Wheat Samosa Recipe : தினமும் கோதுமையை உணவில் சேர்த்து வந்தால், இரத்தத்தில் உள்ள நச்சுக்கள் வெளியேறி இரத்தம் சுத்தமாகும். சர்க்கரை உள்ளவர்கள் அரிசிக்கு பதிலாக கோதுமையை உணவில் சேர்த்துக் கொள்ள வேண்டுமென மருத்துவர்கள் பரிந்துரைக்கிறார்கள். இதில் சமோசா செய்தால் எப்படி இருக்கும்? வீட்டிற்கு திடீரென விருந்தாளிகள் வந்து விட்டால், உடனே இதை செய்து அசத்தலாம்.
புதினா, பச்சை மிளகாய் இரண்டையும் மிக்ஸியில் நைசாக அரைக்கவும். முட்டைகோஸை பொடியாக நறுக்கிக் கொள்ளவும்.
கேரட் மற்றும் உருளைகிழங்கினையும் சிறு சிறு துண்டுகளாய் நறுக்கி வேக வைத்து எடுத்துக் கொள்ளவும்.
கோதுமை மாவை சலித்து, அதனுடன் சிறிது உப்பு, எண்ணெய் அரைத்த விழுது சேர்த்து, சப்பாத்தி மாவு பதத்தில் பிசைந்து கொள்ளவும்.
30 நிமிடம் ஆன பிறகு மாவை சிறு சிறு உருண்டைகளாக உருட்டி சப்பாத்தியாக போட்டுக் கொள்ளவும்.
வாணலியில் எண்ணெய் ஊற்றி பட்டை, இலவங்கம், வேக வைத்த காய்கறிகள், மிளகாய்தூள், மஞ்சள்தூள், உப்பு சேர்த்து மசாலா செய்து கொள்ளவும்.
சப்பாத்தியின் நடுவில் இந்த கலவையை வைத்து, இரண்டு புறமும் சிறிது நீரை தொட்டு ஒட்டி விடவும். வாணலியில் எண்ணெய் விட்டு அதில் சமோசாவைப் போட்டு பொன்னிறமாக வேக வைத்து எடுக்கவும். அவ்வளவு தான், சமோசா ரெடி!
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”