ஆரோக்கியமான மற்றும் வலுவான எலும்புக்கு, கால்சியம் முக்கிய பங்கு வகிக்கிறது. நமது உடல் தொடர்ந்து நமது எலும்புகளில் இருந்து சிறிதளவு கால்சியத்தை நீக்கி, அதற்குப் பதிலாக புதிய கால்சியத்தை மாற்றுகிறது.
அப்படி மாற்றும் கால்சியத்தை விட, உடல் அதிக கால்சியத்தை அகற்றினால், எலும்புகள் மெதுவாக பலவீனமாகவும், உடையக்கூடியதாகவும் மாறும். எனவே, பலர் தங்கள் எலும்புகளை வலுவாக்க கால்சியம் சப்ளிமெண்ட்டுகளை எடுத்துக்கொள்கிறார்கள்.
நமது எலும்புகள், வளர்சிதை மாற்றத்தில் செயல்படும் திசு ஆகும், மேலும் அவை உடலுக்குத் தேவைப்படும் பட்சத்தில் அதன் கனிமங்களை எப்போதும் நமக்குக் கொடுக்கின்றன என்று இன்ஸ்டாகிராமில் சுகாதார பயிற்சியாளரான நேஹா ரங்லானி கூறினார்.
எந்த சூழ்நிலையில் எலும்புகள் பலவீனமடைகின்றன?
எலும்பு வலிமையை பாதிக்கும் விஷயங்களை நிபுணர் விளக்கினார்.
அதிக பதப்படுத்தப்பட்ட உணவுகள் அல்லது நிறைய பால் மற்றும் இறைச்சி சாப்பிடுவது நம் உடலில் அமிலத்தை அதிகரிக்கிறது. அதை நடுநிலையாக்க மற்றும் இரத்த pH ஐ 7.4 இல் பராமரிக்க, நமது உடல் எலும்புகளிலிருந்து தாதுக்களை இழுக்கிறது, இது நமது எலும்புகளை பலவீனப்படுத்துகிறது.
நாம் போதுமான அளவு நகராதபோது, நம் எலும்புகளை தடிமனாகவும் வலுப்படுத்த நாம் தூண்டுவதில்லை.
கட்டுப்பாடற்ற மன அழுத்தம் மற்றும் நச்சுகளின் வெளிப்பாடு, வீக்கத்திற்கு வழிவகுக்கிறது "இது நமது எலும்பு தாதுக்களை வெளியேற்றுகிறது
போதுமான வைட்டமின் டி, மெக்னீசியம் மற்றும் வைட்டமின் கே இல்லாதபோது, நம் உடல் கால்சியத்தை உறிஞ்சாது. இது எலும்பு உருவாக்கம் மற்றும் மீளுருவாக்கத்தை பாதிக்கிறது.
மோசமான குடல் ஆரோக்கியம் செரிமானத்தை பாதிக்கிறது மற்றும் கால்சியம் சப்ளிமெண்ட் உட்பட ஊட்டச்சத்துக்களை உறிஞ்சுவதையும் பாதிக்கிறது.
எலும்பை ஆரோக்கியமாக வைத்திருக்க சில வாழ்க்கை முறை மற்றும் உணவுமுறை மாற்றங்களை நிபுணர் மேலும் பரிந்துரைக்கிறார்:
* கீரைகள், முளைகள், பழங்கள், காய்கறிகள், நட்ஸ் போன்ற தாவர அடிப்படையிலான உணவுகளை அதிகம் சாப்பிடுங்கள் மற்றும் அதிகப்படியான இறைச்சி மற்றும் பால் பொருட்களைத் தவிர்க்கவும்.
* சேர்க்கைகள் நிறைந்த பேக் செய்யப்பட்ட உணவுப் பொருட்களை சாப்பிடுவதை நிறுத்துங்கள். ஆரோக்கியமான விருப்பங்களுடன் அவற்றை மாற்றவும்.
* தொடர்ந்து உடற்பயிற்சி செய்யவும்,
* உங்கள் வைட்டமின் அளவை தவறாமல் சரிபார்க்கவும்.
* சுய பாதுகாப்பு நடவடிக்கைகள் மூலம் மன அழுத்தத்தை நிர்வகிக்கவும்.
* உங்கள் ஆரோக்கியத்தைப் புறக்கணிக்காதீர்கள் மற்றும் அமிலத்தன்மை, மலச்சிக்கல் மற்றும் வீக்கம் போன்ற பிரச்சினைகளை சரி செய்யுங்கள்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.