காய்கறிகள் மற்றும் பழங்கள் அதிக அளவு ஆன்டி-ஆக்ஸிடன்ட்கள் மற்றும் ஊட்டச்சத்துக்கள் நிறைந்தவை என்பது அனைவரும் அறிந்த உண்மை. ஆனால் அவற்றின் தோல்கள் கூட ஆரோக்கியத்திற்கு உதவியாக இருக்கும் என்பது உங்களுக்குத் தெரியுமா?
சோஷியல் மீடியா பிரபலம் அர்மென் ஆடம்ஜன், மாதுளை தோல் பொடி தொண்டை புண், இருமல், வயிற்று பிரச்சனைகள் மற்றும் எலும்பு ஆரோக்கியத்திற்கு கூட உதவும் என்று பகிர்ந்து கொண்டார்.
"உண்மையில், பழத்தை விட தோல்களில் அதிக ஆக்ஸிஜனேற்றங்கள் உள்ளன" என்று ஆடம்ஜன் இன்ஸ்டாகிராம் வீடியோவில் கூறினார்.
மாதுளை தோல் பொடி செய்வது எப்படி?
* ஒரு பாத்திரத்தில் தோல்களை வைக்கவும்.
*அவற்றை மைக்ரோவேவில் வைத்து 350 டிகிரியில் 20 நிமிடங்கள் பேக் செய்யவும்.
*தோல்கள் காய்ந்ததும், பொடியாக அரைக்கவும்.
*இந்த பழுப்பு நிறத் தூள் இப்போது பயன்படுத்த தயாராக உள்ளது.
எப்படி பயன்படுத்துவது?
மாதுளை தேநீர் தயாரிக்கலாம் என்று ஆடம்ஜன் பரிந்துரைத்தார்.
* ஒரு வெற்று டீ பேக்கை எடுத்து அதில் ஒரு டீஸ்பூன் மாதுளை தோல் பொடியை நிரப்பவும். இதை கிளாஸில் போட்டு அதில் வெந்நீர் ஊற்றவும். மாதுளை தேநீர் தயார்!
தொண்டை புண், இருமல், வயிற்றுப் பிரச்சனைகளுக்கு மாதுளை தோல்கள் உதவுவதோடு, உங்கள் எலும்புகளின் ஆரோக்கியத்தையும் அதிகரிக்க உதவுகின்றன.
உங்கள் சருமத்திற்கு மாதுளை தோல் பொடியை எப்படி பயன்படுத்துவது?
மாதுளை தோல் பொடி சருமத்திற்கு சிறந்தது.
*சிறிதளவு எலுமிச்சை சாற்றை பொடியுடன் கலந்து பேஸ்ட் செய்யவும்.
*இதை உங்கள் முகத்தில் தடவி, 20 நிமிடங்கள் அப்படியே விட்டு பிறகு கழுவவும்.
இது பருக்களை போக்க உதவுகிறது, முகப்பரு மற்றும் சுருக்கங்களை குறைக்கிறது, என்று அவர் கூறினார். டாக்டர் அக்ரிதி குப்தாவின் கூற்றுப்படி, இது கொலாஜனை ஊக்குவிக்கிறது, இது இயற்கையாகவும் திறம்படவும் தோல் வயதாவது மற்றும் சுருக்கங்களை தாமதப்படுத்துகிறது.
ஊட்டச்சத்து நிபுணர் டாக்டர் அர்ச்சனா பாத்ரா கூறுகையில், மாதுளை தோல்களில் ஆன்டி-ஆக்ஸிடன்ட்கள் அதிகம் இருப்பதால், அவை பாக்டீரியா மற்றும் பிற நோய்த்தொற்றுகளைத் தடுக்க உதவுகின்றன. மாதுளை தோலில் சரும செல்களை மீளுருவாக்கம் செய்து, தீங்கு விளைவிக்கும் புற ஊதா கதிர்களில் இருந்து பாதுகாக்கும் மந்திர பண்புகள் உள்ளன.
எண்ணெய் பசை, அதிகப்படியான வறண்ட சருமம் போன்ற அனைத்து சரும பிரச்சனைகளுக்கும் மாதுளை தோல் மருந்தாகும்.
மாதுளை நச்சுகளை வெளியேற்றும் சக்திவாய்ந்த நச்சு நீக்கியாக செயல்படுவதன் மூலம் தோலுக்கு உதவுகிறது. இது மேல்தோலைப் பாதுகாக்கிறது மற்றும் உங்களுக்கு மிருதுவான சருமத்தை அளிக்கிறது. எனவே, தோல் செல்கள் புதுப்பிக்கப்பட்டு உருவாக்கப்படுகின்றன, என்று அவர் கூறினார்.
டாக்டர் குப்தா மேலும் கூறுகையில், மாதுளை தோல் உங்கள் சருமத்தின் pH ஐ சமநிலைப்படுத்துகிறது, ஈரப்பதமாக்குகிறது மற்றும் சுற்றுச்சூழல் மாசுபாட்டிலிருந்து பாதுகாக்கிறது.
வேறு சில நன்மைகளையும் அவர் பட்டியலிட்டார்
தோல்களில் உள்ள டானிஸ், குடல் ஆரோக்கியத்தை பராமரிக்க உதவும் அழற்சி எதிர்ப்பு பண்புகள் உள்ளன. வயிற்றுப்போக்கு மற்றும் பிற செரிமான பிரச்சனைகளுக்கு இது ஒரு சிறந்த வீட்டு வைத்தியம்.
வைட்டமின் சி அதிகம் உள்ள மாதுளை தோல், ஃப்ரீ ரேடிக்கல்களை எதிர்த்துப் போராடுவதற்கும், சேதமடைந்த சரும செல்களை சரிசெய்வதற்கும் உதவும். விலையுயர்ந்த வைட்டமின் சப்ளிமெண்ட்டுகளுக்குப் பதிலாக உங்கள் சருமத்திற்கு இந்த ஆரோக்கியமான ஊட்டச்சத்தை தேர்வு செய்யவும். கூடுதலாக, இது தோல் காயங்கள் மற்றும் தழும்புகளுக்கு சிகிச்சையளிக்க உதவுகிறது.
மாதுளை தோலில் காணப்படும் எலாஜிக் அமிலம் சரும செல்களில் உள்ள ஈரப்பதத்தை உலர்த்துவதைத் தடுக்கும் என்றும், அதனால் உங்கள் சருமத்தை நீரேற்றமாக வைத்திருக்கும் என்றும் டாக்டர் குப்தா விளக்கினார்.
மாதுளை தோல்கள் வாய் புண்கள், ஈறு அழற்சி, வாய் துர்நாற்றம் மற்றும் பிற பல் பிரச்சனைகளைத் தடுக்க உதவும். எலும்பு அடர்த்தி இழப்பைக் குறைப்பதில் இது பயனுள்ளதாக இருக்கிறது மற்றும் பாக்டீரியா எதிர்ப்பு மற்றும் அழற்சி எதிர்ப்பு பண்புகளைக் கொண்டுள்ளது, இது மாதவிடாய் நின்ற பெண்களுக்கு மிகவும் முக்கியமானது என்று ஒரு பிசியோதெரபிஸ்ட் பாத்ரா கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.