சண்டைக்குப் பின் சமாதானம்... மனநிலையை அமைதிப்படுத்த இதைப் பின்பற்றுங்கள்!

Tamil Health Update : கோபம் சந்தோஷம், துக்கம், என பலவகையான உணர்ச்சிகளை உள்ளடக்கியது தான் மனித வாழ்கை.இந்த வாழ்க்கையில் அன்பு கோபம் இது இரண்டுமே நமக்கு அதிகம் தெரிந்தவர்களிடம் மட்டுமே அதிகபட்சமாக வெளிப்படும். இதில் அன்பு இணைப்பை உண்டாக்கினாலும், கோபம் வாக்குவாதத்தை உண்டாக்கி பெரிய பிரச்சனைகளை இழுத்துவரும். ஆனால் வாக்குவாதங்களை யாரும் விரும்புவதில்லை. அதிலும், குறிப்பாக அது நேசிப்பவருடன் நேரும்போது வெறுப்பின் உச்சக்கட்டத்திற்கு செல்வோம். இது உணர்ச்சி மற்றும் உளவியல் மோதல்களுக்கு வழிவகுக்கும். இதனால், வாழ்நாள் முழுவதும் ஆராத வடுக்கள் ஏற்படுவதற்கும் அதிக வாய்ப்பு உண்டு.

இதில் கசப்பான உண்மை என்னவென்றால், நீங்கள் எவ்வளவு முயற்சி செய்தாலும், ஒவ்வொரு உறவிலும் கருத்து வேறுபாடுகள் இருக்கத்தான் செய்யும். அது பெற்றோருடன், உங்கள் துணையுடன், நண்பர்களுடன், சக பணியாளர்களுடன் உள்ளிட்டோருடன் இருக்கலாம்.

நிலைமை மோசமாவதைத் தடுக்க, வாதத்திற்குப் பிறகு நீங்கள் சில நடவடிக்கைகளை எடுக்கலாம். உங்கள் மனதை அமைதிப்படுத்தப் பின்வரும் விஷயங்களைச் செய்து பாருங்கள்.

1. சூழ்நிலையிலிருந்து தூரத்தை உருவாக்கவும்

வாதத்திற்குப் பிறகு, நாம் அனைவரும் உணர்ச்சிகளின் உச்சத்திற்கு சென்றிருப்போம். இது சூழ்நிலையைப் பற்றிய நமது புரிதலை மறைக்கக்கூடும். கூடுதலாக, ஏற்கனவே முறிந்தபின் சூழ்நிலையை சீர்குலைக்கும் அளவிற்கு நாம் ஒரு படி மேலே போகலாம். அதனால், உங்கள் மொபைலை சிறிது நேரத்திற்கு ஒதுக்கி வைக்கவும். நடைப்பயிற்சி அல்லது ஜிம்மிற்கு செல்லலாம். அதிக தீவிரம் கொண்ட உடற்பயிற்சி மனதை அமைதிப்படுத்த உதவும்.

2. இசை, தியானம் மூலம் உங்களை திசை திருப்புங்கள்

இந்த சூழ்நிலையில் கவனச்சிதறல் நல்லது. ஒரு சிறிய நடைப்பயிற்சிக்குப் பிறகு, நீங்கள் செய்ய விரும்பும் எதிலும் ஈடுபடுவதன் மூலம் உங்கள் நிதானத்தைத் திரும்பப் பெறலாம். மைண்ட்ஃபுல்னெஸ் என்பது அமைதியாக உட்கார்ந்து உங்கள் எண்ணங்களைக் கடந்து செல்ல அனுமதிப்பது. இசை மற்றொரு மனநிலையை உயர்த்தும். திரைப்படம் பார்ப்பது அல்லது புத்தகம் வாசிப்பது அல்லது ஓவியம் வரைவது சிறந்த மன அழுத்தத்தைப் போக்கும் மருந்துகள்.

3. நீங்கள் அமைதியாக இருக்கும்போது பிரதிபலிக்கவும்

முழு சூழ்நிலையையும் பிரதிபலிக்கவும். பெரும்பாலும் மற்றவர் சொல்வதை நாம் பெரிதாகப் பார்க்கிறோம். அதிலிருந்து தேர்ந்தெடுக்கப்பட்டதை மட்டும் தக்கவைத்துக்கொள்கிறோம். ஏனெனில், அவை நம் உணர்ச்சிகளை மேம்படுத்துகிறது. அது நம் நினைவில் நீண்ட காலம் நிலைத்திருக்கும். ஆனால், சரியான அணுகுமுறை என்னவென்றால் உங்கள் தவறுகளையும் கருத்தில் கொள்ள வேண்டும். மேலும், இத்தகைய சூழ்நிலைகள் எதிர்காலத்தில் எத்தகைய விளைவுகளை ஏற்படுத்தும் என்பதை தெரிந்துகொண்டு நாம் சிறப்பாகச் சமாளிக்கும் ஆற்றலைக் கொடுக்கின்றன.

4. வெளிப்படையாகப் பேசுங்கள்

நீங்கள் தீங்கு செய்ததாக உணர்ந்தால் மன்னிப்பு கேட்பது எப்போதும் நல்லது. எதிரில் இருப்பவர் மிகவும் கடுமையாக இருப்பதாக நீங்கள் உணர்ந்தால், அந்த நபரின் கவனத்திற்கு அமைதியாக அதைக் கொண்டு வாருங்கள். நாம் அனைவரும் நம் தவறுகளிலிருந்து அதிகம் கற்றுக்கொள்கிறோம். எனவே தகவல்தொடர்பு வரிசையைத் திறந்து வைத்திருங்கள். எந்தவொரு ஆரோக்கியமான உறவின் அளவுகோலாக இரு வழி தொடர்பு உள்ளது. கேள்விக்குரிய நபர் நச்சுத்தன்மையுள்ளவராகவும், சரிசெய்ய முடியாதவராகவும் இருக்க வாய்ப்புகள் உள்ளன. இந்த சூழ்நிலையில், அவர்களிடமிருந்து தூரமாக இருங்கள்.

5. நடைமுறைப்படுத்தல் முக்கியமானது

வாதத்திலிருந்து கற்றுக்கொண்டது, அதனைக் கடைப்பிடிப்பதைக் காட்டிலும் அதிகமாக இருப்பதாக நிகழ்வுச் சான்றுகள் தெரிவிக்கின்றன. உணர்ச்சிகளால் நாம் அலைக்கழிக்கப்படுவதால், பெரும்பாலும் அதனை செயல்படுத்துவதில் சிக்கல் உள்ளது. எப்பொழுது சண்டையை நிறுத்துவது, வாக்குவாதங்களில் இருந்து விலகி இருப்பது, உங்களையும் உங்கள் கருத்துக்களையும் பெரிதாக எடுத்துக் கொள்ளாமல் இருப்பது, பேசும் பழக்கத்தைக் கைவிடுதல், உணர்ச்சிகளை நிர்வகித்தல் மற்றும் சுயக்கட்டுப்பாட்டை கடைபிடித்தல் போன்ற முந்தைய சூழ்நிலைகளில் இருந்து உங்கள் கற்றலை மேற்கொள்வது முக்கியம்.

எனவே கோபத்தை விட்டுவிட்டு அனைவரிடமும் அன்பு பரிமாறுவதை உறுதிப்படுத்துவதே மகிழ்ச்சியான வாழ்க்கைக்கு நல்லது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil