Advertisment

வேலைவாய்ப்புச் செய்தி: மத்திய அரசில் 3,259 பணியிடங்கள்! விரைவில் விண்ணப்பியுங்கள்

தமிழகத்தில் சென்னை, திருச்சி, கோவை, மதுரை, நெல்லை ஆகிய இடங்களில் தேர்வு மையம் அமைக்கப்பட்டுள்ளது

author-image
WebDesk
புதுப்பிக்கப்பட்டது
New Update
வேலைவாய்ப்புச் செய்தி: மத்திய அரசில் 3,259 பணியிடங்கள்! விரைவில் விண்ணப்பியுங்கள்

மத்திய அரசுப் பணியிடங்களை நிரப்புவதில் ஸ்டாப் செலக்சன் கமிஷன் எனப்படும் எஸ்.எஸ்.சி., அமைப்பு பெயர் பெற்றது. பொது எழுத்துத் தேர்வுகள் மற்றும் திறனறியும் தேர்வுகள் மூலம் காலிப்பணியிடங்களை நிரப்புகிறது. இந்த அமைப்பின் சார்பாக பிளஸ் 2 மற்றும் அதற்கு சமமான படிப்பை முடித்துவிட்டு அரசு வேலைக்கு காத்து இருப்பவர்களுக்கான பொது எழுத்துத் தேர்வு அறிவிப்பு வெளியிடப்பட்டுள்ளது. இதன் மூலம் 3,259 இடங்கள் நிரப்பப்பட உள்ளன.

Advertisment

காலியிடங்கள் : லோயர் டிவிஷன் கிளார்க் / ஜூனியர் சார்ட்டிங் அசிஸ்டன்ட் பிரிவில் 898 இடங்களும், போஸ்டல் அசிஸ்டன்ட்/ சார்ட்டிங் அசிஸ்டன்ட் பிரிவில் 2,359 இடங்களும், டேட்டா என்ட்ரி ஆப்பரேட்டரில் 2 இடங்களும் என மொத்தம் 3,259 இடங்கள் நிரப்பப்படுகின்றன.

வயது : 2018 ஆக., 1 அடிப்படையில் விண்ணப்பதாரர்கள் 18 - 27 வயதுக்குள் இருக்க வேண்டும். இதிலிருந்து இட ஒதுக்கீட்டு பிரிவினருக்கு உரிய வயது சலுகை உள்ளன.

கல்வித் தகுதி : விண்ணப்பிக்க விரும்புவர்கள் 2018 ஆக., 1 அடிப்படையில் பிளஸ் 2 அளவிலான படிப்பை அங்கீகரிக்கப்பட்ட கல்வி நிறுவனத்தின் மூலமாக முடித்திருக்க வேண்டும்.

விண்ணப்பிக்கும் முறை : www.ssconline.nic.in என்ற இணையதளத்தின் மூலம் ஆன்லைனில் மட்டுமே விண்ணப்பிக்க வேண்டும். கட்டணம் 100 ரூபாய். ஸ்டேட் வங்கிக் கிளை மூலமோ அல்லது நெட் பேங்கிங், கிரெடிட் டெபிட் கார்டு வாயிலாகவோ செலுத்தலாம். பெண்கள் மற்றும் எஸ்.சி.,/ எஸ்.டி., மாற்றுத் திறனாளிகள், முன்னாள் ராணுவத்தினருக்கு விண்ணப்பக் கட்டணம் செலுத்த தேவையில்லை.

தேர்வு மையம் : தமிழகத்தில் சென்னை, திருச்சி, கோவை, மதுரை, நெல்லை ஆகிய இடங்களில் தேர்வு மையம் அமைக்கப்பட்டுள்ளது.

தேர்ச்சி முறை : டையர் 1 மற்றும் டையர் 2 என இரண்டு கட்ட எழுத்துத்தேர்வு, பின் தட்டச்சு தேர்வு என்ற வகையில் தேர்ச்சி இருக்கும்.

விண்ணப்பிக்க கடைசி நாள் : 2017 டிச., 18.

மேலும் விபரங்களுக்கு www.ssc.nic.in எனும் தளத்தைப் பார்க்கவும்.

Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment