ஹெவியாக சாப்டீங்களா? இந்த ரசம் கொஞ்சம் போதும்; ஜீரணத்துக்கு பெஸ்ட்!

குளிர்காலத்தில் சளி மற்றும் இருமலால் அவதிப்படுபவர்களுக்கு இந்த 'பத்திய ரசம்' ஒரு சிறந்த தீர்வாக அமையும். இது அஞ்சறைப் பெட்டியில் உள்ள எளிமையான, நோய் எதிர்ப்பு சக்தியை அதிகரிக்கும் பொருட்களைக் கொண்டு தயாரிக்கப்படுகிறது. இந்த ரசம் தொண்டைக்கு இதமளித்து, உடலுக்குப் புத்துணர்ச்சி அளிக்கும் ஒரு அற்புதமான சுவையையும், நறுமணத்தையும் கொண்டுள்ளது. இந்த ஃபிளேவர்ஃபுல்லான ரசம் கோல்டு மற்றும் காஃப் போன்ற பிரச்சனைகளுக்கு உதவக்கூடிய ஒரு பாரம்பரிய வீட்டு மருந்தாகும். இதனை எப்படி செய்வது என்று ட்ரடிஷனலி மாடர்ன் ஃபுட் இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

சீரகம், மிளகு, தனியா    தலா ½ டீஸ்பூன் 
ஓமம்  1 டீஸ்பூன்
வெந்தயம்    ⅛ டீஸ்பூன்
பூண்டு    3 பல்
இஞ்சி 
தக்காளி ¼ கப் 
நெய்    ½ டேபிள் ஸ்பூன்
கடுகு    ½ டீஸ்பூன்  
பச்சை மிளகாய், வரமிளகாய், பெருங்காயம் 
மஞ்சள் பொடி 
புளித் தண்ணீர் ¼ கப்
உப்பு 
கிராம்பு, பட்டை, ஸ்டார் அனிஸ்  

செய்முறை:

முதலில், கொடுக்கப்பட்ட அளவுகளில் உள்ள மசாலா பொருட்களை (சீரகம் முதல் தனியா வரை) ஒன்றாகச் சேர்த்து நன்றாகத் தட்டிப் பொடி செய்து கொள்ளவும். பின்னர், பூண்டு, இஞ்சி, தக்காளியை தனியாக விழுதாகத் தட்டி எடுத்து வைத்துக் கொள்ளவும். ஒரு பாத்திரத்தில் நெய்யைச் சூடாக்கி, கடுகு சேர்த்துப் பொரிய விடவும். கடுகு பொரிந்ததும், பச்சை மிளகாய், வரமிளகாய், தாராளமான பெருங்காயம், மற்றும் தட்டி வைத்த விழுதைச் சேர்த்து நன்றாக வதக்கவும்.

View this post on Instagram

A post shared by Vidya Srinivasan (@traditionallymodernfood)

கொத்தமல்லி, கருவேப்பிலை, மற்றும் மஞ்சள் பொடி ஆகியவற்றைச் சேர்த்த பின், ¼ கப் திக்காகக் கரைத்த புளித் தண்ணீர், 1.5 கப் தண்ணீர், மற்றும் ½ டீஸ்பூன் உப்பு சேர்த்து நன்கு கலக்கவும். ரசம் நுரைத்து கொதி வரும் நிலையை அடையும் வரை சூடேற்றவும். இந்த நிலையில், இறுதியாகச் சேர்க்க வேண்டிய கிராம்பு, பட்டை, ஸ்டார் அனிஸ் ஆகியவற்றை லேசாகத் தட்டி எடுக்கவும். ரசத்தில் இருந்து ஒரு கரண்டி எடுத்து, தட்டிய நறுமணப் பொருட்களுடன் கலந்து, மீண்டும் ரசத்தில் ஊற்றி நன்கு கலக்கவும். ஒரு கொதி வந்த உடனேயே அடுப்பை அணைத்து, சுவையான பத்திய ரசத்தைப் பரிமாறலாம்.