2022ல் இந்தியா - பாகிஸ்தான் உறவுகளுக்கான வாய்ப்புகள்

சி.ராஜா மோகன், கட்டுரையாளர்

இந்தியாவும் பாகிஸ்தானும் 2003ம் ஆண்டு போர் நிறுத்தத்தை புதுப்பிப்பதற்கான ஒப்பந்தத்தை இந்த ஆண்டு பிப்ரவரியில் அறிவித்து உலகை ஆச்சரியத்தில் ஆழ்த்தின. இந்த ஒப்பந்தம் சமீபத்திய ஆண்டுகளில் அதிக அளவில் மீறப்பட்டது.

இந்த ஆண்டு பாகிஸ்தானுடனான இந்தியாவின் உறவுகள் எதிர்பாராத நேர்மறையான திருப்பத்துடன் தொடங்கியது - பிப்ரவரியில் போர் நிறுத்த ஒப்பந்தம் புதுப்பிக்கப்பட்டது. ஆனால், அந்த நம்பிக்கைகளைத் தகர்க்க அதிக நேரம் எடுக்கவில்லை. 2022-ல் ஏதாவது மாற்றம் இருக்குமா?

சம்பிரதாயமான உரையாடல் இல்லாவிட்டாலும் போர்நிறுத்தம் நீடித்தது. 2021ஐ விட இந்த புத்தாண்டு பேச்சுவார்த்தைக்கு உகந்ததாக இருக்கும் என்று நம்பிக்கையுடன் இருப்பவர்கள் மகிழ்ச்சியடைகிறார்கள். பாகிஸ்தானின் இந்தியக் கொள்கை எந்தவிதமான சாதகமான மாற்றங்களுக்கும் உள்ளாகாது என அவநம்பிக்கையாளர்கள் வலியுறுத்துகின்றனர். இந்தியாவும் பாகிஸ்தானும் சுதந்திரம் மற்றும் பிரிவினையின் 75வது ஆண்டு நிறைவு விழாவைக் கொண்டாடி துணைக் கண்டத்தில் நீடித்த அமைதிக்கான புதிய முயற்சியை மேற்கொள்வதை இலட்சியவாதிகள் விரும்புவார்கள். இந்தியாவும் பாகிஸ்தானும் துணைக்கண்டத்தில் குறைந்தபட்சம் ஒரு "நூறு ஆண்டுகாலப் போருக்கு" கண்டனம் தெரிவிக்கின்றன என்று கூறுகிற இத்தகைய பார்வைகளை அவநம்பிக்கையாளர்கள் புறக்கணிப்பார்கள். இருப்பினும், மாற்றம் என்பது உலகின் மாறாத சட்டம் என்று யதார்த்தவாதிகள் கூறுகிறார்கள். இந்தியாவும் பாகிஸ்தானும் ஒருவருக்கொருவர் தங்கள் அணுகுமுறையை மாற்றுவார்களா, மாட்டார்களா என்பது கேள்வி அல்ல. ஆனால், அவர்கள் எப்போது மாற்றுவார்கள் என்பதுதான் கேள்வி. இரு நாடுகளிலும் பெரிய பிராந்திய மற்றும் சர்வதேச சூழலிலும் குறிப்பிடத்தக்க மாற்றங்கள் ஏற்படுகின்றன. நீண்ட காலமாக கடுமையாக உறைந்து கிடக்கும் இந்தியா-பாகிஸ்தான் உறவில் இவை ஓரளவு தாக்கத்தை ஏற்படுத்தும்.

ஆறு ஆண்டுகளுக்கு முன்பு, இந்த வாரத்தில், நரேந்திர மோடி ஒரு சிறிய அறிவிப்பில் லாகூரில் இறங்கினார். ​​ரைவிண்டில் உள்ள நவாஸ் ஷெரீப்பை அவரது இல்லத்திற்குச் சென்று சந்தித்தார். கிறிஸ்துமஸ் தினத்தில் நவாஸ் ஷெரீப் தனது குடும்ப திருமணத்தையும் தனது பிறந்தநாளையும் கொண்டாடினார். பிரதமரின் இந்த துணிச்சலான நடவடிக்கை இந்தியா-பாகிஸ்தான் உறவில் ஒரு புதிய அத்தியாயத்திற்கான எதிர்பார்ப்புகளை எழுப்பியுள்ளது. ஜூலை 2015ல் ஷாங்காய் ஒத்துழைப்பு அமைப்பின் விளிம்பில் ரஷ்யாவின் உஃபாவில் இரு தலைவர்களுக்கும் இடையிலான சந்திப்பைத் தொடர்ந்து இது நடந்துள்ளது. புதிய உரையாடலைத் தொடங்க சில உறுதியான நடவடிக்கைகளுக்கு மோடியும் ஷெரீப்பும் ஒப்புக்கொண்டனர்.

முன்னதாக, மே, 2014ல் இந்தியாவின் பிரதமராக மோடியின் பதவியேற்பு விழாவில் கலந்து கொள்ள ஷெரீப் டெல்லி வந்திருந்தார். ஷெரீப்பின் முடிவு ராவல்பிண்டியை மகிழ்ச்சியடையச் செய்யவில்லை. டெல்லி தனது தெற்காசிய அண்டை நாடுகளுக்கு நல்லெண்ணத்தின் அரசியல் சமிக்ஞையாகவும் இந்தியாவின் வெளியுறவுக் கொள்கையில் அண்டை நாடுகளுக்கு முதலிடம் கொடுப்பதற்கான அர்ப்பணிப்பாகவும் இந்த அழைப்பைக் கண்டது. ஆனால், டெல்லி தர்பாருக்கான மோடியின் ஏகாதிபத்திய அழைப்பு என்று ராணுவ அமைப்பு கருதியது. வலுவான மக்கள் ஆதரவுடன் தேர்ந்தெடுக்கப்பட்ட மோடியும் ஷெரீப்பும் நன்றாகப் பழகுவது போலவும், இருதரப்பு உறவை முன்னேற்ற ஆர்வத்துடன் இருப்பதாகவும் தோன்றியது.

மோடியின் லாகூர் பயணத்திற்கு எதிர்வினையாக 2016 புத்தாண்டு தினத்தன்று பதான்கோட்டில் உள்ள இந்திய விமானப்படை நிலையம் மீது ஒரு பெரிய பயங்கரவாத தாக்குதல் நடந்தது. முன்னெப்போதும் இல்லாத நடவடிக்கையாக, பாகிஸ்தானிய உளவுத்துறை அமைப்புகளை மோடி இந்திய உளவுத்துறை அதிகாரிகளுடன் இணைய அழைத்தார். இந்த சம்பவத்தை விசாரித்து, மூலத்தைக் கண்டுபிடித்தாலும், பாகிஸ்தானின் பாதுகாப்பு அமைப்புக்கு பயங்கரவாதிகளைப் பின்தொடர்வதில் அதிக ஆர்வம் இல்லை.

சில மாதங்களுக்குள், செப்டம்பர், 2016-ல், உரியில் உள்ள இந்திய ராணுவப் படைத் தலைமையகம் மீது இரண்டாவது பயங்கரவாதத் தாக்குதல் நடத்தப்பட்டது. இந்த முறை, பாகிஸ்தானில் உள்ள பயங்கரவாத முகாம்கள் மீது மோடி இந்திய ராணுவத்தின் சர்ஜிக்கல் ஸ்டிரைக்கைத் நடத்தினார். இந்தியாவுடனான உறவில் ஒரு புதிய அதிருப்தியாகவும் ஷெரிப்பிற்கு மேலும் ஆழ்ந்த விரோதமாக மாறியது. அவர் பயங்கரவாத குழுக்களுக்கு பாகிஸ்தானின் ஆதரவை மறுபரிசீலனை செய்ய அழைப்பு விடுத்தார். அண்டை நாடுகளுடனான உறவுகளை மறுசீரமைக்க வேண்டும். அவர் ‘மோடி கா யார்’ என்று இழிவுபடுத்தப்பட்டார். ஷெரீப்புக்கு எதிரான பிரச்சாரம் 2017ம் ஆண்டு நடுப்பகுதியில் அவர் வெளியேற்றப்படும் வரை தொடர்ந்தது.

2018-ல் பாகிஸ்தானின் பிரதமரான இம்ரான் கான், இருதரப்பு உறவுகளில் விரைவான சரிவுக்கு தலைமை தாங்கினார். தான் கிரிக்கெட் விளையாடிய நாட்களில் துணைக்கண்டம் முழுவதும் மிகவும் பிரபலமாக இருந்த இம்ரான், பாகிஸ்தானில் உள்ள அனைவரையும்விட இந்தியாவை தனக்கு நன்றாக தெரியும் என்று பெருமையாகக் கூறினார். 2019-ல் இந்தியப் பிரதமர் மீண்டும் தேர்ந்தெடுக்கப்பட்டால், மோடியுடன் ஒப்பந்தம் செய்து கொள்வதில் அவர் நம்பிக்கையுடன் இருந்தார். ஆனால், இந்திய நிலைப்பாடு அல்லது இரு நாடுகளுக்கு இடையேயான பேச்சுவார்த்தை வரலாறு பற்றி அவருக்கு கொஞ்சம்கூட புரியவில்லை.

2019-ம் ஆண்டின் தொடக்கத்தில் நடந்த தொடர்ச்சியான நிகழ்வுகள் - புல்வாமா பயங்கரவாதத் தாக்குதல், பாகிஸ்தானில் உள்ள பாலகோட்டில் இந்திய விமானப்படை தாக்குதல் மற்றும் காஷ்மீர் மீதான டெல்லியின் அரசியலமைப்பு மாற்றங்கள் - இந்தியா-பாகிஸ்தான் உறவுகளுக்கு ஒரு புதிய இயக்கத்தை உருவாக்கியது. ஆத்திரமடைந்த பாகிஸ்தான், காஷ்மீரில் ஏற்பட்ட மாற்றங்களை மாற்றியமைக்க இந்தியாவை நிர்பந்திக்க சர்வதேச பிரச்சாரத்தில் இறங்கியது. ஆனால், எங்கும் பலன் கிடைக்கவில்லை. மோடிக்கு எதிரான இம்ரான் கானின் தனிப்பட்ட கசப்பு வெறித்தனமாக சென்றது.

ஆனால் இந்தியாவும் பாகிஸ்தானும் இந்த ஆண்டு பிப்ரவரியில் உலகை ஆச்சரியத்தில் ஆழ்த்தின. 2003-ம் ஆண்டு போர் நிறுத்தத்தை புதுப்பிப்பதற்கான ஒப்பந்தத்தை அறிவித்தன. இந்த ஒப்பந்தம் சமீபத்திய ஆண்டுகளில் அதிக அளவில் மீறப்பட்டது. இரு ராணுவத் தலைமையகத்தில் உள்ள ராணுவ நடவடிக்கைகளின் இயக்குநர் ஜெனரல் மூலம் இந்த ஒப்பந்தம் முறைப்படுத்தப்பட்டாலும், இந்திய பாதுகாப்பு அமைப்புக்கும் பாகிஸ்தான் ராணுவத் தலைமைக்கும் இடையே பின்வாசல் வழியாக பேச்சுவார்த்தை நடத்தப்பட்டது. போர்நிறுத்தம் தவிர, இரு தரப்பும் அமைதியை சீர்குலைக்கும் தன்மை கொண்ட பரஸ்பரம் முக்கிய பிரச்சனைகள் மற்றும் கவலைகள் குறித்தும் ஒப்புக்கொண்டன.

சீனாவுடன் இந்தியாவின் அதிகரித்து வரும் இராணுவ மோதல், பாகிஸ்தான் எல்லையை பலப்படுத்த முயற்சிப்பதற்கு போதுமான காரணத்தை வழங்கியது. ஆனால், பாகிஸ்தானுடனான இந்தியாவின் உறவின் உறுதித் தன்மை எல்லை தாண்டிய பயங்கரவாதம் குறித்த டெல்லியின் முக்கிய கவலைகளை இஸ்லாமாபாத் நிவர்த்தி செய்வதற்கு உட்பட்டதாக இருக்கும்.

மறுசீரமைப்புக்கான இஸ்லாமாபாத்தின் விவகாரம் பாகிஸ்தானின் ராணுவத் தளபதி ஜெனரல் கமர் ஜாவேத் பஜ்வாவால் வெளிப்படுத்தப்பட்டது. புவிசார் அரசியலில் இருந்து விலகி நாட்டின் பொருளாதார வளர்ச்சிக்கு புத்துயிர் அளிக்கும் புவி பொருளாதாரத்திற்கு பாகிஸ்தான் நகர்வதன் முக்கியத்துவத்தை அவர் கோடிட்டுக் காட்டினார். இந்தியாவும் பாகிஸ்தானும் கடந்த காலத்தை மறந்துவிட்டு முன்னேற வேண்டிய நேரம் இது என்று அவர் வாதிட்டார். ஆனால், இருதரப்பு உறவை உறுதி செய்வதில் வெற்றிபெற காஷ்மீரில் இந்தியா ஒரு சாதகமான சூழ்நிலையை உருவாக்க வேண்டியதன் முக்கியத்துவத்தையும் அவர் வலியுறுத்தினார்.

காஷ்மீர் பாக்கிஸ்தானின் எண்ணத்தில் முதலிடத்தில் இருந்தபோதிலும், அது வணிக உறவுகளை புதுப்பிக்க திறந்ததாகத் தோன்றியது. இந்தியாவில் இருந்து சர்க்கரை மற்றும் பருத்தியை இறக்குமதி செய்யும் நோக்கத்தை அது அறிவித்தது. ஆனால், வர்த்தக அமைச்சகத்தின் முடிவை பிரதமர் இம்ரான் கான் “காஷ்மீர் இரத்தம் கசியும் போது பாகிஸ்தானால் இந்தியாவுடன் வர்த்தகம் செய்ய முடியாது” என்று அறிவித்ததன் மூலம் பின்னடைவாக மாறியது.

பின்-வாசல் தொடர்புகள் தொடர்ந்தாலும், இஸ்லாமாபாத் முறையான முன்நிபந்தனைகளுடன் சிக்கிக்கொண்டது - காஷ்மீரில் இந்தியாவின் அரசியலமைப்பு மாற்றங்களை மாற்றியமைப்பது - ஆகியவை டெல்லியுடன் புதுப்பிக்கப்பட்ட உரையாடலுக்கு வழியாக அமைத்தது. டெல்லியுடனான உறவை உறுதி செய்யும் விதிமுறைகளில் பாகிஸ்தான் ஒரு புதிய கருத்தொற்றுமையை உருவாக்க முடியுமா என்பது எந்த வகையிலும் தெளிவாக இல்லை.

இந்த புத்தாண்டு பாகிஸ்தானில் அதிக அரசியல் ஏற்ற இறக்கங்களைக் காண வாய்ப்புள்ளது. ராணுவத் தளபதியாக இருக்கும் ஜெனரல் பாஜ்வாவின் இரண்டாவது பதவிக் காலம் நவம்பரில் முடிவடைகிறது. இம்ரான் கானின் ஆட்சி 2023 வரை நீடித்தாலும், பாகிஸ்தானை பாதிக்கும் பல நெருக்கடிகள் மற்றும் அவரது அரசாங்கத்தின் வளர்ந்து வரும் செல்வாக்கற்ற தன்மையால் அவர் 2022-ல் சர்வைவல் செய்ய முடியாது. நவாஸ் ஷெரீப் இந்த புத்தாண்டின் தொடக்கத்தில் நாடுகடத்தலில் இருந்து திரும்பி வந்து, இம்ரான் கான் அரசாங்கத்துடனான அரசியல் மோதலை அதிகரிக்கக்கூடும் என்ற ஊகமும் உள்ளது.

வருகிற ஆண்டில் இந்தியாவின் அரசியல் ஸ்திரத்தன்மை கேள்விக்குறியாகாது. ஆனால், அரசாங்கத்தின் கருத்தியல் அடித்தளத்தில் பாகிஸ்தானுடனான எந்தவொரு உரையாடலிலும் கடுமையான விரோதம் உள்ளது. பாகிஸ்தானுடன் பேசாததால் டெல்லிக்கு உள்நாட்டு அரசியல் செலவுகள் குறைவு. எப்படியிருந்தாலும், இந்தியாவுடன் உறவை உறுதி செய்வதற்கான முன்நிபந்தனைகளை பாகிஸ்தான்தான் நீக்க வேண்டும்; அவ்வாறு செய்தால், இந்த ஆண்டு போர்நிறுத்த ஒப்பந்தத்தில் இருந்து முன்னேற டெல்லி தயாராக இருக்க வேண்டும்.

நம்பிக்கை, அவநம்பிக்கை, லட்சியவாதம் மற்றும் சிடுமூஞ்சித்தனம் ஆகியவற்றிற்கு அப்பால் பார்க்கும்போது, ​​2022ல் இந்தியாவும் பாகிஸ்தானும் குழப்பமடையும் என்று யதார்த்தவாதிகள் கருதலாம். இதனிடையே, கட்டமைப்பு மாற்றங்கள் மெதுவாக, ஆனால் நிச்சயமாக, இருதரப்பு உறவின் உள் மற்றும் வெளிப்புற சூழ்நிலையையும் பிராந்திய அதிகாரத்தின் சமநிலையையும் மாற்றுகின்றன. அது இந்தியா-பாகிஸ்தான் விவாதத்தின் பாரம்பரிய விதிமுறைகளை காலப்போக்கில் குறைவான முக்கியத்துவம் வாய்ந்ததாக மாற்றும்.

இந்த கட்டுரையை எழுதியவர் எழுத்தாளர் சி.ராஜா மோகன், தெற்காசிய ஆய்வுகள் நிறுவனம், சிங்கப்பூர் தேசிய பல்கலைக்கழகம். தி இந்தியன் எக்ஸ்பிரஸ் சர்வதேச விவகாரங்களில் பங்களிக்கும் ஆசிரியர்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”