Advertisment

நுபுர் சர்மா கருத்துக்கு எதிராக ஆர்ப்பாட்டம்; வெளிநாட்டவர்களை நாடு கடத்தும் குவைத்

நுபுர் சர்மா கருத்துக்கு எதிர்ப்பு தெரிவித்து குவைத்தில் ஆர்ப்பாட்டம்; சட்ட மீறல் என ஆர்ப்பாட்டத்தில் ஈடுபட்ட வெளிநாட்டவர்களை நாடு கடத்துகிறது குவைத்

author-image
WebDesk
New Update
நுபுர் சர்மா கருத்துக்கு எதிராக ஆர்ப்பாட்டம்; வெளிநாட்டவர்களை நாடு கடத்தும் குவைத்

Kuwait government to deport expats who protested over remarks against Prophet at illegal demonstration: வளைகுடா நாட்டின் சட்டங்கள் அத்தகைய ஆர்ப்பாட்டங்களை அனுமதிக்காததால், முஹம்மது நபிக்கு எதிராக இரண்டு முன்னாள் பாஜக நிர்வாகிகளின் சர்ச்சைக்குரிய கருத்துகளுக்கு எதிராக போராட்டத்தில் கலந்து கொண்ட குறிப்பிடப்படாத எண்ணிக்கையிலான வெளிநாட்டினரை கைது செய்து நாடு கடத்த குவைத் அரசாங்கம் முடிவு செய்துள்ளதாக ஊடக அறிக்கை ஒன்றில் தெரிவிக்கப்பட்டுள்ளது.

Advertisment

முஹம்மது நபிக்கு ஆதரவாக வெள்ளிக்கிழமை தொழுகைக்குப் பிறகு ஆர்ப்பாட்டம் நடத்திய ஃபஹாஹீல் பகுதியைச் சேர்ந்த வெளிநாட்டவர்களைக் கைது செய்ய அறிவுறுத்தல்கள் வழங்கப்பட்டுள்ளன என சவுதி அரேபியாவில் இருந்து வெளியாகும் ஆங்கில மொழி நாளிதழான அரப் நியூஸ், ஆதாரங்களை மேற்கோள் காட்டி செய்தி வெளியிட்டுள்ளது.

வளைகுடா நாட்டில் வெளிநாட்டவர்களின் உள்ளிருப்புப் போராட்டங்கள் அல்லது ஆர்ப்பாட்டங்கள் நடத்தப்படக் கூடாது என்று விதிக்கப்பட்டுள்ள நாட்டின் சட்டங்கள் மற்றும் விதிமுறைகளை மீறியதால், போராட்டக்காரர்கள் அந்தந்த நாடுகளுக்கு நாடு கடத்தப்படுவார்கள் என்று குவைத் தெரிவித்துள்ளது.

"துப்பறியும் நபர்கள் அவர்களைக் கைதுசெய்து, நாடு கடத்தப்படும் பணியில் ஈடுபட்டுள்ளனர், மேலும் அவர்கள் குவைத்துக்குள் மீண்டும் நுழைய தடை விதிக்கப்படும்" என்று குவைத் செய்தித்தாள் அல் ராய் தெரிவித்துள்ளது.

இதையும் படியுங்கள்: வடகொரியாவுக்கு முதல் பெண் வெளியுறவு அமைச்சர்; அமெரிக்காவில் விலைவாசி உயர்வு

ஆர்ப்பாட்டத்தில் கலந்துகொண்ட வெளிநாட்டவர்கள் எந்த நாட்டைச் சேர்ந்தவர்கள் என்று அந்த அறிக்கையில் குறிப்பிடப்படவில்லை.

முன்னாள் பாஜக நிர்வாகிகளின் கருத்துக்கள் தொடர்பாக இந்திய தூதருக்கு சம்மன் அனுப்பிய சில நாடுகளில் குவைத் அரசும் ஒன்று.

குவைத்துக்கான இந்தியத் தூதர் சிபி ஜார்ஜை வரவழைத்து, நபிகள் நாயகத்திற்கு எதிராக பா.ஜ.க நிர்வாகி வெளியிட்ட அறிக்கைகளை குவைத் "முற்றிலும் நிராகரித்து கண்டனம்" தெரிவிக்கும் அதிகாரப்பூர்வ எதிர்ப்புக் குறிப்பை ஆசிய விவகாரங்களுக்கான உதவி இராஜாங்கச் செயலாளரிடம் அளிக்கப்பட்டதாக, குவைத் வெளியுறவு அமைச்சகம் தெரிவித்துள்ளது.

இந்தியாவில் ஆளும் கட்சியான பா.ஜ.க வெளியிட்ட அறிக்கையை குவைத் வெளியுறவு அமைச்சகம் வரவேற்றது, அதில் கட்சி நிர்வாகியின் இடைநீக்கம் அறிவிக்கப்பட்டது. நபிகளுக்கு எதிரான சர்ச்சைக்குரிய கருத்துக்களுக்குப் பிறகு, பா.ஜ.க தனது தேசிய செய்தித் தொடர்பாளர் நுபுர் ஷர்மாவை இடைநீக்கம் செய்தது மற்றும் அதன் டெல்லி ஊடகத் தலைவர் நவீன் குமார் ஜிண்டால் பிரச்சினையில் சர்ச்சையைத் தணிக்க முயன்றதால் அவரை கட்சியிலிருந்து வெளியேற்றியது.

கருத்துக்களுக்கு முஸ்லீம் குழுக்களின் எதிர்ப்புகளுக்கு மத்தியில், சிறுபான்மையினரின் கவலைகளைத் தணித்து, இந்த உறுப்பினர்களிடமிருந்து தன்னை ஒதுக்கி வைப்பதை நோக்கமாகக் கொண்ட ஒரு அறிக்கையை அக்கட்சி வெளியிட்டது.

சர்ச்சைக்குரிய கருத்துக்களுக்கு டஜன் முஸ்லிம் நாடுகள் கண்டனம் தெரிவித்துள்ளன.

புதுடெல்லியில், வெளியுறவு அமைச்சகம், கருத்துக்கள் அரசாங்கத்தின் கருத்துக்களை பிரதிபலிக்கவில்லை என்று அரசாங்கம் தெளிவுபடுத்தியுள்ளது.

வெளியுறவுத்துறை செய்தித் தொடர்பாளர் அரிந்தம் பாக்சி, "ட்வீட்கள் மற்றும் கருத்துகள் அரசாங்கத்தின் கருத்துக்களைப் பிரதிபலிக்கவில்லை என்பதை நாங்கள் தெளிவாகக் கூறியுள்ளோம்" என்று சமீபத்திய ஊடக சந்திப்பில் தெரிவித்தார்.

"இது எங்கள் அதிகாரிகளுக்கு தெரிவிக்கப்பட்டுள்ளது, மேலும் கருத்துகள் மற்றும் ட்வீட் செய்தவர்களுக்கு எதிராக சம்பந்தப்பட்ட தரப்பினரால் நடவடிக்கை எடுக்கப்பட்டுள்ளது. இதைப் பற்றி நான் கூடுதலாக எதுவும் கூற வேண்டும் என்று நான் நினைக்கவில்லை, ”என்று அவர் கூறினார்.

சமீபத்திய புள்ளிவிவரங்களின்படி, குவைத்தில் சட்டப்பூர்வமாக வசிக்கும் இந்தியர்களின் எண்ணிக்கை 2019-ல் 10 லட்சத்தைத் தாண்டியுள்ளது. குவைத்தில் உள்ள இந்திய சமூகம் ஆண்டுக்கு 5-6 சதவீதமாக தொடர்ந்து வளர்ந்து வருகிறது. குவைத்தில் உள்ள இந்திய தூதரகத்தின் படி, குவைத்தில் இந்திய சமூகம் மிகப்பெரிய மற்றும் மிகவும் விருப்பமான சமூகமாக உள்ளது, இரண்டாவது பெரிய வெளிநாட்டவர் சமூகம் எகிப்தியர்கள்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

World News
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment