சி ஊழியர்களில் உறுப்பினராக லால் பணியாற்றினார் என்று நாசா ஒரு அறிக்கையில் கூறியது. அங்கு, விண்வெளி தொழில்நுட்பம், ஸ்ட்ராடஜி மற்றும் கொள்கை பற்றிய பகுப்பாய்வுகளுக்கு அவர் தலைமை தாங்கினார். வெள்ளை மாளிகை அறிவியல் மற்றும் தொழில்நுட்பக் கொள்கை அலுவலகம் (OSTP) மற்றும் தேசிய விண்வெளி கவுன்சில், அத்துடன் நாசா, பாதுகாப்புத் துறை மற்றும் உளவுத்துறை சமூகம் உள்ளிட்ட கூட்டாட்சி விண்வெளி சார்ந்த அமைப்புகளையும் வழிநடத்தினார்.

மாசசூசெட்ஸ் இன்ஸ்டிடியூட் ஆப் டெக்னாலஜியிலிருந்து இளங்கலை அறிவியல் மற்றும் மாஸ்டர் ஆஃப் சயின்ஸ் பட்டங்களையும், தொழில்நுட்பம் மற்றும் கொள்கையில் இரண்டாவது எம்.எஸ் பட்டத்தையும் பெற்றார். லால் ஜார்ஜ் வாஷிங்டன் பல்கலைக்கழகத்தில் பொது கொள்கை மற்றும் பொது நிர்வாகத்தில் முனைவர் பட்டம் பெற்றார் மற்றும் அணு பொறியியல் மற்றும் பொது கொள்கை ஹானர் சங்கங்களில் உறுப்பினராக உள்ளார்.

விண்வெளி சுற்றுலாவை யதார்த்தமாக்குவதில் ஸ்பேஸ்எக்ஸ், விர்ஜின் கேலடிக் மற்றும் ப்ளூ ஆரிஜின் போன்ற லட்சிய தனியார் நிறுவனங்களின் முன்னேற்றம் குறித்து அவர் விரிவாக எழுதியுள்ளார். அறிவியல் மற்றும் தொழில்நுட்ப கோடை 2016 இதழில், அடுத்த 10-15 ஆண்டுகளில், அமெரிக்க அரசாங்கம் விண்வெளி சமூகத்தின் முதன்மை மையமாக இருக்கக்கூடாது என்றும், “புதுமையின் வேகத்தையும் அதன் புவியியல் பன்முகத்தன்மையையும் கருத்தில் கொள்ளவேண்டும்” என்றும் “அரசாங்கம் எப்போதும் புதுமையான தொழில்நுட்பம், அணுகுமுறை அல்லது கட்டிடக்கலை ஆகியவற்றின் உரிமையாளராக இருக்கக்கூடாது” என்றும் குறிப்பிட்டிருந்தார். அதே கட்டுரையில், விண்வெளி குறிக்கோள்கள் பெரிய விண்வெளி பயண நாடுகளுக்கு மட்டுப்படுத்தப்படவில்லை. ஆனால் இந்தியா, இஸ்ரேல் போன்ற நாடுகளையும் உள்ளடக்கியது என்று லால் கூறினார். தென் கொரியா, இங்கிலாந்து மற்றும் சிங்கப்பூர் ஆகியவை விண்வெளி ஆய்வு மற்றும் தொழில்நுட்ப வளர்ச்சியில் வளர்ந்து வரும் நிபுணத்துவத்தைக் காட்டத் தொடங்கியுள்ளன.

“ஸ்பேஸ்எக்ஸ் வெளியீடு தீர்வுகளை அடிப்படையாகக் கொண்ட ஒப்பந்தங்கள் அரசாங்கத்திற்கு மட்டுமல்ல, பரந்த விண்வெளி நிறுவனத்திற்கும் மதிப்பு சேர்க்கக்கூடும் என்பதற்கான தொடர்ச்சியான ஆதாரங்களை அளித்தது. தனியார்த் துறைக்கு அதிக பங்கு வகிப்பதால் எந்தெந்த நடவடிக்கைகள் பயனடைகின்றன என்பதைத் தீர்மானிப்பது தரவு மற்றும் பகுப்பாய்வின் விஷயமாக இருக்க வேண்டும்” என்று மே 2020-ன் ஸ்பேஸ் எக்ஸ் டெமோ -2 சோதனை விமானத்தைப் பற்றி பவ்யா கடந்த ஆண்டு ஜூன் மாதம் எழுதினார்.

டெமோ -2 பணி நாசாவின் கமர்ஷியல் க்ரூ திட்டத்தின் ஒரு பகுதி. இது பல அமெரிக்க விண்வெளி தொழில் நிறுவனங்களுடன் இணைந்து 2010 முதல், அமெரிக்க மனித விண்வெளிப் பயண அமைப்புகளை மேம்படுத்துவதற்கு உதவுகிறது. இது நம்பகமான மற்றும் செலவு குறைந்த அணுகலை உருவாக்கும் சர்வதேச விண்வெளி நிலையம் (ஐ.எஸ்.எஸ்). தனியார் நிறுவனங்களுடனான இத்தகைய கூட்டாண்மை, நாசாவைத் தவிர மற்ற குழு போக்குவரத்து சேவைகளுக்கு மாற்று செயல்பாடுகளைக் கண்டுபிடிப்பதைக் குறிக்கிறது. மேலும், இந்த விண்வெளி ஏஜென்சி, விண்கலம் மற்றும் ராக்கெட்டுகளை உருவாக்குவதில் கவனம் செலுத்த அனுமதிக்கிறது.

மார்ச் 2020-ல் ஐடிஏ வெளியிட்ட ஒரு அறிக்கையில், “விண்வெளி பொருளாதாரத்தை அளவிடுதல்: விண்வெளியில் மற்றும் அதற்கான பொருளாதார நடவடிக்கைகளை மதிப்பிடுதல்” என்ற தலைப்பில், லால் மற்றும் இணை ஆசிரியர்கள் விண்வெளி பொருளாதாரத்தின் அளவு 170 பில்லியன் டாலராக இருக்கும் என்று மதிப்பிட்டனர். வேறு சில நிறுவனங்கள் மதிப்பிட்டுள்ளவற்றில் அதன் பாதி குறிப்பிடப்பட்டுள்ளது. தங்கள் அறிக்கையில், விண்வெளி பொருளாதாரம் நான்கு பிரிவுகளைக் கொண்டிருப்பதாக அவர்கள் கருதினர். அதாவது, விண்வெளிக்கான அரசாங்க செலவுகள் (மனித விண்வெளி ஆய்வுகள் மற்றும் அறிவியல் மற்றும் இராணுவ விண்வெளித் திட்டங்கள்), விண்வெளி சேவைகள் (பூமியில் அல்லது விண்வெளியில் பயன்படுத்த விண்வெளியில் உருவாக்கப்படும் சேவைகளில் வீடுகள் மற்றும் வணிகங்களின் செலவுகள், செயற்கைக்கோள்களால் வழங்கப்பட்ட பிராட்பேண்ட் இணையம் போன்றவை), விண்வெளி சப்ளையர் தொழில் (செயற்கைக்கோள்கள் அல்லது விண்வெளி ஏவுதல்கள் போன்ற பொருட்கள் மற்றும் சேவைகளின் விற்பனை. இது அரசாங்க விண்வெளி பயணங்கள் அல்லது விண்வெளி பொருட்கள் மற்றும் சேவைகளை பூமியில் விற்பனைக்கு உற்பத்தி செய்வது) மற்றும் விண்வெளி சேவை பயனர் ஆதரவு தொழில் (நுகர்வோர் செயற்கைக்கோள் டிவி டிஷுகள், உலகளாவிய வழிசெலுத்தல் செயற்கைக்கோள் அமைப்புகள் (ஜிஎன்எஸ்எஸ்) வன்பொருள் போன்ற தயாரிப்புகளின் விற்பனை-விண்வெளி சேவைகளைப் பயன்படுத்தத் தேவையானவை) ஆகியவை அடங்கும்.

பணியாளர்களின் செயல் தலைவராக, நாசாவின் தலைமையகத்தில் அன்றாட நடவடிக்கைகளுக்கு பவ்யா லால் பொறுப்பேற்பார். மேலும் விண்வெளி அமைப்பின் ஸ்ட்ராடஜி திசையை வடிவமைப்பதில் பணியாற்றுவார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil“

Get all the Latest Tamil News and Tamil Nadu News at Indian Express Tamil. You can also catch all the latest Tamil Explained News by following us on Twitter and Facebook