Advertisment

இளம் வயதினரை தாக்கும் நீரிழிவு நோய்... முன்னெச்சரிக்கை நடவடிக்கைள் என்ன?

Tamil Health Update : ஆரோக்கியமற்ற உணவு பழக்கம் மற்றும் உடல் உழைப்பின்மை ஆகியவை உடல் எடையை அதிகரிக்க வழிவகுக்கிறது

author-image
WebDesk
புதுப்பிக்கப்பட்டது
New Update
இளம் வயதினரை தாக்கும் நீரிழிவு நோய்... முன்னெச்சரிக்கை நடவடிக்கைள் என்ன?

Tamil Health Update : சர்வதேச நீரிழிவு கூட்டமைப்பு (IDF) 2019 வெளியிட்டுள்ள அறிக்கையின்படி இந்தியாவில் 20-79 வயதுக்குட்பட்டவர்களில் கிட்டத்தட்ட 77 மில்லியன் மக்கள் நீரிழிவு நோயால் பாதிக்கப்பட்டுள்ளனர் என்றும், இதில் 43 மில்லியன் மக்கள் கண்டறியப்படாத நீரிழிவு நோயால் பாதிக்கப்பட்டுள்ளனர் என்றும் குறிப்பிடப்பட்டுள்ளது.

Advertisment

மேலும் சமீப காலமாக அனைத்து வயதினரிடமும் இந்த வளர்சிதை மாற்றக் கோளாறு அதிகரித்துள்ள போதிலும், இளம் வயதினரிடையே இதன் பாதிப்பு 5-10 சதவீதம் அதிகரித்துள்ளது என்று குருகிராமில் உள்ள பராஸ் மருத்துவமனையின் உட்சுரப்பியல் மூத்த ஆலோசகர் டாக்டர் அசுதோஷ் கோயல் தெரிவித்தார். இளம் மற்றும் நடுத்தர வயது நோயாளிகள் (20-50 வயது) ஒபிடி (OPD) யில் நீரிழிவு நோயால் பாதிக்கப்பட்டவர்களின் எண்ணிக்கை அதிகரித்து வருவதை நிபுணர்கள் கண்டறிந்துள்ளதாகவும் அவர் குறிப்பிட்டுள்ளார்.

அதிகளவு மக்கள்தொகை கொண்ட இந்தியாவில், நீரிழிவு நோய் அதிவேக உயர்வுக்கு மோசமான வாழ்க்கை முறை தான் காரணம், இதில் ஆரோக்கியமற்ற உணவு பழக்கம் மற்றும் உடல் உழைப்பின்மை ஆகியவை உடல் எடையை அதிகரிக்க வழிவகுக்கிறது," என்று அவர் கூறியுள்ளார். மேலும், கொரோனா லாக்டவுன் கட்டுப்பாடுகள் மற்றும் வீட்டிலிருந்து வெகு தொலைவில் வேலை செய்வது பல்வேறு சவால்களைக் கொண்டு வந்தது.

ஆனால் சிலர் தங்கள் வாழ்க்கைமுறையில் சாதகமான மாற்றங்களைச் செய்தாலும் பல்வேறு வகையான உடற்பயிற்சிகளில் ஈடுபடுவது சிலர் வீட்டில் நீண்ட வேலை நேரம், போதிய தூக்கமின்மை, மன அழுத்தம் மற்றும் ஒழுங்கற்ற உணவு முறை போன்றவற்றால் உடல் செயல்பாடுகளை குறைக்க வேண்டியிருந்தது. .

இளம் மற்றும் நடுத்தர வயதுடையவர்களிடையே நீரிழிவு நோய் பரவ முக்கிய காரணிகள்:

நீரிழிவு நோயின் குடும்ப வரலாறு, உடல் செயல்பாடு இல்லாமை, புகைபிடித்தல் மற்றும் அதிகப்படியான மது அருந்துதல், போதிய தூக்கமின்மை, அதிகரித்த மன அழுத்தம்,உயர் இரத்த அழுத்தம் உடல் பருமன், அதிக கொழுப்புச்சத்து, கர்ப்பகால நீரிழிவு வரலாறு

நீரிழிவு நோயாளிகள் பொதுவாக சந்திக்கும் அறிகுறிகள் :

அடிக்கடி சிறுநீர் கழித்தல்: உடலில் இருந்து அதிகப்படியான குளுக்கோஸை வெளியேற்ற உடல் முயற்சிப்பதால் சிறுநீர் கழிக்கும் அதிர்வெண் அதிகரிக்கிறது.

அதிகரித்த தாகம்: அதிகப்படியான சிறுநீர் கழிப்பதால் நீர்ப்போக்கு அல்லது தாகம் அதிகரிக்கும்.

உடல் சோர்வு: செல்களில் போதுமான அளவு சர்க்கரை இல்லாததால், உடலில் ஆற்றல் குறைவாக உள்ளது.

எடை இழப்பு: செல்கள் போதுமான குளுக்கோஸை உறிஞ்ச முடியாததால், உடல் எடையை குறைக்கும் ஆற்றலுக்காக கொழுப்பு எரிக்கப்படுகிறது.

முன்னெச்சரிக்கை நடவடிக்கைகள்

சுத்திகரிக்கப்பட்ட கார்போஹைட்ரேட் மற்றும் சர்க்கரையை குறைக்கவும்: அதிக சர்க்கரை மற்றும் கார்போஹைட்ரேட் கொண்ட உணவுகளை சாப்பிடுவது இரத்தத்தில் சர்க்கரை அளவை அதிகரிக்க வழிவகுக்கும், இது காலப்போக்கில் நீரிழிவு நோயை ஏற்படுத்தும். சுத்திகரிக்கப்பட்ட கார்போஹைட்ரேட்டுகளுக்கு பதிலாக, முழு தானியங்கள், ஓட்ஸ் மற்றும் காய்கறிகள் போன்ற கார்போஹைட்ரேட்டுகளைத் தேர்ந்தெடுப்பது நல்லது.

புகைபிடிப்பதை நிறுத்துங்கள்: புகைபிடித்தல் இன்சுலின் எதிர்ப்பை ஏற்படுத்துகிறது, இது வகை 2 நீரிழிவு நோயை ஏற்படுத்தும். புகைபிடிப்பதை நிறுத்தினால் நீரிழிவு நோயின் அபாயத்தைக் குறைக்கலாம்.

தவறாமல் உடற்பயிற்சி செய்யுங்கள்: உடல் ரீதியாக சுறுசுறுப்பாக இருப்பது மற்றும் அமர்ந்த வாழ்க்கை முறையைத் தவிர்ப்பது முக்கியம். தினமும் குறைந்தது 30 நிமிடங்களாவது நடைபயிற்சி, நீச்சல், சைக்கிள் ஓட்டுதல், யோகா போன்ற உடல் செயல்பாடுகளில் ஈடுபட முயற்சிக்க வேண்டும். இருப்பினும், வெளியில் அதிக புகை அல்லது மாசு இருந்தால் ஒருவர் வெளிப்புற நடவடிக்கைகளில் இருந்து விலகி இருக்க வேண்டும்.

நார்ச்சத்தை நல்ல அளவில் உட்கொள்ளுங்கள்: உணவில் நார்ச்சத்து அதிகம் இருப்பது எடை மேலாண்மை மற்றும் குடல் ஆரோக்கியத்திற்கு நல்லது. உணவில் போதுமான அளவு நார்ச்சத்து இருந்தால், இன்சுலின் மற்றும் இரத்த சர்க்கரை அளவு அதிகரிப்பதைத் தடுக்கலாம்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Healthy Life Healthy Food Tamil News 2
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment