Chess Olympiad 2022 streaming: இன்று செஸ் ஒலிம்பியாட் தொடக்க விழா: 'லைவ்' பார்ப்பது எப்படி?

Chess Olympiad 2022 streaming: சென்னையில் முதன்முறையாக நடைபெறவிருக்கும் சர்வதேச செஸ் ஒலிம்பியாட் போட்டியின் தொடக்க விழாவை மக்கள் நேர்காணலில் காணலாம். தொலைக்காட்சியிலும் இணையதளத்தின் வாயிலாகவும் விழாவின் நேர்காணலை எப்படி பார்க்கலாம் என்பதை தெரிந்துகொள்ளலாம்.

இந்தியாவில் முதன்முறையாக நடைபெறவிருக்கும் 44ஆவது சர்வதேச செஸ் ஒலிம்பியாட் போட்டி, தமிழ்நாட்டின் சென்னையில் இன்று மாபெரும் தொடக்க விழாவுடன் தொடங்கவிருக்கிறது.

இப்போட்டியானது சென்னையின் கிழக்கு கடற்கரை சாலையில் அமைந்துள்ள ஷெரட்டன் மகாபலிபுரம் ரிசார்ட் மற்றும் கன்வென்ஷன் சென்டரில் நடத்தப்பட உள்ளது.

உலகெங்கும் உள்ள 180ற்கும் மேற்பட்ட நாடுகளின் பங்கேற்பாளர்களைக் கொண்ட இந்த போட்டியானது, இந்திய வரலாற்றில் இதுவே முதல் முறையாக நிகழவிருக்கிறது.

188 நாடுகளை சேர்ந்த பங்கேற்பாளர்கள் இப்போட்டிக்காக பதிவு செய்திருக்கிறார்கள். மேலும், தேசிய சதுரங்க கூட்டமைப்புகளின் தங்கப் பதக்கங்கள், கோப்பைகள் மற்றும் உலகின் சிறந்த சதுரங்கம் விளையாடும் நாடு என்ற பட்டத்தை வெல்வதற்காக இரண்டாயிரத்திற்கும் மேற்பட்ட போட்டியாளர்கள் இதில் பங்குகொள்வர்கள் என எதிர்பார்க்கப்படுகிறது. 

செஸ் ஒலிம்பியாட் 2022 போட்டிகள் இந்திய நேரப்படி வெள்ளிக்கிழமை (ஜூலை 29 ஆம் தேதி) போட்டியின்  சுற்று 1 மாலை 3 மணிக்கு அதிகாரப்பூர்வமாக தொடங்கவிருக்கிறது. அதே வேளையில், போட்டிக்கான தொடக்க விழா வியாழக்கிழமை மாலை 6 மணிக்கு இந்திய நேரப்படி தொடங்கும் என்று எதிர்பார்க்கப்படுகிறது.

இன்று மாலை நடக்கவிருக்கும் தொடக்க விழாவிற்கு அரசியல் மற்றும் விளையாட்டு உலகத்தின் ஜாம்பவான்கள் பங்குகொள்வதனால் சென்னை முழுவதும் பாதுகாப்பு ஏற்பாடுகள் தீவிரப்பட்டுள்ளது. 

இப்போட்டியின் நிகழ்ச்சியை, தூர்தர்ஷனில் ஒளிபரப்பப்படும் செஸ் ஒலிம்பியாட் 2022 தொடக்க விழாவின் நேரடி ஒளிபரப்பில் மக்கள் காணலாம். இதன்பிறகு நடக்கவிருக்கும் செஸ் போட்டியை, செஸ்பேஸ் இந்தியா மற்றும் FIDE ஆகியவற்றின் YouTube சேனல்களில் 44வது செஸ் ஒலிம்பியாட் நேரலையில் காணலாம்.

44வது சர்வதேச செஸ் போட்டிக்கான அட்டவணை:

ஜூலை 29: சுற்று 1 பிற்பகல் 3 மணிக்கு. (IST)

ஜூலை 30: சுற்று 2 பிற்பகல் 3 மணிக்கு (IST)

ஜூலை 31: சுற்று 3 பிற்பகல் 3 மணிக்கு (IST)

ஆகஸ்ட் 1: சுற்று 4 பிற்பகல் 3 மணிக்கு (IST)

ஆகஸ்ட் 2: சுற்று 5 பிற்பகல் 3 மணிக்கு (IST)

ஆகஸ்ட் 3: சுற்று 6 மதியம் 3 மணிக்கு (IST)

ஆகஸ்ட் 4: ஓய்வு நாள்

ஆகஸ்ட் 5: சுற்று 7 பிற்பகல் 3 மணிக்கு (IST)

ஆகஸ்ட் 6: சுற்று 8 மதியம் 3 மணிக்கு (IST)

ஆகஸ்ட் 7: சுற்று 9 மதியம் 3 மணிக்கு (IST)

ஆகஸ்ட் 8: சுற்று 10 பிற்பகல் 3 மணிக்கு (IST)

ஆகஸ்ட் 9: சுற்று 11 பிற்பகல் 3 மணிக்கு (IST)

செஸ் ஒலிம்பியாட் 2022 கிளாசிக்கல் முறையில் விளையாடப்படும். ஒரு போட்டியின் போது, ​​பங்கேற்கும் ஒவ்வொரு வீரருக்கும் 90 நிமிடங்களுக்குள் 40 நகர்வுகள் கொடுக்கப்படும், மேலும் 30 வினாடிகள் அதிகரிப்புடன் கூடுதலாக 30 நிமிடங்கள் வழங்கப்படும். ஆட்டத்தின் எந்த நேரத்திலும் வீரர்கள் தங்கள் எதிரணிக்கு டிரா வழங்க முடியும் என கூறப்படுகிறது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil