நேதாஜிக்கே டயட் பிளான் - மகாத்மா காந்தி வாழ்க்கையின் சுவாரஸ்ய தருணங்கள்

காந்திஜி டார்ஜிலிங்கில் ரயிலில் பயணித்தபோது நடந்த சம்பவம் இது. ரயில் மலையை நோக்கி நகர்ந்தபோது, திடீரென, என்ஜின்கள் மற்ற பெட்டிகளில் இருந்து பிரிந்தது. இதனால், இதர...

Mamta Nainy and Arthy Muthanna Singh

காந்தி ஜெயந்தியான இன்று, தேசத்தின் தந்தை மகாத்மா காந்தியைப் பற்றிய சில சுவாரஸ்யமான தகவல்கள் இங்கே,

கால்பந்து காதலன்

நம்புங்கள், காந்திஜி ஒரு பெரிய கால்பந்து வீரர்! அவர் ஒருபோதும் விளையாட்டை தொழில் ரீதியாக விளையாடியதில்லை என்றாலும், அவர் ஒரு சிறந்த கால்பந்து பிரியர். தென்னாப்பிரிக்காவில் தங்கியிருந்த காலத்தில், காந்திஜி இரண்டு கால்பந்து கிளப்புகளை உருவாக்கினார் – ஒன்று ஜோகன்னஸ்பர்க்கிலும் மற்றொன்று பிரிட்டோரியாவிலும். ஹென்றி தோரே மற்றும் லியோ டால்ஸ்டாய் ஆகியோரின் எழுத்துக்களின் அரசியல் தத்துவத்தால் ஈர்க்கப்பட்டதால் கிளப்புகள் இரண்டிற்கும் இவர்கள் பெயரே பெயரிடப்பட்டது.


ஒரு சத்தியாக்கிரகியைத் தோற்கடித்த கதை

ஒரு சந்தர்ப்பத்தில், கோகலே (காங்கிரஸ் தலைவர் கோபால் கிருஷ்ணா கோகலே, காந்தியின் வழிகாட்டியாக இருந்தார்) உடல்நிலை சரியில்லாமல் இருந்தார், எனவே காந்திஜி அவரை கண்டிப்பான உணவு கட்டப்பாட்டை பின்பற்ற வைத்தார். இதற்கு கோகலே எதிர்ப்பு தெரிவித்தார். காந்தி தனது நண்பருக்கு பழங்கள் மற்றும் வேகவைத்த காய்கறிகள் போன்ற லேசான உணவை தொடர்ந்து பரிமாறினார். காந்திஜி மிகவும் கண்டிப்பானவர். இருவரையும் சில நண்பர்கள் இரவு உணவிற்கு அழைத்தபோது, ​​கோகலே அங்கு எதையும் சாப்பிட முடியாது என்று காந்திஜி கூறினார். இரவு உணவின் போது, காந்திஜி தனக்கு வேண்டியதை சாப்பிட அனுமதி கொடுக்கும் வரை வீட்டை விட்டு வெளியேற மறுத்துவிட்டார் கோகலே. இதனால், காந்திஜி அவருக்கு பிடித்த உணவுகளை கொடுக்க வேண்டியிருந்தது. கோகலே சிரித்துக் கொண்டே, சத்தியாக்கிரகத்திற்குச் சென்று ஒரு சத்தியாக்கிரகியைத் தோற்கடித்ததாகக் கூறினார்!

எப்போதும் ஈர்க்கும் சக்தி

வல்லபாய் படேல் ஒரு வெற்றிகரமான வழக்கறிஞராக இருந்தார். அவர் ஒருமுறை அகமதாபாத் கிளப்பில் bridge விளையாடிக் கொண்டிருந்தபோது, ஒரு நபர் வேஷ்டி அணிந்து, ஒரு விவசாயியைப் போல தோற்றமளித்து, அவரது மேஜைக்கு அருகே வந்து, அவரையும் அவரது நண்பர்களையும் தனது பேச்சைக் கேட்கும்படி அழைத்தார். படேல் சிறிதும் ஆர்வம் காட்டவில்லை, மீண்டும் விளையாடச் சென்றார். ஆனால் இந்த வேஷ்டி உடையணிந்த மனிதனை பற்றி சிந்தனை ஏதோ ஒரு வகையில் அவரை ஆர்வமாக்கியது. எனவே அவர் சொல்வதைக் கேட்கச் சென்றார். காந்திஜி பேசுவதைக் கேட்டதும், அவர் உடனடியாக சத்தியாக்கிரகத்திற்கு செல்ல முடிவெடுத்தார். அவர் தனது சட்ட நடைமுறையை கைவிட்டு, மேற்கத்திய ஆடைகளை அணிவதை நிறுத்தி, காந்திஜியுடன் தனது வாழ்நாள் முழுவதும் பணியாற்றினார். பல ஆண்டுகளுக்குப் பிறகு, காந்திஜி மற்றும் வல்லபாய் படேல் இருவரும் சத்தியாக்கிரக இயக்கத்தில் பங்கேற்றதற்காக யெர்வாடா சிறையில் இருந்தபோது, படேல் காந்திஜிக்கு bridge விளையாடுவது எப்படி என்று கற்றுக் கொடுத்தார்.

ஏன் மகாத்மா?

கவிஞர் ரவீந்திரநாத் தாகூர் காந்திஜிக்கு மகாத்மா என்ற பட்டத்தை வழங்கினார். ஏன் என்று தாகூர் இங்கு விளக்குகிறார்:  ‘அவர் (காந்தி) வெளியேற்றப்பட்ட ஆயிரக்கணக்கானோரின் குடிசைகளின் வாசலில் நின்றார், அவர்களின் சொந்தமாக அவர்களைப் போலவே உடையணிந்தனர். அவர்களுடைய சொந்த மொழியிலேயே அவர்களுடன் பேசினார். இங்கே கடைசியாக வாழ்ந்த உண்மை இருந்தது, புத்தகங்களிலிருந்து மேற்கோள்கள் மட்டுமல்ல. இந்த காரணத்திற்காக, இந்திய மக்களால் அவருக்கு வழங்கப்பட்ட பெயர் “மகாத்மா” என்பதே அவரது உண்மையான பெயராகிப் போனது. இந்தியர்கள் ரத்தமும் சதையுமாக அவரைப் போல வேறு யாரை உணர்ந்திருக்கிறார்கள்? காந்தியின் அழைப்பின் பேரில், இந்தியா புதிய மகத்துவத்திற்கு மலர்ந்தது’.

மேலும் படிக்க – காந்தி ஜெயந்தியின் பொன்னான பொன்மொழிகள்

காந்திஜிக்கு ஒரு குர்தா

ஒருமுறை, ஒரு கூட்டத்தில், சிறுவன் ஒருவன் காந்திஜி அருகே வந்தான். காந்திஜி உடையணிந்த விதத்தைக் கண்டு அவன் மன உளைச்சலுக்கு ஆளானான். அத்தகைய ஒரு பெரிய மனிதர், ஆனால் அவர் ஒரு சட்டை கூட அணியவில்லை, சிறுவன் ஆச்சரியப்பட்டான். ‘நீங்கள் ஏன் குர்தா அணியக்கூடாது?’ என்று அவன் காந்தியிடம் கேள்வி எழுப்பினான். ‘பணம் எங்கே, குழந்தை?’ காந்திஜி அவனிடம் தன்மையாகக் கேட்டார். ‘நான் மிகவும் ஏழ்மையானவன், என்னால் ஒரு குர்தாவை வாங்க முடியாது’ என்று அவர் கூறினார். சிறுவனின் இதயம் பரிதாபத்தால் நிறைந்தது. ‘என் அம்மா என் உடைகள் அனைத்தையும் தைக்கிறாள். உங்களுக்காக ஒரு குர்தாவை தைக்க நான் அவளிடம் கேட்பேன்,” என்றான். ‘உங்கள் அம்மா எத்தனை குர்தாக்களை உருவாக்க முடியும்?’ என்று கேட்டார் காந்திஜி. ‘உங்களுக்கு எவ்வளவு தேவையோ அவ்வளவு’ என்று பதில் வந்தது. ‘ஒன்று இரண்டு மூன்று . . . ’ என காந்திஜி முணுமுணுக்க, ‘ஆனால். நான் தனியாக இல்லை, எனக்கு ஒரு பெரிய குடும்பம் இருக்கிறது. நான் மட்டும் குர்தா அணிவது சரியாக இருக்காது.’ என்றார். ‘உங்களுக்கு எத்தனை குர்தாக்கள் தேவை?’ என்று அந்த சிறுவன் வற்புறுத்தி கேட்க, ‘எனக்கு நாற்பது கோடி சகோதர சகோதரிகள் உள்ளனர்’ என்று காந்திஜி விளக்கினார். ‘அவர்கள் ஒவ்வொருவருக்கும் குர்தா இருக்கும் வரை, நான் எப்படி ஒன்றை அணிய முடியும்? சொல்லுங்கள், உங்கள் அம்மா அவர்கள் அனைவருக்கும் குர்தாக்களை உருவாக்க முடியுமா? ’ என்றார். இந்த கேள்விக்கு பிறகு சிறுவன் யோசிக்கத் தொடங்கினான். ஆனால் காந்திஜி சொன்னது சரிதான். முழு தேசமும் அவருடைய குடும்பம், அவர் அவர்களின் தந்தை.

விஜயவாடா மக்கள் நெரிசல்

1921 இல் ஆந்திராவின் விஜயவாடாவில் நடந்த அகில இந்திய காங்கிரஸ் குழு கூட்டத்தில் காந்திஜி கலந்து கொண்டிருந்தார். அமர்வுக்குப் பிறகு, அதிகளவிலான மக்கள் கூடும் கூட்டம் ஒன்று இருந்தது. கூட்டம் தொடங்கியது, திடீரென்று ஒரு மாடு கூட்டத்திற்குள் வந்ததால் நெரிசல் ஏற்பட்டது. கூட்டத்தைக் கட்டுப்படுத்த இயலவில்லை. மக்கள் மேடையில் ஏற முயற்சிக்கும்போது, ​​மரத் தூண்கள் இடிந்து விழுந்து காந்திஜி நசுக்கப்படுவது போல் இருந்தது. திடீரென்று, காந்திஜி ஒரு நாற்காலியில் குதித்து, எல்லா பக்கங்களிலிருந்தும் திரண்டிருந்த கூட்டத்தைப் பார்த்தார். ஒவ்வொரு நாற்காலியாக மாறி, பாதுகாப்பான இடத்திற்கு வந்து சேர்ந்தார். பின்னர் அவர் தன்னை கடந்து சென்ற வாகனத்தை நிறுத்தி ஏறி, அவர் தங்கியிருந்த இடத்திற்கு வந்து சேர்ந்தார். அவரது உதவியாளர்கள் திரும்பி வந்தபோது, ​​காந்திஜியை அவரது அறையில் பார்த்து அவர்கள் ஆச்சரியப்பட்டார்கள், பதிலுக்காக காத்திருந்த கடிதங்களுக்கு காந்தி அமைதியாக பதிலளித்தனர்.

நேதாஜிக்கான உணவு திட்டம்

காந்திஜி உணவு தொடர்பான பரிசோதனைகளுக்கு பெயர் பெற்றவர். உணவு மற்றும் உணவு சீர்திருத்தம், சைவத்தின் தார்மீக அடிப்படைகள் மற்றும் ஆரோக்கியத்திற்கான வழிகள் போன்ற புத்தகங்களையும் எழுதினார். அவரைப் பின்பற்றுபவர்களையும் தவிர, காந்திஜி மற்றவர்களுக்கு என்ன சாப்பிட வேண்டும் என்று அடிக்கடி அறிவுறுத்தினார். 1936 ஆம் ஆண்டில், காந்திஜி தனது கடுமையான அரசியல் எதிரிகளில் ஒருவரான நேதாஜி சுபாஷ் சந்திரபோஸுக்கு ஒரு உணவு விளக்கப்படத்தை உருவாக்கினார். அந்த விளக்கப்படத்தில், காந்திஜி எழுதினார்: “இலை காய்கறிகளை எடுக்க வேண்டும், சாலட்களாக எடுத்துக் கொண்டால் நல்லது. உருளைக்கிழங்கு மற்றும் மாவுச்சத்து கிழங்குகளை குறைவாக எடுத்துக் கொள்ள வேண்டும். பூண்டு மற்றும் வெங்காயம் கடுமையாக பரிந்துரைக்கப்படுகிறது. இரத்த அழுத்தத்திற்காக நான் பூண்டை தவறாமல் எடுத்துக்கொள்கிறேன். இது உள் பயன்பாட்டிற்கான சிறந்த ஆன்டிடாக்சின் ஆகும். ஆரோக்கியமான வயிற்றுக்கு பேரிச்சம் பழம் சிறந்த உணவாகும், ஆனால் திராட்சையும் அதிக செரிமானமாகும். தேநீர் மற்றும் காபி ஆரோக்கியத்திற்கு இன்றியமையாததாக நான் கருதவில்லை’ என்று குறிப்பிட்டார்.

ஒவ்வொரு நிமிடமும் கணக்கிடப்படுகிறது

காந்திஜி டார்ஜிலிங்கில் ரயிலில் பயணித்தபோது நடந்த சம்பவம் இது. ரயில் மலையை நோக்கி நகர்ந்தபோது, திடீரென, என்ஜின்கள் மற்ற பெட்டிகளில் இருந்து பிரிந்தது. இதனால், இதர பெட்டிகள் பின்னோக்கிச் செல்ல, என்ஜின் மட்டும் முன்னோக்கிச் சென்றது. எனவே, அங்கு ஒரு பெரிய பதற்றம் ஏற்பட்டது, ரயிலுக்குள் இருந்தவர்கள் பீதியடைந்தனர். இதெல்லாம் நடந்து கொண்டிருந்தபோது, காந்திஜி அமைதியாக தனது செயலாளருக்கு கடிதங்கள் குறித்து சொல்லிக் கொண்டிருந்தார். சிறிது நேரம் கழித்து, அந்த செயலாளர், ‘Bapu, என்ன நடக்கிறது தெரியுமா? வாழ்க்கைக்கும் மரணத்திற்கும் இடையில் நாம் தொங்கிக்கொண்டிருக்கிறோம்! அடுத்த கணம் நாங்கள் உயிரோடு இருப்போமா இல்லையா என்பது கூட நமக்கு தெரியாது! என்றார். இதற்கு பதிலளித்த மகாத்மா காந்தி என்ன சொன்னார் தெரியுமா? அவர், ‘ஒருவேளை நாம் இறந்துவிட்டால், நாம் இறந்துவிடுவோம். ஆனால் நாம் காப்பாற்றப்பட்டால், நாம் இவ்வளவு நேரத்தை வீணடித்திருப்போம்! எனவே, தயவுசெய்து கடிதம் குறித்த என தரவுகளை எடுத்துக் கொள்ளுங்கள். ‘நடுங்கும் கைகளால், காந்திஜியின் செயலாளர் ஆணையை எடுத்துக் கொண்டார். மேலும், அவர்கள் காப்பாற்றப்பட்டார்கள்!

Get all the Latest Tamil News and Tamil Nadu News at Indian Express Tamil. You can also catch all the latest Tamil Lifestyle News by following us on Twitter and Facebook

The moderation of comments is automated and not cleared manually by tamil.indianexpress.com.
×Close
×Close