பலாப்பழத்தை வெட்டுறது இவ்ளோ ஈஸியா? செஃப் சொல்லும் சிம்பிள் டிப்ஸ்!

உங்களுக்கு பலாப்பழம் பிடிக்குமா? பிரியாணி, கறி, ஊறுகாய் என பல வழிகளில் இது சுவைக்கப்படுகிறது. இது வைட்டமின்கள் ஏ மற்றும் சி, தியாமின், ரைபோஃப்ளேவின், கால்சியம், பாஸ்பரஸ், இரும்பு, சோடியம், துத்தநாகம் மற்றும் நியாசின் ஆகியவற்றின் சக்தியாக உள்ளது, இவை அனைத்தும் ஒட்டுமொத்த ஆரோக்கியத்தை மேம்படுத்துவதாக அறியப்படுகிறது.

உட்புறம் சதைப்பற்றுள்ள மற்றும் வெளியில் முட்கள் நிறைந்த பலாப்பழம் பல ஆரோக்கிய நன்மைகளுடன் நிரம்பியுள்ளது. இருப்பினும், சரியான பலாப்பழத்தை தேர்ந்தெடுப்பது கடினம். நீங்கள் பலாப்பழத்தை விரும்புகிறீர்கள் என்றால், அதை வாங்கும்போதும், வெட்டும்போதும் மனதில் கொள்ள வேண்டிய சில குறிப்புகள்.

எப்படி வாங்குவது?

*பலாப்பழத்தின் தோலை மெதுவாக அழுத்தி கைகளால் உணரவும். அது பழுத்திருந்தால், தோல் மென்மையாக இருக்கும்.

*அது பழுத்ததா என்பதைச் சரிபார்க்க மற்றொரு வழி, அதை மெதுவாகத் தட்டுவது. வெற்று, மந்தமான ஒலியைக் கேட்டால், அது பழுத்துவிட்டது.

*உடனடியாக பலாப்பழத்தை வெட்டத் திட்டமிடவில்லை என்றால் பச்சை நிறத்தை தேர்வு செய்யவும். அறை வெப்பநிலையில் வைத்து இயற்கையாக பழுக்க வைக்கவும்.

View this post on Instagram

A post shared by Saransh Goila (@saranshgoila)

செஃப் சரண்ஷ் கோயிலா அதிக தொந்தரவு இல்லாமல் பழங்களை வெட்ட சில குறிப்புகளைப் பகிர்ந்துள்ளார்.

முதலில், சமையலறை கவுண்டரில் செய்தித்தாள்களை பரப்பவும், இதனால் அதன் ஒட்டும் பசை மேற்பரப்பைக் கெடுக்காமல் இருக்கும்.

பின்னர் உங்கள் கைகள் அல்லது கத்தியில் பசை ஒட்டாமல் இருக்க கடுகு எண்ணெயை, உங்கள் கைகளிலும், கத்தியிலும் தடவவும்.

முதலில் பலாப்பழத்தின் மேல் விளிம்பை வெட்டி, சாற்றை ஒரு துணியால் துடைக்கவும். பின்னர் மற்ற விளிம்பை வெட்டுங்கள்.

பின்னர் கூர்மையான கத்தியைப் பயன்படுத்தி தோலை உரிக்கவும். கோயிலாவின் கூற்றுப்படி, சமையலறை கத்தியுடன் ஒப்பிடும்போது ரொட்டி கத்தி சிறப்பாக செயல்படுகிறது.

அனைத்து தோல்களும் அகற்றப்பட்டவுடன், அதை மையத்திலிருந்து இரண்டு பகுதிகளாக வெட்டுங்கள். வெள்ளை நிற சாற்றை டிஷ்யூ பயன்படுத்தி சுத்தம் செய்யவும்.

அதை மேலும் பாதியாக நறுக்கவும்; தொடர்ந்து எண்ணெய் தடவ மறக்காதீர்கள்.

ஒரு துண்டு எடுத்து, அழுகிய அல்லது மென்மையான இடத்தை பார்த்து அவற்றை வெட்டுங்கள். பலாப்பழத்தின் மையப்பகுதி சாப்பிட முடியாதது என்பதால், அதை வெட்டி விடுங்கள்.

பெரிய பீன்ஸ் போல தோற்றமளிக்கும் விதைகளை சமைக்கலாம், வேகவைக்கலாம் அல்லது வறுக்கலாம்.

எல்லாப் பக்கங்களிலும் தாராளமாக எண்ணெய் தடவி, செய்தித்தாளில் போர்த்திய பிறகு, மீதமுள்ளவற்றை பிரிட்ஜில் வைக்கலாம் என்று கோயிலா பரிந்துரைத்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“