Advertisment

India vs Sri Lanka Score: ஒரே உலகக் கோப்பைத் தொடரில் 5 சதம் விளாசிய ரோஹித்! 7 விக்கெட்டுகள் வித்தியாசத்தில் இந்தியா வெற்றி

World Cup 2019, India vs Sri Lanka Match Score Updates: இந்தியா வெற்றி

author-image
Anbarasan Gnanamani
புதுப்பிக்கப்பட்டது
New Update
IND vs SL Live Score, India vs Sri Lanka World Cup Live Score

IND vs SL Live Score, India vs Sri Lanka World Cup Live Score

India vs Sri Lanka World Cup 2019 Score: உலகக் கோப்பை 2019 தொடரில், இன்று(ஜூலை.6) லீட்ஸ் நகரின் ஹெட்டிங்லே ஸ்டேடியத்தில் நடைபெற்ற போட்டியில் விராட் கோலி தலைமையிலான இந்திய அணியும், டிமுத் கருணரத்னே தலைமையிலான இலங்கை அணியும் மோதின.

Advertisment

இதில், முதலில் பேட்டிங் செய்த இலங்கை, 50 ஓவர்களில் 7 விக்கெட் இழப்பிற்கு 264 ரன்கள் எடுத்தது. தொடர்ந்து ஆடிய இந்திய அணி, ரோஹித் மற்றும் லோகேஷ் ராகுலின் அபார சதத்தால் 43.3வது ஓவரில் 3 விக்கெட்டுகளை மட்டும் இழந்து வெற்றிப் பெற்றது. இதனால், புள்ளிப்பட்டியலில் இந்திய அணி முதலிடத்துக்கு முன்னேறியுள்ளது.

 

Live Blog

World Cup 2019: India vs Sri Lanka Score, IND vs SL 2019 Updates, London, Lord's  - இந்தியா வெற்றி



























Highlights

    22:46 (IST)06 Jul 2019

    Ind vs SL Updates - சோகத்துடன் வெளியேறிய இலங்கை

    ஏற்கனவே உலகக் கோப்பையில் இருந்து வெளியேறிவிட்ட நிலையில், கடைசிப் போட்டியிலாவது வெற்றிப் பெற்று கௌரவமாக நாடு திரும்ப நினைத்து, நினைத்ததோடு மட்டுமில்லாமல், கடுமையாக போராடவும் செய்த இலங்கை, இந்தியாவின் பேட்டிங் ஆர்டரை குலைக்க முடியாமல், 9 போட்டிகளில் 4ல் தோற்று வெளியேறியது. 

    22:34 (IST)06 Jul 2019

    இந்தியா வெற்றி!

    இந்திய அணி 43.3 வது ஓவரில், மூன்று விக்கெட்டுகளை மட்டும் இழந்து 265 ரன்கள் எடுத்து வென்றது. இதன் மூலம், 15 புள்ளிகளுடன் இந்திய அணி முதலிடத்திற்கு முன்னேறியது. 

    22:26 (IST)06 Jul 2019

    Rishabh Pant Out - ரிஷப் பண்ட் அவுட்

    லோகேஷ் ராகுல் அவுட்டான பிறகு ரிஷப் பண்ட், இசுறு உடானா ஓவரில் 4 ரன்களில் எல்பிடபிள்யூ ஆனார். விரைவில் ஆட்டத்தை முடிப்பார் என நினைத்தால், விரைவில் அவர் பெவிலியன் திரும்பியது ரசிகர்களுக்கு ஏமாற்றமே!

    22:19 (IST)06 Jul 2019

    லோகேஷ் ராகுல் அவுட்

    சதம் அடித்த பிறகு, 118 ரன்களில் 111 ரன்களில் எடுத்த லோகேஷ் ராகுல், மலிங்கா ஓவரில் கேட்சானார். இதில், 11 பவுண்டரிகளும், 1 சிக்ஸரும் அடங்கும். 

    22:08 (IST)06 Jul 2019

    Lokesh rahul 100* - லோகேஷ் ராகுல் சதம்

    இந்த உலகக் கோப்பையில் லோகேஷ் ராகுல் தனது முதல் சதத்தை பதிவு செய்திருக்கிறார். அவர் அரைசதம் அடித்ததில் இருந்து சதம் அடிப்பதற்குள் நாக்குத் தள்ளிப் போனது என்னவோ ரசிகர்களுக்கு தான். எனினும், இந்த சதம் லோகேஷ் ராகுலுக்கு நிச்சயம் ஒரு மெகா பூஸ்ட் என்பதில் சந்தேகமில்லை.

    22:04 (IST)06 Jul 2019

    Ind vs SL score - இரண்டே இரண்டு பவுண்டரி மட்டுமா?

    30.1வது ஓவரில், ரோஹித் ஷர்மா அவுட்டான பிறகு 38வது ஓவர் வரை, இந்திய அணி 2 பவுண்டரி மட்டுமே அடித்துள்ளது. 

    21:51 (IST)06 Jul 2019

    SL vs IND Live Cricket Score

    ரோஹித் அவுட்டான பிறகு, மீண்டும் இந்திய அணியின் ரன் ரேட் குறைந்திருக்கிறது. வர வர விராட் கோலி தனது அரைசதத்தை சதமாக்க தடுமாற, ரோஹித் தனது சதத்தை மிகப்பெரிய இன்னிங்சாக மாற்ற தடுமாறிக் கொண்டிருக்கிறார்.  

    21:45 (IST)06 Jul 2019

    Ind vs SL live - 202/1

    இந்திய அணி, 33 ஓவர்களில் ஒரு விக்கெட் இழப்பிற்கு 203 ரன்கள் எடுத்துள்ளது. ரோஹித்தைத் தொடர்ந்து, லோகேஷ் ராகுல் தனது சதத்தை பூர்த்தி செய்ய வெயிட்டிங். 

    அதுவும் உலகக் கோப்பையில் கன்னி சதம் பாஸ்...

    21:32 (IST)06 Jul 2019

    Rohit Sharma - ரோஹித் அவுட்

    94 பந்துகளில் 103 ரன்கள் விளாசிய ரோஹித் ஷர்மா, ரஜிதா ஓவரில் மேத்யூசிடம் கேட்ச் கொடுத்து வெளியேறினார். இதன் மூலம், இந்திய அணி 189 ரன்களில் தனது முதல் விக்கெட்டை இழந்திருக்கிறது. 

    21:23 (IST)06 Jul 2019

    Ind vs SL Live, Rohit 100* - ரோஹித் ஐந்தாவது சதம்

    2019 உலகக் கோப்பையில் தனது ஐந்தாவது சதத்தை விளாசி ரோஹித் ஷர்மா அசத்தி இருக்கிறார். உலகக் கோப்பையில் இதுவரை வேறு எந்த வீரரும் ஐந்து சதங்கள் அடித்ததில்லை என்பது குறிப்பிடத்தக்கது

    21:20 (IST)06 Jul 2019

    177-0

    28 ஓவர்கள் முடிவில், இந்திய அணி விக்கெட் இழப்பின்றி 177 ரன்கள் எடுத்துள்ளது. நடப்பு உலகக் கோப்பையில் தனது ஐந்தாவது சதத்தை நோக்கி ரோஹித் ஷர்மா ஆடி வருகிறார். 

    21:06 (IST)06 Jul 2019

    AUS v SA Live - திஸ் ஈஸ் ரியல் தென்னாப்பிரிக்கா

    எல்லாம் காலம் போன பிறகு தான் சுதாரிப்பார்கள் போல... ஆஸ்திரேலியாவுக்கு எதிரான போட்டியில் முதலில் பேட்டிங் செய்து வரும் தென்னாப்பிரிக்கா, 44 ஓவர்களில் 3 விக்கெட் இழப்பிற்கு 273 ரன்கள் எடுத்துள்ளது. கேப்டன் டு பிளசிஸ் சதம் விளாசியுள்ளார். 

    20:59 (IST)06 Jul 2019

    டிரெண்டாகும் #HappyBirthdayDhoni

    இந்திய ரசிகர்களின் மஹி, தமிழக ரசிகர்களின் 'தல' எனும் மகேந்திர சிங் தோனி நாளை தனது 38வது பிறந்தநாளை கொண்டாடுகிறார். இதற்கான ஹேஷ் டேக் இப்போதே ட்விட்டரில் டிரெண்டாக ஆரம்பித்துவிட்டது. 

    நாளைக்கு பாருங்க... சும்மா அதிரும்!!

    20:53 (IST)06 Jul 2019

    Lokesh Rahul 50 - வாவ் ராகுல்

    நாம் விமர்சனம் செய்தது லோகேஷ் ராகுலுக்கு கேட்டிருக்கும் போல.... டி சில்வாவின் 23வது ஓவரில் 2 பவுண்டரி, ஒரு சிக்ஸ் என அடுத்தடுத்து விளாசி, 67 பந்துகளில் அரைசதம் அடித்திருக்கிறார் ராகுல்.

    20:50 (IST)06 Jul 2019

    India vs Sri Lanka Live : சத்தியம் செய்து ஆடும் லோகேஷ் ராகுல்

    களம் எவ்வளவு எளிதாக இருந்தாலும், எதிரணி பவுலிங் எவ்வளவு வீக்காக இருந்தாலும், எனது ரன்களுக்கும், சந்திக்கும் பந்துகளுக்கு இடையேயான வித்தியாசம் 20 - 25 ரன்கள் இருந்தே தீரும் என கற்பூரத்தில் சத்தியம் செய்து ஆடி வருகிறார் லோகேஷ் ராகுல். 

    இந்தியா 22 ஓவர்கள் முடிவில் 120-2

    20:42 (IST)06 Jul 2019

    Rohit Sharma, Ind vs SL Live - நம்பர்.1 பேட்ஸ்மேன்

    பெரேராவின் 19.4வது பந்தில் பவுண்டரி அடித்ததன் மூலம், இந்த உலகக் கோப்பைத் தொடரில், அதிக ரன்கள் அடித்த வீரர்கள் பட்டியலில் ரோஹித் முதலிடம் பிடித்திருக்கிறார். முன்னதாக, வங்கதேசத்தின் ஷகிப் அல் ஹசன் 606 ரன்கள் அடித்திருந்த நிலையில், ரோஹித் அதனை கடந்திருக்கிறார். 

    சச்சினின் 673 ரன்கள் சாதனையை முறியடிப்பாரா?

    20:34 (IST)06 Jul 2019

    Ind vs SL Live Updates - 100 ரன்கள் பார்ட்னர்ஷிப்

    ரோஹித் - ராகுல் இணை 100 ரன்கள் பார்ட்னர்ஷிப் அடித்து அசத்தியுள்ளது. லோகேஷ் ராகுல் தனது ஸ்டிரைக் ரேட்டை குறைத்துக் கொண்டாலும், ரோஹித் அதிரடியாக ஆடி வருகிறார். 18.1வது ஓவரில், 100 ரன்களை எட்டியது இந்தியா. இத்தொடரில், ரோஹித் - ராகுல் ஜோடியின் மூன்றாவது 100 பார்ட்னர்ஷிப் இதுவாகும்.

    20:24 (IST)06 Jul 2019

    ரோஹித் 50

    துணை கேப்டன் ரோஹித் ஷர்மா, தனஞ்செயா டி சில்வா ஓவரில் இரண்டு சிக்ஸர்களை விளாசி, அரைசதம் அடித்துள்ளார். பெவிலியனில், ரோஹித்தின் மனைவி குழந்தையுடன் அந்த அரைசதத்தை கொண்டாட, ஒரே பீலிங் தான்...

    20:12 (IST)06 Jul 2019

    Ind vs SL, World cup Match Updates - 3 ஓவரில் 4 ரன்கள்

    6,7,8 ஆகிய இந்த மூன்று ஓவரிலும் மொத்தமாக இந்திய அணி 4 ரன்களே அடித்திருக்கிறது. இங்கு தான் இந்திய அணியின் ரன் ரேட் சரிந்தது. தவிர, மற்றொரு செய்தி, இந்த உலகக் கோப்பையில் அதிக மெய்டன் ஓவர்களை சந்தித்த வீரர் என்ற மோசமான பெருமையை லோகேஷ் ராகுல் பெற்றிருக்கிறார். 

    20:05 (IST)06 Jul 2019

    SL vs IND Live : 65-0

    11 ஓவர்கள் முடிவில் இந்திய அணி விக்கெட் இழப்பின்றி 65 ரன்கள் எடுத்துள்ளது. தொடக்கத்தில் எட்டுக்கும் மேல் எகிறிய ரன் ரேட், 6 ஓவர்களுக்கு மேல் குறைந்தது. எனினும், ரோஹித்திடமோ, ராகுலிடமோ பேட்டிங்கில் எந்த தடுமாற்றமும் இல்லை. 

    19:51 (IST)06 Jul 2019

    SL vs Ind Score - இந்தப் போட்டியின் முடிவால் இந்தியாவுக்கு என்ன பயன்?

    இலங்கையுடனான போட்டியின் முடிவால், இந்திய அணிக்கோ.. ஏன் இலங்கை அணிக்கு கூட எந்த பாதிப்பும் இல்லை. ஆனால், இப்போட்டியில் இந்தியா வென்று, ஆஸ்திரேலியா தென்னாப்பிரிக்காவிடம் தோற்றால், இந்தியா புள்ளிப்பட்டியலில் முதலிடம் பிடிக்கும். ஆஸி., இடம் இடத்திற்கு பின் தங்கும். இதனால், அரையிறுதியில் இந்திய அணி இங்கிலாந்தை சந்திப்பதை தவிர்க்க முடியும்.

    19:44 (IST)06 Jul 2019

    Ind vs SL Live - இந்தியா 50

    இந்திய அணி 6.5வது ஓவரில் 50 ரன்களைக் கடந்துள்ளது. ராகுல் 21 ரன்களுடனும், ரோஹித் 29 ரன்களுடனும் களத்தில் உள்ளனர். லசித் மலிங்கா, கசுன் ரஜிதா என இருவரது ஓவரிலும், இந்திய ஓப்பனர்கள் எந்தவித சிரமும் இன்றி ஆடி வருகின்றனர்.

    19:27 (IST)06 Jul 2019

    Ind vs SL Live Updates - ரோஹித்தை மிஞ்சும் ராகுல்

    வழக்கத்தைவிட லோகேஷ் ராகுல் ஆட்டத்தில் இன்று அதிரடியை காண முடிகிறது. மலிங்காவின் ஒரே ஓவரில் 2 பவுண்டரிகளை அடித்து, ரோஹித்தை விட வேகமாக சென்றுக் கொண்டிருக்கிறார். 

    இந்திய அணி 3 ஓவர்கள் முடிவில் 27-0

    19:12 (IST)06 Jul 2019

    IND vs SL Live : இந்திய ஓப்பனர்கள் களத்தில்..

    265 ரன்கள் இலக்கை நோக்கி, இந்திய அணி களமிறங்கியுள்ளது. கடந்த சில போட்டிகளாக, மலிங்கா அபாரமான டெலிவரிகளை டெலிவர் செய்து வரும் நிலையில், ராகுல் - ரோஹித் இணைக்கு நிச்சயம் அது அச்சுறுத்தலே!.

    18:45 (IST)06 Jul 2019

    Ind vs SL : 265 ரன்கள் இலக்கு

    55-4 என்ற மோசமான நிலையில் இருந்து மீண்டு வந்த இலங்கை, மேத்யூஸ் - திரிமன்னேவின் சிறப்பான பார்ட்னர்ஷிப் மற்றும் மேத்யூசின் சதம் ஆகியவற்றால், 50 ஓவர்கள் முடிவில், 7 விக்கெட் இழப்பிற்கு 264 ரன்கள் எடுத்துள்ளது.

    இந்திய அணி தரப்பில், பும்ரா 10 ஓவர்கள் வீசி 37 ரன்கள் விட்டுக் கொடுத்து 3 விக்கெட்டுகளை கைப்பற்றினார். 

    18:39 (IST)06 Jul 2019

    Ind vs SL Live : மேத்யூஸ், திசாரா அவுட்

    சதம் விளாசி ஆடிக் கொண்டிருந்த மேத்யூசை 113 ரன்களில் பும்ரா வெளியேற்ற, இறுதி ஓவரை வீசிய புவனேஷ், 2 ரன்களில் திசாரா பெரேராவை அவுட்டாக்கினார். ஹர்திக் பாண்ட்யாவின் அபாரமான கேட்சால், இந்த விக்கெட் சாத்தியமானது. பூஸ்ட் விளம்பரத்தில் சச்சின் ஓடி வந்து பிடிப்பாரே, 20 வருஷத்துக்கு முன்னாடி... அப்படித்தான்!!

    18:23 (IST)06 Jul 2019

    Ind vs SL Score - 240/5

    இப்படியொரு கம் பேக் இலங்கை கொடுக்கும் என நிச்சயம் யாரும் எதிர்பார்த்திருக்க முடியாது. 54 ரன்களுக்கு நான்கு விக்கெட்டுகள். ஆனால், அதன்பிறகு 46 ஓவர்கள் முடிவில், இலங்கை 240/5. மேத்யூஸ் மற்றும் திரிமன்னேவின் அபார ஆட்டம், இலங்கையின் தன்னம்பிக்கையை காட்டியது. இந்தியாவின் ஸ்பின் பலவீனத்தை வெளிச்சம் போட்டுக் காட்டியது.

    18:11 (IST)06 Jul 2019

    Mathews 100* - சதம் விளாசிய மேத்யூஸ்

    'கண் கெட்ட பிறகு சூரிய நமஸ்காரம்' என்பது போல, தொடரில் இருந்து வெளியேறி, உலகக் கோப்பையில் தங்களது கடைசி ஆட்டத்தை ஆடிக் கொண்டிருக்கும் இலங்கை அணியின் மேத்யூஸ், சதம் அடித்திருக்கிறார். 

    44 ஓவர்கள் முடிவில், இலங்கை 227-5

    18:03 (IST)06 Jul 2019

    Ind vs SL Score card - இது வேறயா???

    ஹர்திக் பாண்ட்யா வீசிய 41-வது ஓவரில், நான்காவது பந்து பவுன்ஸாக வர, அதனை மேத்யூஸ் அடிக்காமல் விட, பந்து தோனியின் கால்களுக்கு முன்பு பிட்ச் ஆகி, சற்று திசை மாறி பின்னே பவுண்டரிக்கு சென்றுவிட்டது. 

    தோனி, இப்படி மிஸ் செய்து பவுண்டரி செல்வதெல்லாம் அபூர்வம்.

    17:51 (IST)06 Jul 2019

    SL vs IND Live Match - சதம் நோக்கி மேத்யூஸ்

    விக்கெட்டுகள் ஒரு பக்கம் சரிந்தாலும், சரியா விட்டாலும் அபாரமாக இன்னிங்சை கடத்தி வருகிறார் ஏஞ்சலோ மேத்யூஸ். 80 ரன்களைக் கடந்து ஆடி வருகிறது. நிச்சயம் அவரிடம் இருந்து சதத்தை எதிர்பார்க்கலாம் என்பதில் சந்தேகமில்லை. 

    17:43 (IST)06 Jul 2019

    Ind vs SL Live Score - அடங்கப்பா.. கெளம்பு, கெளம்பு!!

    அரைசதம் அடித்து இந்திய அணியை நச்சரித்து, எச்சரித்துக் கொண்டிருந்த திரிமன்னே, 53 ரன்களில் குல்தீப் யாதவ் ஓவரில், ஜடேஜாவிடம் கேட்ச் கொடுத்து வெளியேறினார். ஐந்தாவது விக்கெட்டை இழந்தது இலங்கை

    500 ரூவாய்க்கு ஆடுனா இப்படித்தான்

    17:38 (IST)06 Jul 2019

    முன்பே சொன்ன ஐஇ தமிழ்

    திரிமன்னே - மேத்யூஸ் ஜோடி மிக முக்கியமான ஒன்று. அவர்கள் 20 - 25 ஓவர்கள் நின்றுவிட்டால், இலங்கை அதிகபட்சம் 270 ரன்கள் வரை அடிக்க வாய்ப்பு இருக்கிறது என்று, இலங்கை நான்காவது விக்கெட் இழந்த போது நாம் கூறினோம். நாம் சொன்ன பிறகு, 20 ஓவர்கள் தாண்டி இந்த பார்ட்னர்ஷிப் நின்றுவிட்டது. அதேபோல், இந்த கூட்டணி இணைந்து சதம் அடித்திருக்கிறது. 

    அப்போ நாம் சொன்ன 270 ஸ்கோர் வந்திடுமா?

    17:27 (IST)06 Jul 2019

    Angelo Mathews 50 - எதிர்பார்த்தது தானே!!

    இந்தியாவிடம் மட்டும் எப்போதும் அபாரமாக விளையாடும் மேத்யூஸ், இந்தியாவுக்கு எதிராக மற்றுமொரு அபாரமான இன்னிங்சை வெளிப்படுத்தி, அரைசதம் அடித்திருக்கிறார்.

    ஏன்யா இப்படி!!?

    17:15 (IST)06 Jul 2019

    Ind vs SL Updates - இப்போதாது எடுபடுமா?

    தனது முதல் ஸ்பெல்லில் 5 ஓவர்களை வீசிய புவனேஷ் குமார், விக்கெட் ஏதும் கைப்பற்றாமல் 36 ரன்கள் கொடுத்திருந்தார். இப்போது, 32வது ஓவரில், தனது இரண்டாவது ஸ்பெல்லை வீச வந்திருக்கும் புவனேஷ், இப்போதாவது டீசன்ட் பவுலிங் கொடுப்பாரா? குறிப்பாக, விக்கெட் கிடைக்குமா?

    17:06 (IST)06 Jul 2019

    Ind vs SL Live Updates : மாயங்க் அகர்வால் களத்தில்...

    கற்பனையே செய்து பார்த்திருக்க மாட்டார் இந்த மாயங்க் அகர்வால்... 2019 உலகக் கோப்பையில் நாம் பீல்டிங் செய்துக் கொண்டிருப்போம் என்று. விஜய் ஷங்கருக்கு பதிலாக அணியில் சேர்க்கப்பட்ட மாயங்க் அகர்வாலுக்கு, இலங்கைக்கு எதிரான போட்டியில் வாய்ப்பு கிடைக்கவில்லை என்றாலும், மாற்று வீரராக தற்போது பீல்டிங் செய்துக் கொண்டிருக்கிறார். 

    30 ஓவர்கள் முடிவில், இலங்கை 127 - 4

    16:57 (IST)06 Jul 2019

    Ind vs SL Cricket Match Score : இதைத் தான் எதிர்பார்த்தேன்

    யாரு நாங்க சும்மாவா... தோனி காலத்தில் இருந்தே, இந்திய அணி என்றால் குஷியாகி பேட்டிங் செய்யும் திரிமன்னே, மேத்யூஸ் ஆகியோர், இப்போது கோலி காலம் என்றாலும் விரைந்து அவுட்டாகாமல், எப்போதும் போல ரசித்து, ருசித்து ஆடி வருகின்றனர். 

    பார்ட்னர்ஷிப் 60 ரன்களைத் தாண்டி சென்றுக் கொண்டிருக்கிறது. 

    16:48 (IST)06 Jul 2019

    Ind vs SL Live Cricket - ஹய்யா.. பாட்டிமா வந்தாச்சு!!

    சாருலதா எனும் 87 வயது பாட்டி, கடந்த போட்டியில் நேரில் வந்து பீப்பி வைத்து ஊதிக் கொண்டு, இந்திய அணியை உற்சாகப்படுத்தினார். இதனால், போட்டி முடிந்த பிறகு கேப்டன் விராட் கோலி, ரோஹித் ஆகியோர் அவரை மைதானத்தில் நேரில் சந்தித்து வாழ்த்துப் பெற்றனர். அதேபோல், இன்றைய இலங்கைக்கு எதிரான போட்டியிலும், அந்த பாட்டிக்கு டிக்கெட் வாங்கிக் கொடுத்திருக்கிறார் கோலி. 

    16:38 (IST)06 Jul 2019

    Sri Lanka vs India Live : 5 பவுலர்கள் போதுமா?

    இந்தியா இன்று ஐந்து பவுலர்களைக் கொண்டு மட்டுமே களமிறங்கி இருக்கிறது. 

    பும்ரா, புவனேஸ்வர், பாண்ட்யா, குல்தீப், ஜடேஜா. 

    ஒவ்வொருவருக்கும் தலா 10 ஓவர்கள் என மொத்தம் 50 ஓவர்கள். இவர்களைத் தவிர வேறு யாருமே அணியில் பந்து வீசுபவர்கள் இல்லை. கோலி மட்டுமே அரிதாக வீசுவார். ஸோ, ஒரு பவுலருக்கு காயம் ஏற்பட்டு வெளியேறினால் கூட, யாரை பவுல் செய்ய வைப்பது? கேப்டன் கோலி எப்படி இதனை பேலன்ஸ் செய்வார்? இது லீக் போட்டி, இந்தியாவும் அரையிறுதிக்கு முன்னேறிவிட்டது என்பதால், பிரச்சனையில்லை. 

    அரையிறுதியில் இதே போன்று விளையாடினால் என்ன ஆவது நிலைமை?

    16:29 (IST)06 Jul 2019

    Ind vs SL, Rishabh pant - பண்ட்டு... இது சரி இல்லப்பா..

    17.1 வது பந்தை குல்தீப் வீச, திரிமன்னே அதை ஆன் சைடில் அடித்துவிட்டு, பாதி தூரம் ஓடி வந்துவிட்டார். அதை பண்ட் டைவ் அடித்து தடுத்தாலும், பந்தை தவறவிட, ஒரு எளிதான ரன் அவுட் மிஸ்ஸானது. தோனி உடனே தனது அதிருப்தியை களத்தில் வெளிப்படுத்தினார்.

    இருக்காதே பின்ன... தோனிக்கு பதில் ரிஷப் பண்ட் வேண்டும்-னு நிறைய கூவல்களை கேட்டதில் எவ்வளவு டென்ஷன் ஆகியிருப்பாரு!!

    16:17 (IST)06 Jul 2019

    Ind vs SL Live Updates : 62-4

    15 ஓவர்கள் முடிவில், இலங்கை நான்கு விக்கெட் இழப்பிற்கு 62 ரன்கள் எடுத்துள்ளது. அடுத்த விக்கெட் மீண்டும் ஜடேஜாவுக்கு கிடைக்கும் என எதிர்பார்க்கலாம். ஏனெனில், அவர் குறி வைப்பது வலது கை பேட்ஸ்மேனான ஏஞ்சலோ மேத்யூசுக்கு. திரிமன்னே இடது கை பேட்ஸ்மேன் என்பது கூடுதல் தகவல்.

    16:06 (IST)06 Jul 2019

    Ind vs SL Live Score Card : இனி நீங்க தான் காப்பாற்றணும்

    இலங்கை அணி நான்கு விக்கெட்டுகளை இழந்த பிறகு களத்தில் நிற்பது திரிமன்னே - மேத்யூஸ் ஜோடி.

    திரிமன்னே, கடந்த காலங்களில் இந்திய அணியை பல போட்டிகளில் மிரட்டியவர். மேத்யூஸ் சீனியர் பிளேயர். இலங்கைக்கு தோனி போன்று, தனது அனுபவத்தை பகிர்ந்து கொண்டிருக்கிறார்(?). இவர்கள் இருவரும், அடுத்த 20 - 25 ஓவர்களுக்கு களத்தில் நின்றால், இலங்கை 220 - 250 அடிக்க வாய்ப்புள்ளது. அதிகபட்சமாக, 270 செல்லக் கூட வாய்ப்புள்ளது. 

    பொறுத்திருந்து பார்ப்போம்.

    16:00 (IST)06 Jul 2019

    Avishka Fernando Out : நீயுமா....?

    சிறப்பாக இன்னிங்சை தொடக்கிய அவிஷ்கா பெர்னாண்டோ, ஹர்திக் பாண்ட்யாவின் ஸ்லோ பவுன்ஸ் பந்தில், எட்ஜ் ஆகி தோனியிடம் கேட்ச் கொடுத்து 20 ரன்களில் வெளியேறினார். 

    ஓவருக்கு ஒரு விக்கெட் போய்க் கொண்டிருக்கிறது. 

    15:54 (IST)06 Jul 2019

    Ravindra Jadeja :தோனி இருக்கும் போதே இறங்கி வரலாமா?

    நீண்ட போராட்டத்திற்கு பிறகு, அணியில் இடம் பிடித்த ரவீந்திர ஜடேஜா, தனது முதல் ஓவரிலேயே விக்கெட்டை கைப்பற்றி இருக்கிறார். ஜடேஜா ஓவரில் கிரீஸை விட்டு இறங்கி வந்து ஃபிளிக் செய்ய குசல் மெண்டிஸ் முயல, பந்து தோனி கைகளில் சென்று உட்கார்ந்து கொண்டது. அப்புறம் சொல்ல வேண்டுமா??

    15:51 (IST)06 Jul 2019

    Ind vs SL Live : 10 ஓவர்களில்...

    10 ஓவர்கள் முடிவில், இலங்கை அணி 10 ஓவர்கள் முடிவில் 2 விக்கெட் இழப்பிற்கு 52 ரன்கள் எடுத்துள்ளது. 

    குசல் மெண்டிஸ், அவிஷ்கா பெர்னாண்டோ களத்தில்...

    15:48 (IST)06 Jul 2019

    Avishka Fernando : பும்ரா ஓவருலேயே இப்படியா?

    வெஸ்ட் இண்டீசுக்கு எதிரான போட்டியில் சதம் அடித்த 21 வயதான இளைஞன் அவிஷ்கா பெர்னாண்டோ. நேர்த்தியான ஷார்ட்களை பயமறியாமல் அடிப்பதே இவரது டிஸைன். பும்ராவின் பந்துகளில் அடுத்தடுத்து இரு பவுண்டரிகளை பறக்க விட்டிருப்பதே இதற்கு உதாரணம். அதிலும் ஒரு பந்து ஷாரட் பால். அப்போ பார்த்துக்கோங்க!!

    Promising SL Talent என்று இவரைச் சொல்லலாம். சதம் அடித்ததற்காக மட்டுமல்ல, அதை தைரியமாக அடித்ததற்காக....

    15:41 (IST)06 Jul 2019

    Kusal Perera Out : இடதுசாரிகள் சரிவு

    ஜஸ்ப்ரித் பும்ரா ஓவரில், மற்றொரு இடது கை பேட்ஸ்மேனான குசல் பெரேரா இன்சைட் எட்ஜ் ஆகி 18 ரன்களில் கீப்பர் கேட்ச் ஆனார். இலங்கையின் தொடக்க வீரர்கள் இருவரும் காலி.

    15:32 (IST)06 Jul 2019

    Ind vs SL Live Match - கோட்டைசாமி குல்தீப்

    புவனேஷ் குமார் ஓவரில், இலங்கை வீரர்கள் ரன்கள் அதிகம் சேகரித்துக் கொண்டிருக்க, அவரது ஓவரில் தலைக்கு மேல் குசல் பெரேரா தூக்கி அடிக்க, பாண்ட்யாவும், குல்தீப்பும் கேட்சை நோக்கி ஓடி, ஒருத்தரை ஒருத்தர் முட்டிக் கொள்ள, குல்தீப் தனது கைகளில் வாங்கி அந்த கேட்சை கோட்டைவிட்டு, கோட்டை சாமியானார். 

    15:25 (IST)06 Jul 2019

    Jasprit Bumrah : பும்ராவின் 100வது விக்கெட்

    இலங்கை கேப்டனின் விக்கெட்டை கைப்பற்றியதன் மூலம், பும்ரா தனது 100வது  விக்கெட்டை வீழ்த்தி இருக்கிறார். 57வது போட்டியில் பும்ரா, தனது 100வது விக்கெட்டை வீழ்த்தி இருக்கிறார். இதன் மூலம், குறைந்த போட்டியில் 100வது விக்கெட் வீழ்த்திய இந்திய பவுலர்கள் வரிசையில், பும்ரா இரண்டாம் இடம் பெற்றுள்ளார். 

    முகமது ஷமி - 56 போட்டிகள்

    பும்ரா - 57 போட்டிகள்

    இர்பான் பதான் - 59 போட்டிகள்

    ஜாகிர் கான் - 65

    அஜித் அகர்கர் - 67

    ஜவகல் ஸ்ரீநாத் - 68

    15:17 (IST)06 Jul 2019

    Karunaratne Out : முதல் விக்கெட்

    இலங்கை, தனது முதல் விக்கெட்டை இழந்திருக்கிறது. கேப்டன் டிமுத் கருணரத்னே 10 ரன்களில், பும்ரா ஓவரில் தோனியிடம் கேட்ச் கொடுத்து வெளியேறினார். பந்து தான் ஷார்ட்டா வெளியே போகுதல... அதை ஏன் தொடணும்? அட போங்க ப்ரோ...

    15:11 (IST)06 Jul 2019

    IND vs SL Live Cricket - மெய்டனுடன் தொடக்கிய பும்ரா

    புவனேஷ் குமாரின் முதல் ஓவரில் 5 ரன்கள் சென்றாலும், பும்ராவின் ஷார்ட் லென்த், குட் லென்த் பந்துகளில் கருணரத்னே 6 பந்துகளையும் நேர்கொண்ட பார்வையில் கவனிக்க, முதல் ஓவர் மெய்டன்.

    15:03 (IST)06 Jul 2019

    Ind vs SL Live : இலங்கை ஓப்பனர்ஸ் களத்தில்

    இலங்கை அணியின் தொடக்க வீரர்களாக குசல் பெரேரா டிமுத் கருணரத்னே களமிறங்கியுள்ளனர். இந்திய அணியின் புவனேஷ் குமார், பும்ரா பவுலிங் அட்டாக்கில்... 

    14:38 (IST)06 Jul 2019

    Ind vs SL, Indian Team Playing XI - இந்திய அணியில் இரு மாற்றம்!

    இந்திய அணியில் இரு முக்கிய மாற்றங்கள் செய்யப்பட்டுள்ளன.

    விராட் கோலி(c), ரோஹித் ஷர்மா, லோகேஷ் ராகுல், எம்.எஸ்.தோனி(w), ரிஷப் பண்ட், தினேஷ் கார்த்திக், ஹர்திக் பாண்ட்யா, ரவீந்திர ஜடேஜா, புவனேஷ் குமார், குல்தீப் யாதவ், ஜஸ்ப்ரித் பும்ரா

    14:34 (IST)06 Jul 2019

    Ind vs SL Toss : இலங்கை பேட்டிங்

    இலங்கை அணி டாஸ் வென்று பேட்டிங்கை தேர்வு செய்துள்ளது. 

    14:29 (IST)06 Jul 2019

    India vs Sri Lanka Match Live : இன்னும் சிறிது நேரத்தில் டாஸ்

    இந்திய நேரப்படி, 2.30 மணிக்கு டாஸ் போடப்படுகிறது. இந்திய அணி சில மாற்றங்கள் இருக்கும் என எதிர்பார்க்கப்படுகிறது. குறிப்பாக, ரவீந்திர ஜடேஜாவுக்கு இப்போட்டியில் ஆட வாய்ப்பு கிடைக்கலாம் என்று தெரிகிறது.

    14:26 (IST)06 Jul 2019

    Ind vs SL Live Match - வணக்கம் மச்சான்ஸ்!!

    நமீதாவோட மச்சான் வார்த்தையை இப்போது, பிக் பாஸ் மூலம் கவின் பிரபலப்படுத்த, நாலு வயசு வண்டு கூட மச்சான்-ங்குது!! சரி, அது ஒரு பக்கம் இருக்கட்டும். இந்தியா, இலங்கை மோதும் இறுதி லீக் போட்டியின் லைவ் கமெண்ட்ரிக்காக உங்களை வரவேற்பது நான் உங்கள் Anbarasan Gnanamani

    World Cup
    Advertisment

    Stay updated with the latest news headlines and all the latest Lifestyle news. Download Indian Express Tamil App - Android or iOS.

    Follow us:
    Advertisment