முதல் விமானப் பயணம், மின்னும் நம்பிக்கை: ஆசிட் வீச்சில் உயிர் பிழைத்து சென்னையில் சிகிச்சை பெறும் சண்டிகர் சிறுமி

10 ஆம் வகுப்பு சிபிஎஸ்இ தேர்வில் 95.2 சதவீத மதிப்பெண்கள் பெற்று பள்ளியில் முதலிடம் பிடித்ததற்காக சமீபத்தில் செய்திகளில் இடம்பிடித்தவர் 15 வயதான கஃபி.

ஆசிட் தாக்குதலில் இருந்து தப்பிய கஃபி, தனது கண்பார்வையை மீட்டெடுப்பதற்கான சிகிச்சை முறைகளை ஆராய்வதற்காக ஞாயிற்றுக்கிழமை சண்டிகரில் இருந்து சென்னைக்கு விமானம் மூலம் புறப்பட்டார்.

கஃபி மற்றும் அவரது தந்தை பவன் குமாரின் பயணம், அவர்கள் தங்குவதற்கான வசதி, மருத்துவப் பரிசோதனைகள் மற்றும் பரிந்துரைக்கப்பட்டால் அறுவை சிகிச்சைகள் செய்வதற்கு அதானி அறக்கட்டளை நிதியுதவி செய்கிறது. இவர்கள் இப்போது சென்னையில் உள்ள சங்கர நேத்ராலயாவில் தங்கியுள்ளனர்.

கஃபி தி இந்தியன் எக்ஸ்பிரஸ்ஸிடம் பேசுகையில், நான் மிகவும் உற்சாகமாகவும் பதட்டமாகவும் இருக்கிறேன். நான் இதுவரை விமானத்தில் பயணம் செய்ததில்லை, பல வருடங்களுக்குப் பிறகு, என் கண்பார்வையை மீண்டும் பெறுவேன் என்ற நம்பிக்கை எனக்கு இருக்கிறது.

பிரிவு 26 இல் பார்வையற்றோருக்கான நிறுவனத்தில் முதலிடம் பிடித்த பிறகு அதானி அறக்கட்டளை எங்களை தொடர்பு கொண்டது. அப்போது, ​​சங்கர நேத்ராலயாவைப் பற்றி என் குடும்பத்தினர் சொன்னார்கள், அது பயணத்திற்கும் சிகிச்சைக்கும் நிதியுதவி செய்ய முன்வந்தது.

2011 ஆம் ஆண்டு ஹோலி விளையாடிக் கொண்டிருந்த கஃபி மீது மூன்று பேர் ஆசிட் வீசினர். அப்போது கஃபிக்கு மூன்று வயதுதான். இந்த ஆசிட் தாக்குதலில் கஃபி பார்வை பறிபோனது. அடுத்த ஆறு வருடங்கள் அவளுக்கு ஒரு சோதனையாக இருந்தது, ஏனெனில் அவளுடைய பெற்றோர் நாடு முழுவதும் பல மருத்துவமனைகளுக்குச் சென்று பார்வையை மீட்டெடுக்க 20 லட்ச ரூபாய்க்கு மேல் செலவழித்தனர்.

கஃபியின் குடும்பம் வாழ்க்கை நடத்த முடியாமல் தவித்து, ஹரியானாவில் உள்ள ஹிசாரிலிருந்து வெளியேறியது, அங்கு அவரது தந்தை இரும்புக் கடை நடத்தி வந்தார்.

குற்றம் சாட்டப்பட்ட மூன்று ஆண் குற்றவாளிகள், 2018 இல் தண்டனை அனுபவித்து இரண்டு ஆண்டுகள் கழித்து வெளியேறினர். பிறகு 2019 இல், அவரது தந்தை உயர் நீதிமன்றத்தில் மேல்முறையீடு செய்தார், அது இன்னும் நிலுவையில் உள்ளது.

கஃபி தனது எட்டு வயதில் ஹிசாரில் உள்ள ஒரு பள்ளியில் 1 ஆம் வகுப்பில் சேர்க்கப்பட்டார்,

அவள் படிப்பில் பின்தங்கியிருப்பதை கண்டு, அவளுடைய பெற்றோர் சண்டிகருக்குச் சென்று பார்வையற்றோருக்கான நிறுவனத்தில் அவளுக்கு 10 வயதாக இருந்தபோது அனுமதி பெற்றனர். அவர்களது குடும்பத்தை நிறைவு செய்ய அவரது பிறப்பு "போதும்" என்று பெற்றோர் நம்பியதால் அவளுக்கு 'கஃபி' என்று பெயரிட்டனர்.

இப்போது கஃபியும் அவரது குடும்பத்தினரும் செக்டார் 13ல் உள்ள சாந்தி நகரில் தங்கியுள்ளனர்..

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“