உடற்பயிற்சி செய்ய நேரம் இல்லையா? டாக்டர் அருண் சொல்லும் 6,6,6 வாக்கிங் ட்ரை பண்ணுங்க!

இன்றைய வாழ்க்கை முறை மற்றும் வேலை நேரம் ஆகியவற்றால் ஜிம்மிற்கு செல்லவோ அல்லது யோகா பயிற்சிகளுக்கு செல்லவோ பலருக்கு நேரம் இருக்காது. அவர்களுக்கெல்லாம் 6-6-6 என்ற விதிமுறை ஒரு தீர்வாக அமையும். இதனை நீங்கள் சுலபமாக பின்பற்றலாம்.

எளிதாகச் சொன்னால் 6 நிமிடங்கள் வார்ம் அப் செய்து, காலை 6 மணி அல்லது மாலை 6 மணிக்கு 60 நிமிடங்கள் நடைபயிற்சி செய்து, 6 நிமிட ஓய்வுடன் இந்த பயிற்சியை நிறைவு செய்ய வேண்டும்.

இந்த வகையான நடைபயிற்சி இருதய ஆரோக்கியத்தில் தொடங்கி மனநல ஆரோக்கியம் வரை பல்வேறு நன்மைகளை தருவதாக வல்லுநர்கள் தெரிவித்துள்ளனர்.

நடைபயிற்சியில் மேற்கொள்ளப்படும் 6-6-6 என்ற விதிமுறை, உங்கள் வாழ்க்கை முறையுடன் உடற்பயிற்சியை ஓர் அங்கமாக இணைப்பதற்கு வழிவகுக்கும். இதன் பின்னணியில் இருக்கும் அறிவியலை புரிந்து கொண்டால், இதில் இருந்து கிடைக்கும் நன்மைகளை உணரலாம்

நடைபயிற்சி உங்கள் இருதய தசையை பலப்படுத்துகிறது. இரத்த ஓட்டத்தை மேம்படுத்தி இரத்த அழுத்தம் மற்றும் கொழுப்பின் அளவைக் குறைக்க உதவுகிறது.

60 நிமிடங்கள் நடைபயிற்சி மேற்கொள்வதால் அதிகளவு கலோரிகளை குறைக்க முடியும். இதன் மூலம் உடல் எடையை பராமரிக்க முடியும். மேலும், கொழுப்பை ஆற்றலாக மாற்ற முடியும்.