Advertisment

புத்துணர்ச்சியூட்டும் புதினா டீ… சிம்பிள் டிப்ஸ் பாருங்க!

Top benefits of mint leaves and Simple tips to make Mint Tea Recipe or Pudina Tea Recipe in tamil: புதினாவில் உள்ள மெந்தால் குளிரூட்டும் விளைவைக் கொண்டிருக்கிறது. இது தேநீருடன் சேரும்போது தொண்டை புண்ணைப் போக்க உதவும்.

author-image
WebDesk
புதுப்பிக்கப்பட்டது
New Update
mint leaves benefits in tamil: how to make Pudina Tea or mint tea tamil

Mint Tea Recipe in tamil: புதினா இலை தேநீர் ஓர் அற்புதமான பானாம் ஆகும். இது நமது உடலில் உண்டாகும் பல பிரச்சனைகளுக்கு தீர்வு தருகிறது. இவற்றை நாம் எல்லா சீசன்களிலும் பயன்படுத்தலாம் என பிரபல ஆயுர்வேத பயிற்சியாளர் டாக்டர் டிக்ஸா பாவ்ஸர் குறிப்பிட்டுள்ளார்.

Advertisment

"கடினமான மனநிலை, வயிறு கோளாறு, ஆற்றல் இழப்பு மற்றும் மிதமான குளிர் போன்ற பிரச்சனைகளுக்கு புதினா நல்ல தீர்வு தருகிறது. குளிரின் போது தொண்டை புண், மழை காலத்தில் சூடான தேநீர் அல்லது கோடைகாலத்தில் புத்துணர்ச்சியூட்டும் மோஜிடோ-புதினா என இவை அனைத்து பருவங்களுக்கும் ஏற்ற ஒரு மூலிகை." என்று அவர் தனது இன்ஸ்டாகிராம் பதிவில் தெரிவித்துள்ளார்.

மேலும், அந்த பதிவில் புதினாவின் பல்வேறு நன்மைகள் குறித்தும் அவர் விவரித்துள்ளார். அவற்றை இப்போது ஒவ்வொன்றாக பார்க்கலாம்.

publive-image

புதினாவில் காணப்படும் மற்ற மருத்துவ குணங்களாக ஆயுர்வேத பயிற்சியாளர் டாக்டர் டிக்ஸா பாவ்ஸர் குறிப்பிட்டுள்ளது பின்வருமாறு:-

புதினாவில் ஆன்டிஆக்ஸிடன்ட் மற்றும் அழற்சி எதிர்ப்பு திறன் மிக அதிகமாக உள்ளது. இது ஒவ்வாமையை குணப்படுத்த உதவுகிறது.

வயிறு உப்புசம், வாயு மற்றும் மாதவிடாய் பிடிப்புகளை நீக்க புதினா உதவுகிறது.

இவை செரிமானம், பித்த சுரப்பை அதிகரிப்பு மற்றும் பித்த ஓட்டத்தை ஊக்குவிக்கிறது மேலும், இது செரிமானத்தை விரைவுபடுத்தவும் எளிதாக்கவும் உதவுகிறது.

தலைவலியைப் போக்க புதினா உதவுகிறது.

IBS அல்லது எரிச்சல் கொண்ட குடல் நோய்க்குறியின் அறிகுறிகளை நீக்குகிறது.

வாய் துர்நாற்றத்திற்கு சிகிச்சை இவை அளிக்கிறது.

புதினா தாய்ப்பால் கொடுப்பதில் உதவுகிறது. ஏனெனில் இது முலைக்காம்பு விரிசல் மற்றும் அடிக்கடி தாய்ப்பால் கொடுக்கும் வலியைக் குறைக்கிறது.

publive-image

இவை குமட்டலைத் தடுக்கிறது மற்றும் அவற்றுக்கு நல்ல சிகிச்சையளிக்கிறது.

புதினா நாசி நெரிசலைப் போக்க உதவுகிறது. நாள்பட்ட இருமலை ஏற்படுத்தும் எரிச்சலையும் நீக்குகிறது.

மெந்தால் என்பது இயற்கையான நறுமணச் சிதைவு ஆகும். இது சளி மற்றும் சளியை உடைக்க உதவுகிறது.

புதினாவில் உள்ள மெந்தால் குளிரூட்டும் விளைவைக் கொண்டிருக்கிறது. இது தேநீருடன் சேரும்போது தொண்டை புண்ணைப் போக்க உதவும்.

புதினா காய்ச்சலைக் குறைக்க உதவுகிறது.

புதினா செரிமான நொதிகளைத் தூண்டுகிறது. இது உணவில் இருந்து ஊட்டச்சத்துக்களை உறிஞ்சி கொழுப்பை உட்கொண்டு அதை பயன்படுத்தக்கூடிய ஆற்றலாக மாற்றுகிறது.

புதினா மன விழிப்புணர்வையும், கவனத்தையும் மேம்படுத்துகிறது மற்றும் நினைவாற்றல் இழப்பைத் தடுக்கிறது.

இவை சருமத்தை ஆற்றவும், தொற்று, அரிப்புகளை குணப்படுத்தவும் மற்றும் முகப்பரு அறிகுறிகளை விடுவிக்கவும் உதவுகிறது.

இப்படி எண்ணற்ற ஆரோக்கிய நன்மைகளை தன்னகத்தே உள்ளடக்கியுள்ள புதினாவில் சுவையான தேநீர் எப்படி தயார் செய்யலாம் என்று இங்கு பார்ப்போம்.

புதினா டீ எப்படி தயார் செய்வது?

publive-image

புதினா டீ

புதினா டீ செய்யத் தேவையான பொருட்கள் :

புதினா இலை - 7

தேயிலை - ஒரு டீஸ்பூன்

தேன் அல்லது பனங்கற்கண்டு - ஒரு டீஸ்பூன்

பால் - கால் டம்ளர்

புதினா டீ சிம்பிள் செய்முறை :

முதலில் ஒரு டம்ளர் தண்ணீரில் புதினா இலை, தேயிலைச் சேர்த்துக் கொதிக்கவிட வேண்டும்.

இவை பாதியாகச் சுண்டியதும் வடிகட்டி, தேன் அல்லது பனங்கற்கண்டு சேர்த்துப் பருகவும்.

நீங்கள் விரும்பினால் பால் சேர்க்கலாம்.

பால் சேர்க்காமல் குடிப்பது மிகவும் நல்லது. தேன் அல்லது பனங்கற்கண்டுக்கு பதிலாக கருப்பட்டி சேர்த்தும் பருகலாம். சுவை அற்புதமாக இருக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Lifestyle Healthy Life Healthy Food Tips Healthy Food Tamil News 2 Health Tips Tamil Health Tips Healthy Food Health Benefits Mint
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment