Border-Gavaskar Trophy, Suryakumar Yadav Tamil News: ஆஸ்திரேலியாவுக்கு எதிராக நாக்பூரில் நடைபெறும் முதல் டெஸ்ட், இந்தியாவின் பெருமைமிக்க பேட்டிங் ஆர்டருக்கு பல கேள்விகளை எழுப்பக்கூடும். விக்கெட்டுகளை டர்னிங் செய்வது அவர்களின் நுட்பங்களையும் குணங்களையும் சோதிக்கிறது.
ஆடும் லெவனில் சூரியகுமார் யாதவ்
ரேங்க் டர்னர் கூடிய நாக்பூர் ஆடுகளத்தில் இந்தியா தனது எதிர் தாக்குதல் திறமைக்காக மிடில் ஆர்டரில் அதிரடி வீரர் சூரியகுமார் யாதவை கட்டவிழ்த்து விட உள்ளது. முரண்பாடாக, அவரின் டி20 திறன்கள் அவரை டெஸ்ட் அணிக்கு அழைத்து வந்துள்ளது. டர்னர் அதிகம் இருக்கும் ஆடுகளத்தில் எந்தவொரு பேட்ஸ்மேனும் ஆக்ரோஷ ஆட்டத்தை வெளிப்படுத்த தவறலாம். எனவே, சில துணிச்சலான ரன்களை எடுக்க சூரியகுமார் போன்ற வீரர்கள் அணியில் இருக்க வேண்டும் என்பதே சிந்தனை. ஏன்னென்றால், அவர் சுழலுக்கு எதிரான சிறப்பாக ஷாட்களை விளையாடக் கூடியவர். வழக்கமான மற்றும் ரிவர்ஸ் ஸ்வீப்கள் மற்றும் ஸ்லாக் ஸ்வீப்கள் முதல் இன்சைட்-அவுட் ஏரியல் ஹிட்ஸ் வரை என 360 கோணத்தில் பந்துகளை விரட்ட அவரால் முடியும்.
❤️🔥 pic.twitter.com/yOBIY3wfdW
— Surya Kumar Yadav (@surya_14kumar) February 7, 2023
கேள்விக்குறியாகும் கே எல் ராகுலின் எதிர்காலம்
இது கடுமையானதாக இருக்கலாம். ஆனால், ராகுல் முதல் டெஸ்டில் தனது தரமான ஆட்டத்தை வெளிப்படுத்தியாக வேண்டிய காட்டயத்தில் இருக்கிறார். இல்லையெனில் தொடரின் மீதமுள்ள போட்டிகளுக்கு அவர் பெஞ்சில் அமரும் நிலை தான் ஏற்படும். இந்திய அணியில் சில பேட்ஸ்மேன்களுடன், சுழற்பந்து வீச்சாளர்களுடனான அவர்களின் சாத்தியமான அணுகுமுறை தெளிவாக உள்ளது – புஜாரா தனது கால்களைப் பயன்படுத்துவார் மற்றும் மென்மையான கைகளை முயற்சிப்பார், பண்ட் அட்டாக் செய்து ஆட முயற்சிப்பார், ஷுப்மான் கில் முழுமையாக முன்னோக்கி அல்லது வலதுபுறத்தின் பின் திசையில் பந்தை விரட்ட முயற்சிப்பார், மேலும் ஸ்லாக்-ஸ்வீப்பைப் பயன்படுத்துவார். ஆனால், சுழலுக்கு எதிராக ராகுலின் வழி என்ன என்பது இன்னும் தெளிவாகத் தெரியவில்லை. அவர் அவற்றைக் குறைக்க முயற்சிப்பாரா அல்லது அவர் இன்னும் நேர்மறையாக இருப்பாரா? இந்தத் தொடர் அவருக்கு அந்த ஓப்பனரின் இடத்தை உறுதிப்படுத்தவோ அல்லது அந்த இடத்தில் இருந்து கழற்றி விடப்படவோ சிறந்த வாய்ப்பை வழங்குகிறது.
மிடில் ஆர்டரில் ஷுப்மான் கில்
ஷுப்மான் கில் தற்போது அசத்தலான ஃபார்மில் இருக்கிறார் மற்றும் சுழலுக்கு எதிரான அவரது ஆட்டம் உயர்வாக மதிப்பிடப்படுகிறது. உண்மையில் ஆர் அஷ்வின் அவரை பந்துவீசுவதற்கு கடினமான பேட்ஸ்மேன்களில் ஒருவராக மதிப்பிடுகிறார் – அவர்கள் உள்நாட்டு கிரிக்கெட்டில் ஒருவருக்கொருவர் எதிராக விளையாடியுள்ளனர்.
அவரது குடும்பம் சண்டிகருக்கு மாறியபோது சுழலுக்கு எதிராக அவரது பேட்டிங் பெரிதும் மேம்பட்டது. அவர் மொஹாலி மைதானத்திற்கு வெளியே உள்ள ஒரு பூங்காவில் விளையாடுவார். அங்கு மூத்த சிறுவர்கள் சரியான கிரிக்கெட்டை விளையாடுவார்கள். அதே நேரத்தில் இளையவர்கள் பொருத்தமான சூழ்நிலையில் விளையாடுவார்கள்.
கில் ஒருமுறை இந்தியன் எக்ஸ்பிரஸ் இதழுக்கு அளித்த பேட்டியில், “எனது ஸ்பின் பேட்டிங் அங்கு தான் 1(சண்டிகர்) வளர்ந்தது. அதுவரை, நான் சுழற்பந்துகளை அடிக்க மட்டுமே முயற்சிப்பேன். அதன்பிறகு நான் சிங்கிள்ஸ் எடுக்கும் கலையை கற்றுக்கொள்ள ஆரம்பித்தேன். நான் டெலிவரிகளுக்கு வெளியே சென்று சிங்கிள்ஸ்களுக்காக அதை ஆஃப்-சைடில் தள்ளுவேன். நான் அங்கு இரண்டு விஷயங்களைக் கற்றுக்கொண்டேன்: ஸ்பின் பந்துகளை முழுவதுமாக முன்னோக்கி விளையாட வேண்டும் அல்லது நன்றாகத் திரும்பி ஆட வேண்டும். கிரீஸில் இருந்து விளையாட வேண்டாம். எல்.பி.டபிள்யூ அல்லது பேட்-பேட்-கேட்சுகள் நடக்கும்,” என்று கூறியிருந்தார்.
ஆனால் நாக்பூரில் ராகுல் தோல்வியுற்றால், கில் வெற்றி பெற்றால், அவர்கள் இரண்டாவது டெஸ்டில் கில்லைத் தான் தொடக்க வீரராக களமிறங்குவார்கள். மேலும், கூடுதல் பேட்ஸ்மேன் அல்லது பந்துவீச்சாளரையும் அணியில் சேர்க்கலாம். அதனால், நாக்பூரில் ராகுலுக்கு தான் கூடுதல் அழுத்தம் இருக்கும்.
ஸ்ரீகர் பாரத்திற்கு சிறந்த வாய்ப்பு
29 வயதான விக்கெட் கீப்பர் வீரர் ஸ்ரீகர் பாரத் உடன் இந்தியா களமாட விரும்புகிறது. அவர் ஒன்பது முதல் தர சதங்கள் மற்றும் 27 அரைசதங்களை விலகியுள்ளார். மேலும், அவரது அதிகபட்ச ஸ்கோர் 308 ஆக உள்ளது. தவிர, சுழலுக்கு எதிராக பேட்டிங் செய்யப் பழகிவிட்டார்.
2021ல் நியூசிலாந்திற்கு எதிராக நடந்த கான்பூர் டெஸ்டில் மாற்று வீரராக வந்த அவர் தனது விக்கெட் கீப்பிங் திறமையால் திகைக்க வைத்தார். ஆர் அஷ்வின் பந்தில் வில் யங் மிகக் குறைந்த கேட்சை எட்ஜ் செய்தபோது, எந்த வகையிலும் எதிர்பாராத பாரத், ஒரு அருமையான கேட்சை பிடித்து அசத்தினார். இதேபோல் அக்சர் படேலின் சுழற்பந்தில் சிக்கிய ராஸ் டெய்லர் கொடுத்த கேட்சையும் லாவகமாக பிடித்து மிரட்டினார். பின்னர், டாம் லாதம் அடித்த எட்ஜில் ஒரு சிறந்த ஸ்டம்பிங் செய்தார்.
சுழலுக்கு எதிராக விராட் கோலி</strong>
கோலியின் இடத்தில் எந்த அழுத்தமும் இல்லை. ஆனால் சுழலுக்கு எதிராக அவர் பேட்டிங் செய்வது கட்டாயமான பார்வையை ஏற்படுத்தும். அவரது வாழ்க்கையில் இந்த கட்டத்தில், டர்னர்களில் அவரது பேட்டிங் சாத்தியமான கேள்விக்குறியாக எழுந்துள்ளது. சமீப காலமாக, அவர் அவர்களுக்கு எதிரான தெளிவான வழிமுறையைக் காட்டவில்லை. உள்நாட்டு விளையாட்டுகளின் பற்றாக்குறை ஒருவேளை அவர் நம்பக்கூடிய ஒரு முறையை உருவாக்க அனுமதித்திருக்கலாம் என்பதைக் காட்டுகிறது.
மாறாக, டெஸ்டில் அதைக் கண்டுபிடிக்க முயற்சித்து, இலங்கைக்கு எதிராகவும் (உள்ளூரில்) மற்றும் வங்கதேசத்திலும் தோல்வியடைந்தார். என்ன வேலை செய்கிறது என்பதைப் பார்க்க அவர் தனது கார்டை (லெக் ஸ்டம்பிலிருந்து நடுப்பகுதிக்கு) மாற்றிக்கொண்டே இருக்கிறார். அவர் பின் பாதத்தில் சிக்கலில் சிக்குகிறார். அடிக்கடி தனது பேட்-முகத்தை மூடிக்கொண்டு பந்தை பிளேடுக்கு அப்பால் சுழல விடுகிறார். அவர் முன்னேறிய சமயங்களில், அவர் ரிக்கி பாண்டிங்கைப் போல் முன்னோக்கிச் சென்று, நெருக்கமான பீல்டர்களின் உள்ளங்கைகளில் கேட்சை கொடுக்கிறார். எனவே, இந்த ஆஸ்திரேலிய தொடர் அவருக்கு இன்னும் கடுமையான சோதனையை அளிக்கும்.
வேகமான சுழலுக்கு எதிராக ரோகித் சர்மா
அவர் கடந்த காலங்களில் லெக்ஸ்பினுக்கு எதிராக தனது பிரச்சினைகளை எதிர்கொண்டு இருக்கிறார். ஆனால் ஆஸ்திரேலியா உடனடியாக லெகி மிட்செல் ஸ்வெப்சனுடன் விளையாடுமா என்பது இன்னும் தெளிவாகத் தெரியவில்லை. அவரது நல்ல நாட்களில், ரோகித் தனது கால்களைப் பயன்படுத்தி தாக்குதல் மற்றும் தற்காப்பு இரண்டிலும் விருப்பம் காட்டியுள்ளார். ஆனால் அவர் நம்பிக்கை இல்லாமல் முன்னோக்கி சாய்ந்தபோது அவர் சிக்கலில் இருக்கிறார், மேலும் நாதன் லியோன், கடந்த காலத்தில் அவருக்கு எதிராக செய்தது போல், அவரை சிக்கலில் சிக்க வைக்க முயற்சிப்பார். விரைவான திருப்பம் அவரது பிரச்சனையாகும்.
தமிழ் இந்தியன் எக்ஸ்பிரஸின் அனைத்துசெய்திகளையும்உடனுக்குடன் டெலிகிராம் ஆப்பில் பெற https://t.me/ietamil
