இளைஞர்களிடையே காசநோய் பாதிப்பு அதிகரிப்பதற்கு காரணம் என்ன..?

புகைபிடித்தல், மன அழுத்தம், மோசமான ஊட்டச்சத்து மற்றும் தூக்கமின்மை உள்ளிட்ட நவீன வாழ்க்கை முறை தேர்வுகளால் நோய் எதிர்ப்பு சக்தி பலவீனமடையக்கூடும். இதனால் இளைஞர்கள் காசநோய் போன்ற நோய்களுக்கு ஆளாகும் அபாயம் அதிகம்.

அதிகரித்த நகரமயமாக்கல் மற்றும் மக்கள் தொகை: இளைஞர்கள் அடர்த்தியான மக்கள் தொகை கொண்ட நகரங்களில் வசிப்பதற்கான வாய்ப்புகள் அதிகம். அங்கு மற்றவர்களுடன் நெருங்கி பழகுவதால் காசநோய் காற்றில் பரவும் வாய்ப்புகளை அதிகரிக்கிறது.

சோர்வு, மிதமான காய்ச்சல் மற்றும் தொடர்ச்சியான இருமல் போன்ற காசநோயின் ஆரம்ப அறிகுறிகள் சில நேரங்களில் பிற சுவாச நோய்களாக இருக்குமோ என குழப்பத்தை ஏற்படுத்துகின்றன. மருத்துவ உதவியை நாடுவதில் தாமதம் ஏற்படுவது அதிக பரவல் விகிதங்களுக்கும் கடுமையான நோய் வளர்ச்சிக்கும் வழிவகுக்கும்.

ஆரம்பகால நோயறிதல் மற்றும் சிகிச்சைக்கு, காசநோயின் ஆரம்ப அறிகுறிகளை அடையாளம் காண்பது மிகவும் முக்கியம். இதன் பொதுவான அறிகுறிகள்: • தொடர் இருமல் • மார்பு வலி • இரவு வியர்வை • விவரிக்கப்படாத எடை இழப்பு • சோர்வு மற்றும் பலவீனம் • காரணமில்லாத காய்ச்சல்

காசநோய்க்கு பொதுவாக ஆறு முதல் ஒன்பது மாதங்கள் வரை மருந்துகளுடன் சிகிச்சையளிக்கப்படுகிறது. நீண்ட காலத்திற்கு, நோய் எதிர்ப்பு மற்றும் மறுபடியும் தாக்குவதை தவிர்க்க, நோயாளிகள் முழு மருத்தையும் எடுத்துக்கொள்ள வேண்டும்.