கன்ஹையாவின் கேம்பஸ் ஸ்டைல் அரசியல் காங்கிரஸில் புது ரத்தத்தை பாய்ச்சுமா?

பிகார் மற்றும் பிற இடங்களில் களத்தை இழந்துவரும் காங்கிரஸ் கட்சியில் கடந்த வாரம் கன்ஹையா குமார் சேர்ந்தார். அவரது கேம்பஸ் ஸ்டைல் அரசியல் காங்கிரஸ் கட்சியில் புதிய இரத்தத்தை பாய்ச்சுமா அல்லது அவரை மற்றொரு அடையாளமாக உள்ளிழுத்துக்கொள்ளுமா? என்று இந்தியன் எக்ஸ்பிரஸ் கன்ஹையாவையும் அவரது அரசியல் பற்றியும் பேசுகிறது.

ஒரு காலத்தில் பாட்னாவில் உள்ள காங்கிரஸ் கட்சி தலைமையகமான சதகத் ஆசிரமத்தில் பாய்ந்த கங்கை, அக்கட்சியின் வாக்காளர்களைப் போலவே விலகியது. கடந்த முப்பது ஆண்டுகளாக காங்கிரஸ் கட்சி அலுவலகம் வெறிச்சோடி காணப்பட்டது. அதே நேரத்தில் பாஜக, ஜேடியு மற்றும் ஆர்ஜேடி-யின் அலுவலகங்களைக் கொண்ட பிர் சந்த் படேல் பாதைக்கு நடவடிக்கை மாற்றப்பட்டது. ஆனால், இப்போது, ​​முதன்முறையாக, சதகத் ஆசிரமம் கவனத்தை ஈர்க்கிறது. அது புதியதாக நுழைந்துள்ள கன்ஹையா குமாரின் வருகைக்காகக் காத்திருக்கிறது.

ஜேஎன்யு மாணவர் சங்கத்தின் முன்னாள் தலைவர் - பிப்ரவரி 2016 தேசத் துரோக வழக்கில் கைது செய்யப்பட்டு, நாடு முழுவதும் கல்வி நிறுவன வளாகங்கள் மூலம் ஆசாதி கோஷங்கள் எழுப்பப்படுவதற்கு காரணமான அவர் டெல்லியில் செப்டம்பர் 29ம் தேதி காங்கிரஸ் கட்சியில் சேர்ந்த நாளில், “நான் நாட்டின் பழமையான மற்றும் ஜனநாயகத்தை (கட்சி) தேர்ந்தெடுத்துள்ளேன். காங்கிரஸ் இல்லாவிட்டால், ஒரு நாடு இருக்காது என்று பல இளைஞர்கள் நினைக்கிறார்கள்” என்று கன்ஹையா கூறினார்.

இடதுசாரி அரசியலில் மூழ்கியிருக்கும் அவருக்கு இது ஒரு திட்டவட்டமான மாற்றமாகும். அவருடைய அரசியல் பாஜக மற்றும் காங்கிரஸைத் தாக்குவதைச் சுற்றி இருந்தது. 2015 ஜேஎன்யு மாணவர் சங்கத் தலைவர் விவாதத்தின் போது, ​​அவர் ஒரு பிரபல ஜோடி கட்சி இருக்கிறது, நாட்டை அழிக்க ஒரு காங்கிரஸ் போதும் ; ஒவ்வொரு மாநிலத்திலும் பாஜக இருந்தால், இந்த நாட்டில் என்ன மிச்சம் இருக்கும்?” என்று கேட்டார்.

இந்திய கம்யூனிஸ்ட் கட்சி (சிபிஐ) ஒரு காலத்தில் தன் வசம் வைத்திருந்த பிகாரின் "மினி மாஸ்கோ" அல்லது "பிகாரின் லெனின்கிராட்" என்று அழைக்கப்படும் பிகார் மாநில நகரமான பேகுசராயைச் சேர்ந்த கன்ஹையா, அவர் கல்லூரியில் மாணவர் அரசியலுக்கு அறிமுகப்படுத்தப்பட்டபோது, ​​பாட்னாவில் உள்ள கல்லூரியில்தான் அவர் கலாச்சார மற்றும் அரசியல் செயல்பாடுகளில் மூழ்கினார்.

2004 இல் பாட்னாவில் உள்ள வணிகம், கலை மற்றும் அறிவியல் கல்லூரியில் சேருவதற்கு முன்பு, கன்ஹையா பேகுசராய் பரவுனியில் உள்ள ஆர்.கே. சி உயர்நிலைப் பள்ளியில் பயின்றார். “ஐபிடிஏ (இந்தியா பீப்பிள்ஸ் தியேட்டர் அசோசியேஷன்) க்காக நான் பல நாடகங்களை நிகழ்த்தினேன். இதன் காரணமாக நான் நிறைய படிக்க ஆரம்பித்தேன். மார்க்சியம் பயின்றேன். நான் சமூக-அரசியல் நடவடிக்கைகளில் பங்கேற்கத் தொடங்கியவுடன். நான் ஏ.ஐ.எஸ்.எஃப் (அகில இந்திய மாணவர் கூட்டமைப்பு, சிபிஐ-யின் இளைஞர் பிரிவு) செயல்வீரர்களை சந்தித்தேன். 2002ல் நான் பள்ளியில் உறுப்பினராக இருந்தாலும், பள்ளியில் இருந்தபோது, JNUSU தலைவராக தேர்ந்தெடுக்கப்பட்ட பிறகு 2015ல் இந்தியன் எக்ஸ்பிரஸிடம் கூறினார்.

நாளந்தா திறந்தநிலை பல்கலைக்கழகத்தில் பட்டம் பெற்ற பிறகு, கன்ஹையா டெல்லிக்குச் சென்றார். பின்னர், ஜேஎன்யுவில் 2011ம் ஆண்டில் ஆப்பிரிக்க ஆய்வு மையத்தில் எம்ஃபில் சேர்ந்தார். 2019ம் ஆண்டில், ‘தென்னாப்பிரிக்காவில் காலனித்துவமும் சமூக மாற்றத்தின் செயல்முறையும் 1994-2015’ என்ற தலைப்பில் ஆய்வு செய்து தனது முனைவர் பட்டத்தை முடித்தார்.

சிபிஐ -யின் தலைவரான கன்ஹையா காங்கிரசில் ஒரு இயல்பான தொழில் முன்னேற்றத்தைக் கண்டார், இது பாஜகவின் எழுச்சியிலிருந்து அரசியல் எவ்வளவு தூரம் சென்றது என்பதற்கான அளவுகோலாகும். சிபிஐ மற்றும் காங்கிரஸ் இடையே 1960 களின் நடுப்பகுதியிலிருந்து 1990 களின் பிற்பகுதி வரை நீடித்த போர்களைக் கண்ட பிகாரைக் கருத்தில் கொள்வது குறிப்பாக முரண்பாடாக உள்ளது, இப்போது இரு தரப்பினரும் ஒருவருக்கொருவர் இயற்கையான கூட்டாளிகளாக பார்க்கிறார்கள்.

இந்திய கம்யூனிஸ்ட் கட்சியின் தலைவரான கன்ஹையா காங்கிரஸ் கட்சியில் ஒரு இயல்பான பயணத்தைக் கண்டார். இது பாஜகவின் எழுச்சியிலிருந்து அரசியல் எவ்வளவு தூரம் சென்றது என்பதற்கான அளவுகோலாகும். சிபிஐ மற்றும் காங்கிரஸ் இடையே 1960 களின் நடுப்பகுதியிலிருந்து 1990 களின் பிற்பகுதி வரை நீடித்த போர்களைக் கண்ட பிகாரைக் கருத்தில் கொள்வது குறிப்பாக முரண்பாடாக உள்ளது. இப்போது இரு தரப்பினரும் ஒருவருக்கொருவர் இயல்பான கூட்டாளிகளாக பார்க்கிறார்கள்.

ஜேஎன்யுவில் கன்ஹையாவின் சமகாலத்தவர்கள் மற்றும் அவர் தங்கியிருந்த பிரம்மபுத்திரா விடுதியில் அவருக்கு நெருக்கமானவர்கள் பலர், காங்கிரஸின் விருப்பத்தைப் புரிந்துகொண்டனர்.

“எங்கள் இயக்கம் பெற்ற ஆதரவு என்பது கேம்பஸ் அல்லது குறிப்பிட்ட மாணவர் அமைப்புகளுக்கு அப்பாலும் விரிவடைந்தது. நாங்கள் ஒரு பரந்த முற்போக்கு நிகழ்ச்சி நிரலின் உச்சரிப்பாளர்களாக ஆனோம். அவர் அந்த முற்போக்கு பார்வைக்காக நிற்கும் வரை, நான் அவருக்கு நல்வாழ்த்துக்களைத் தெரிவித்துக் கொள்கிறேன்” என்கிறார் ஜெஎன்யுவில் அவருடன் மாணவர் சங்கத்தில் இருந்த முன்னாள் துணைத் தலைவர் ஷெஹ்லா ரஷித் ஷோரா கூறினார்.

கன்ஹையாவின் நண்பரும் அவருடைய விடுதி நண்பர் ஒருவர் கூறுகையில், “கன்ஹையா லட்சியம் மிக்கவர். அவருடைய திறமை லட்சியமாக இருக்க வேண்டும். கடந்த 4-5 ஆண்டுகளில், குறிப்பாக அவர் கேம்பஸை விட்டு வெளியேறி, கள யதார்த்தங்களைப் பார்க்கத் தொடங்கிய பிறகு, கட்சியின் (சிபிஐ) கட்டமைப்பிற்கும் அதன் கடினத் தன்மைக்கும் எதிராக அவரிடம் சிறிது விரக்தி நிலவியது. அவர் விரும்பியதைப் போல சமூகத்தில் மாற்றங்களைச் செய்ய முடியவில்லை.

செப்டம்பர் 28ம் தேதி அவருடன் காங்கிரஸில் இணைந்தவர்களில் கன்ஹையாவின் நெருங்கிய நண்பர்களில் ஒருவரான அன்ஷுல் திரிவேதியும் இருந்தார். அவருடைய முடிவை விளக்கி, திரிவேதி கூறுகையில்ல், “சுமார் 200 இடங்களில், காங்கிரஸ் மட்டுமே பாஜகவை எதிர்க்கிறது. காங்கிரஸை வலுப்படுத்தாமல், இந்த மக்கள் விரோத ஆட்சியை ஒருபோதும் வீழ்த்த முடியாது. திரிவேதி வளாகத்தில் இடது அமைப்புகளில் உறுப்பினராக இருந்துள்ளார். முதலில் இந்திய மாணவர் கூட்டமைப்பு (எஸ்.எஃப்.ஐ) பின்னர் ஜனநாயக மாணவர் கூட்டமைப்பில் இருந்தார்.

பலர், உண்மையில், கன்ஹையாவும் காங்கிரஸும் இயற்கையாக பொருந்துவதாக சுட்டிக்காட்டுகின்றனர்.

கன்ஹையாவைப் பொறுத்தவரை, வெளியேறுவதன் மூலம் பாஜகதான் அவரது முக்கிய எதிரி. இரண்டு சோசலிஸ்ட் கட்சிகளான ஐக்கிய ஜனதா தளம் மற்றும் ஆர்.ஜே.டி கட்சிகள் ஒரு உயர் சாதித் தலைவரை முன்னிறுத்த முடியாது. சிபிஐ கிட்டத்தட்ட இல்லாத நிலையில், மத்திய குழு உறுப்பினரான கன்ஹையா இன்னும் முன்னேற முடியாது.

ஒரு சிபிஐ தலைவர் கூறுகையில், “கன்ஹையா மிகவும் லட்சியம் மிக்க தலைவர். சிபிஐ (எம்), சிபிஐ (எம்எல்) மற்றும் சிபிஐ ஆகிய மூன்று இடது கட்சிகளும் கூட்டணியாக இருந்த மாபெரும் கூட்டணி 2020 பிகார் சட்டசபை தேர்தலுக்கு போதுமான அளவு தனது சேவைகளைப் பயன்படுத்தாதபோது அவர் ஓரங்கட்டப்பட்டார்.

கன்ஹையாவுக்கு வலுவான கட்சி இல்லை, பிகார் காங்கிரசுக்கும் வலுவான தலைவர் இல்லை. 1990ம் ஆண்டில் மாநிலத்தில் கடைசியாக ஆட்சியில் இருந்த காங்கிரஸ் கட்சி முப்பது ஆண்டு கால அரசியல் மந்தநிலையிலிருந்து அதைத் தூக்கி நிறுத்தக் கூடிய தலைவர் இல்லாமல் இருந்தது.

இங்கேதான் கன்ஹையா வருகிறார். அவர் எதிர் கட்சியை முறைத்துப் பார்க்கக்கூடியவராகக் காணப்படுகிறார். மத்திய அரசின் சிஏஏ மற்றும் என்.ஆர்.சி-க்கு எதிர்ப்பு தெரிவித்ததின் உச்சத்தில், காங்கிரஸோ அல்லது சோசலிஸ்ட் கட்சிகளோ அல்ல. ஆனால், கன்ஹையா பாஜகவை எதிர்த்தார். அவர் சீமாஞ்சல் பிராந்தியத்தில் (அராரியா, பூர்னியா, கதிஹார் மற்றும் கிஷன்கஞ்ச்) தொடர்ச்சியாக் கூட்டங்களை நடத்தினார். பெரும் கூட்டத்தை ஈர்த்தார் - அவரது பூர்னியா கூட்டம் சுமார் ஒரு லட்சம் மக்களை ஈர்த்தது.

அவரால் கூட்டத்தை சேர்க்க முடியும் என்ற போதிலும், சிபிஐ கட்சியைத் தவிர பெரும்பாலான அரசியல் கட்சிகள் விலகி இருந்தன. அந்த கூட்டங்களின்போது கன்ஹையாவுடன் மேடையைப் பகிர்ந்து கொண்ட ஒரே காங்கிரஸ்காரர் ஷாகில் அகமது கான் மட்டும்தான். இவர் முன்னாள் ஜேஎன்யு மாணவர்.

அப்போது ஒரு காங்கிரஸ் தலைவர், “சில தலித்துகள் மற்றும் முஸ்லீம்களைத் தவிர வேறு யாரை கன்ஹையா மேசைக்கு அழைத்து வருகிறார்?” என்று கேட்டார்.

இப்போது, ​​அவர் ஒரு புதிய இன்னிங்ஸைத் தொடங்குகையில், கன்ஹையா தனது மிகப்பெரிய பலத்தை உணர்கிறார் - பாஜகவின் தேசியம் மற்றும் இந்துத்துவா அரசியலுக்கான அவரது தீவிரமான எதிர்ப்பு - குறிப்பாக காங்கிரசில், மோடியை எப்படி எதிர்ப்பது என்ற அணுகுமுறையில் அக்கட்சி பிளவுபட்டு தத்தளிக்கிறது.

அவருக்கு நெருக்கமானவர்கள், கனையாவுக்கு இது நன்றாகத் தெரியும் என்று கூறுகிறார்கள் - கடுமையான இடது இமேஜ் ஒரு பொறுப்பாக இருக்கலாம்.

அவரது நண்பரும் கவிஞருமான சுதன்ஷு பிர்தவுஸ், கன்ஹையா 2019ல் பெகுசாராய் தோல்விடைந்த பிறகு சிவில் சமூகத்தின் சந்திப்பை நினைவு கூர்ந்தார். “சூழ்நிலை பதட்டமாக இருந்தது. திடீரென்று, லால் சலாம் கோஷங்கள் வெடித்தன. லால் சலாம் அதிகம் பயன்படுத்தாமல் சாதாரணமாக உரையாடலை நடத்த முடியாதா என்று கன்ஹையா ஆச்சரியப்பட்டார்” என்று அவர் கூறுகிறார்.

காங்கிரசில் உள்ளவர்கள், அவரது பதவியை விமர்சிப்பவர்கள், தனது சொந்த தொகுதியில் வெற்றி பெற முடியாத ஒருவர் எப்படி கட்சியை உற்சாகப்படுத்துகிறார் என்று ஆச்சரியப்படுகிறார்கள்.

பிகார் இளைஞர் காங்கிரஸ் முன்னாள் தலைவரும், ஏஐசிசி உறுப்பினருமான லாலன் குமார் கூறுகையில், “கன்ஹையா வரவேற்கப்படுகிறார். ஆனால், நீண்டகாலமாக காத்திருக்கும் பல இளம் காங்கிரஸ் தலைவர்களைப் பற்றி என்ன சொல்வது? கன்ஹையா எந்த தேர்தலிலும் வெற்றி பெறவில்லை. காங்கிரஸ் தலைவராக, அவர் ஒரு சிபிஐ தலைவராக இருந்ததைப் போலவே தொடர்ந்து கூட்டத்தை ஈர்ப்பாரா?” என்று கேள்வி எழுப்பினார்.

அவருடைய மாறுபட்டநிலையை ஒரு குறைபாடாகவும் அவர்கள் சுட்டிக்காட்டுகின்றனர். 2019 தேர்தலுக்கு முன்பும், பின்னர், அவரது சிஏஏ எதிர்ப்பு கூட்டத்திற்குப் பிறகும், அவர் அமைதியாகச் சென்றார். களத்திற்கு திரும்புவதற்கு முன் கன்ஹையா சிறிய செயல்பாடுகளில் தோன்றினார். டெல்லி கலவர வழக்கில் அவரது ஜேஎன்யு கூட்டாளியான உமர் காலித் கைது செய்யப்பட்டதற்கான அவரது மௌனமும் விமர்சனத்திற்கு உள்ளானது.

“ஒட்டுமொத்த எதிர்க்கட்சிகளும் சாதிவாரி கணக்கெடுப்பில் ஒரே நிலைப்பாட்டை எடுக்கும்போது அவர் எங்கே இருந்தார்? 2019 தேர்தலுக்குப் பிறகு அவர் பிகாரில் இருந்து பெரும்பாலான நேரம் வெளியே இருந்தார்” என்று ஒரு மூத்த காங்கிரஸ் தலைவர் கேட்கிறார்.

கன்ஹையா தனிமை விரும்பி அல்லது நம்பமுடியாதவர் என்ற எண்ணத்தை ஃபிர்தவுஸ் நிராகரிக்கிறார். “கன்ஹையாவை சந்திப்பதற்கு எந்த தடையும் இல்லை. ஆனால், பாதுகாப்பு காரணங்களுக்காக அவர் சில நேரங்களில் மக்களிடமிருந்து விலகி இருக்கிறார். அவரது 2020 கூட்டத்தின்போது, நாங்கள் தர்பங்காவில் ஒரு இரவைக் கழித்தோம். அங்கு நாங்கள் அனைவரும் அழுக்கான தரைவிரிப்புகளில் தூங்கினோம். இரவு முழுவதும் கொசுக்கடியால் அவதிப்பட்டோம். ஆனால் கன்ஹையா புகார் செய்யவில்லை. அடுத்த நாள் கூட்டத்தை மிகவும் உற்சாகத்துடன் நடத்தினார்.” என்று கூறினார்.

இந்த மண்ணின் மைந்தர் கடினத்தன்மையே கனையாவின் மிகப்பெரிய ஈர்ப்பாகக் கணக்கிடப்படுகிறது. காங்கிரஸ் சீராக அடிமட்ட தொண்டர்களுடனான இணைப்பை இழந்துவிட்டது.

பேகுசாராயில் இந்தியன் எக்ஸ்பிரஸுக்கு கன்ஹையா அடிக்கடி சொல்லியிருக்கிறார் - ஜெய்ஷங்கர் சிங்கின் மகன், உறுதியான விவசாயி மற்றும் பகுதி நேர சிபிஐ தொண்டர். தாய் மீனா தேவி, அங்கன்வாடி ஊழியர் இந்த பின்னணியில்தான் வார்த்தைகளும் பேச்சாற்றலும் கொண்ட ஒரு பிரகாசமன குழந்தை என்று கூறினார்.

அவர் புத்தகங்களைப் படிக்கத் தேர்ந்தெடுத்ததால் அவர் தனது வயதில் மற்ற சிறுவர்களைப் போல செய்த உடல் உழைப்பு வேலைகளில் இருந்து தப்பிக்கலாம். ஒரு பள்ளி போட்டியில் அன்னை தெரசாவைப் பற்றி பேசியதற்காக ஆக்ஸ்போர்டு அகராதியை வென்றார். போலியோ ஒழிப்பு பணியாளராக தன்னார்வத் தொண்டு மூலம் அவர் பணம் ஈட்டினார்.

இப்போது கன்ஹையா காங்கிரசில் சேர்ந்துவிட்டார், அவருடைய உடனடி சவால் கட்சி தொண்டர்களைக் கையாள்வதாக உள்ளது.

பிஹார் காங்கிரஸ் செயல் தலைவர் கௌகாப் குவாத்ரி கூறுகையில், “கன்ஹையா நேரடியாக உயர்மட்ட தலைவராகல் கட்சியில் சேர்க்கப்பட்டதால், அவர் உள்ளிருந்து அதிக சவாலை எதிர்கொள்ள மாட்டார். கன்ஹையா ஒரு சிறந்த பேச்சாளர். உண்மையான அர்த்தத்தில் ஒரு நட்சத்திர பிரச்சாரகர். நீண்ட நாட்களுக்குப் பிறகு, காங்கிரஸ் கூட்டங்களுக்கு மக்கள் வருவதைப் பார்ப்போம்.” என்று கூறினார்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"