குளிர் காலத்தில் மூட்டு வலிகளில் இருந்து நிவாரணம் பெற பயனுள்ள வழிகள்!

வயதைப் பொருட்படுத்தாமல், குளிர்காலத்தில் மூட்டுவலி இருப்பதாக பலர் புகார் கூறுகின்றனர். அதன் சரியான காரணம் தெரியவில்லை என்றாலும், அதை விளக்க சில கோட்பாடுகள் உள்ளன.

"குளிர் காலநிலையில்’ உடலின் வெப்பநிலையை பராமரிக்க, தசை மற்றும் மூட்டு வலியை ஏற்படுத்தக்கூடிய’ மூட்டுகளில் இருந்து இரத்தம் வெளியேற்றப்படலாம்” என்று மருத்துவர் சித்தார்த் எம் ஷா, எலும்பியல் மற்றும் மூட்டு மாற்று அறுவை சிகிச்சை நிபுணர் விளக்குகிறார்.

மருத்துவரின் கூற்றுப்படி, குறைந்த வெப்பநிலையில் தசைகள் இறுக்கமடைகின்றன, இதன் விளைவாக விறைப்பு மற்றும் வலி ஏற்படுகிறது.

"மற்றொரு கோட்பாடு என்னவென்றால், வளிமண்டல அழுத்தம் குறைவதால் மூட்டுகள், தசைகள் மற்றும் தசைநாண்கள் வீக்கமடைகின்றன, இது வலிக்கு வழிவகுக்கிறது. மூட்டுகளுக்கு ஊட்டமளிக்கும் மற்றும் உயவூட்டும் சினோவியல் திரவம் (synovial fluid) பிசுபிசுப்பாக (தடிமனாக) மாறும், இது மூட்டு விறைப்புக்கு வழிவகுக்கும்.

மேலும், குறைந்த உடல் செயல்பாடு மற்றும் சூரிய ஒளியில் குறைந்த வெளிப்பாடு’ ஆகியவை வைட்டமின் டி குறைபாட்டிற்கு வழிவகுக்கும், இது வலி மற்றும் விறைப்புக்கு வழிவகுக்கும்

ஒருவர் எப்படி நிவாரணம் பெற முடியும்?

* வழக்கமாக அணியும் ஆடைகளுடன் கூடுதலாக ஜர்கின், ஸ்வெட்டர் ஆகியவை அணிந்து,உடல் வெப்பத்தைத் தக்கவைத்து, மூட்டுகளை சூடாக வைத்திருக்கும், இது நிவாரணம் அளிக்கும்.

* வழக்கமான உடற்பயிற்சி உங்கள் மூட்டுகளை மிருதுவாக வைத்திருக்கவும், நெகிழ்வுத்தன்மையை பராமரிக்கவும் உதவும். இது மூட்டுகளின் உயவு மற்றும் இரத்த ஓட்டத்தை மேம்படுத்த உதவுகிறது. காயங்களைத் தடுக்க உடற்பயிற்சிகு முன் வார்ம்-அப் செய்வதை உறுதிப்படுத்திக் கொள்ளுங்கள்.

* குளிர்காலத்தில் உணவுப் பழக்கவழக்கங்களில் ஏற்படும் மாற்றங்கள் மற்றும் உடல் செயல்பாடு குறைவதால் எடை கூடும். இது முழங்கால்கள் போன்ற முக்கிய மூட்டுகளில் சுமையை அதிகரிக்கிறது, இது மூட்டு வலியை ஏற்படுத்தலாம் அல்லது மோசமாக்கலாம். உடல் எடையைக் குறைப்பது வலியைத் தடுக்க உதவும்.

* நீரிழப்பு’ சோர்வு மற்றும் தசை வலியை ஏற்படுத்தும். போதுமான திரவ உட்கொள்ளலை பராமரிக்கவும். கால்சியம் மற்றும் வைட்டமின் டி’ உள்ளிட்ட அத்தியாவசிய ஊட்டச்சத்துக்களுடன், போதுமான அளவு ஆரோக்கியமான சமச்சீர் உணவு, எலும்பு மற்றும் மூட்டு ஆரோக்கியத்திற்கு இன்றியமையாதது.

* அதிகப்படியான உப்பு, சர்க்கரை, சுத்திகரிக்கப்பட்ட கார்போஹைட்ரேட் மற்றும் பதப்படுத்தப்பட்ட உணவுகளை உட்கொள்வதைத் தவிர்க்கவும். உங்கள் உணவில் இருந்து போதுமான கால்சியம் மற்றும் வைட்டமின் டி கிடைக்கவில்லை என நீங்கள் நினைத்தால், சப்ளிமெண்ட்ஸ் பற்றி உங்கள் மருத்துவரிடம் கேட்கலாம்.

* ஹாட் வாட்டர் பேக் அல்லது எலக்ட்ரீக் ஹீட்டிங் பேட் பயன்படுத்துவது ஆறுதல் அளிக்கும். சூடான குளியல் தசைகளை தளர்த்தவும் உதவும். கடுமையான காயங்கள் அல்லது சுளுக்கு ஏற்பட்டால், ஐஸ் கட்டிகளைப் பயன்படுத்துவது நல்லது, வெப்ப தூண்டுதலை அல்ல.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil “