scorecardresearch

பூண்டு, கருப்பு மிளகு… சளி, காய்ச்சல் தொல்லைக்கு வீட்டிலேயே தீர்வு!

சளி, காய்ச்சல் போன்ற பிரச்சனைகளுக்கு, பூண்டு, மிளகு மூலம் வீட்டிலேயே எளிய தீர்வு

Effective home remedies to treat cold, flu: சளி, இருமல், ஒவ்வாமை மற்றும் காய்ச்சல் ஆகியவை பொதுவான நோய்களாகும். இதற்கான சிகிச்சையில் பொதுவாக ஆண்டிஹிஸ்டமின்கள் போன்ற மருந்துகள் பயன்படுத்தப்படும். இவை தவிர உப்பு நீர் வாய் கொப்பளிப்பது, மூலிகை தேநீர், சூடான சூப் மற்றும் நீராவி குளியல் போன்ற சில வீட்டு வைத்தியங்களும் செய்யப்படுகின்றன.

சூப் ஜலதோஷத்திற்கு நல்லது என்று கருதப்படுவதற்கு ஒரு பெரிய காரணம், பெரும்பாலான வைட்டமின்கள், ஊட்டச்சத்துக்கள் நிறைந்த காய்கறிகள் அதில் உள்ளன மற்றும் ஒரு எளிய உணவாக உள்ளது. “ஒரு கிண்ணம் சூடான சூப் உங்களை இலகுவாக்கும். இது உங்கள் நோய் அறிகுறிகளை விரைவாக எளிதாக்க உதவுகிறது. தொண்டை வலியால் அவதிப்படும் போது நம்மால் சாப்பிட முடியாமல் நம் உடலின் ஊட்டச்சத்து குறையலாம், ஆனால் ஊட்டத்துடன் இருப்பது முக்கியம். இதற்கு சூப் சிறந்த தீர்வாக உள்ளது, ஏனெனில் அது ஊட்டமளிக்கும், மற்றும் ஜீரணிக்க எளிதானது மற்றும் சுவைக்கவும் அருமையாக இருக்கும்,” என்று மும்பை மசினா மருத்துவமனையின் மருத்துவ உணவியல் நிபுணர் ஆனம் கோலண்டாஸ் கூறினார்.

சளி மற்றும் இருமலை எதிர்த்துப் போராட உதவும் மற்றொரு பொருள் பூண்டு, இது ஒரு பயனுள்ள ஆண்டிமைக்ரோபியல் மற்றும் எக்ஸ்பெக்டரண்ட் ஆகும். ஜலதோஷத்தைத் தடுக்கவும், அவற்றின் அறிகுறிகளைக் குறைக்கவும் பூண்டு உதவும் என்று மேரிலாண்ட் பல்கலைக்கழக மருத்துவ மையம் ஒரு ஆய்வை மேற்கோளிட்டுள்ளது. 12 வாரங்களுக்கு பூண்டு சப்ளிமெண்ட் எடுத்துக் கொண்டவர்களுக்கு மருந்துகளை எடுத்தவர்களை விட 63 சதவீதம் சளி தொல்லை குறைகிறது.

இதேபோல், மிளகு காய்ச்சலின் அறிகுறிகளை எதிர்த்துப் போராட உதவுகிறது. இது ஒரு பொதுவான வீட்டு மசாலா மற்றும் உங்கள் சூப்கள் மற்றும் சூடான பானங்களில் சேர்க்க சிறந்த இந்திய மசாலாப் பொருட்களில் ஒன்றாகும், குறிப்பாக ஒருவர் மார்பு நெரிசல் மற்றும் ஜலதோஷத்தால் பாதிக்கப்பட்டிருந்தால் இது நல்ல பயன் அளிக்கிறது.

“இந்தியர்கள் அதிகமாக டீ குடிக்கிறார்கள், ஏனெனில் காஃபின் உட்கொள்வது உடலை உற்சாகப்படுத்துகிறது. இருப்பினும், ஒருவர் ஜலதோஷத்தால் பாதிக்கப்பட்டிருந்தால், அவர் தனது டீயில் சர்க்கரைக்குப் பதிலாக கடல் உப்புடன் புதிதாக நசுக்கப்பட்ட மிளகு அல்லது மிளகுத் தூளைச் சேர்க்கலாம், ”என்று ஆனம் கோலண்டாஸ் பரிந்துரைத்தார்.

மஞ்சள் ஒரு அத்தியாவசிய மூலப்பொருளாகும், இது வலுவான ஆக்ஸிஜனேற்ற பண்புகளைக் கொண்டுள்ளது, மேலும் பல உடல்நலப் பிரச்சினைகளுக்கு சிகிச்சையளிக்க உதவுகிறது. வெதுவெதுப்பான பாலில் மஞ்சள் கலந்த கலவையானது சளி மற்றும் இருமலை எதிர்த்துப் போராடுவதற்கான ஒரு பிரபலமான மற்றும் பயனுள்ள வழியாகும். தூங்கும் முன் ஒரு கிளாஸ் வெதுவெதுப்பான மஞ்சள் பால் குடிப்பது வேகமாக குணமடைய உதவுகிறது.

இதையும் படியுங்கள்: வீட்டில் எலுமிச்சை இருக்கா? சுகர் பேஷண்ட்ஸ் இதை மறக்காதீங்க!

சூப்பில் உள்ள மற்ற முக்கிய பொருட்களில் வெங்காயம், பூண்டு மற்றும் கூடுதல் காய்கறிகள் ஆகியவை அடங்கும். அவை உடலில் ஏற்படும் வீக்கத்தைக் குறைக்கவும் உதவும், இது தொல்லை தரும் சளி அறிகுறிகளைக் குறைக்கும்.

கவனிக்க வேண்டிய சில நடவடிக்கைகள்:

சில உணவுகளை உட்கொள்வது, மறுபுறம், நிலைமையை மோசமாக்கும் மற்றும் அறிகுறிகளை மோசமாக்கும்.

* பால் பொருட்களை தவிர்க்கவும்

* காரமான, பதப்படுத்தப்பட்ட மற்றும் வறுத்த உணவுகளை சாப்பிட வேண்டாம்

* நீராவி பிடிக்கவும்

* திரவ உட்கொள்ளலை அதிகரிக்கவும்

* நன்றாக ஓய்வு எடுக்க வேண்டும்

மேலே உள்ள கட்டுரை தகவல் நோக்கங்களுக்காக மட்டுமே மற்றும் தொழில்முறை மருத்துவ ஆலோசனைக்கு மாற்றாக இல்லை. உங்கள் உடல்நலம் அல்லது மருத்துவ நிலை குறித்து உங்களுக்கு ஏதேனும் கேள்விகள் இருந்தால் எப்போதும் உங்கள் மருத்துவர் அல்லது பிற தகுதிவாய்ந்த சுகாதார நிபுணரின் வழிகாட்டுதலைப் பெறவும்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Lifestyle news download Indian Express Tamil App.

Web Title: Effective home remedies to treat cold flu