Advertisment

'நோ பால்' சர்ச்சையுடன் உலகின் தலைசிறந்த இரு டெத் பவுலர்களால் வென்ற மும்பை!

IPL 2019 RCB vs MI Match 7: மும்பை இந்தியன்ஸ் வெற்றி

author-image
Anbarasan Gnanamani
புதுப்பிக்கப்பட்டது
New Update
MI vs RCB Live Score, RCB vs MI Live Match

MI vs RCB Live Score, RCB vs MI Live Match

Mumbai Indians vs Royal Challengers: ஐபிஎல் 2019 தொடரில், இன்று நடைபெற்ற ஆட்டத்தில் மும்பை இந்தியன்ஸ் அணியும், பெங்களூரு ராயல் சேலஞ்சர்ஸ் அணியும் மோதின. இதில், மும்பை 6 ரன்கள் வித்தியாசத்தில் த்ரில் வெற்றிப் பெற்றது.

Advertisment

 

Live Blog

Live IPL 2019 Match 7: MI vs RCB Live Score Updates



























Highlights

    00:07 (IST)29 Mar 2019

    அம்பயர்கள் கண்களை திறந்து வைத்திருந்திருக்க வேண்டும் - கோலி ஆவேசம்

    தோல்வி குறித்து பேட்டியளித்த பெங்களூரு கேப்டன் கோலி, "நாம் ஐபிஎல் லெவல் கிரிக்கெட்டில் ஆடி வருகிறோம். இங்கு அம்பயர்கள் கண்களை திறந்து வைத்திருந்திருக்க வேண்டும். இவ்வளவு பெரிய நோ பாலை எப்படி அம்பயர்கள் கவனிக்காமல் விட்டார்கள் என தெரியவில்லை" என்று தனது ஆதங்கத்தை பதிவு செய்தார்,

    00:02 (IST)29 Mar 2019

    'நோ பால்' சர்ச்சை

    கடைசி ஓவரின் கடைசி பந்தில் வெற்றிக்கு 7 ரன்கள் தேவை. லசித் மலிங்கா வீசிய அந்த ஓவரில், கடைசி பந்தில் சிக்ஸ் அடிக்க முடியாமல் போக,  6 ரன்கள் வித்தியாசத்தில் மும்பை வென்றது. ஆனால், பிறகு தான் தெரிந்தது கடைசி பந்து நோ-பால் என்று.... அதுவும் மலிங்கா வீசியது மிகப்பெரிய நோ-பால். அம்பயர்கள் அதை கவனித்து இருந்ததால், முடிவு எப்படி வேண்டுமானாலும் மாறியிருக்கலாம்.

    23:52 (IST)28 Mar 2019

    மும்பை த்ரில் வெற்றி

    உலகில் தலை சிறந்த இரு டெத் பவுலர்களான மலிங்கா மற்றும் பும்ராவால் மும்பை அணி கடைசி ஓவரில், அதுவும் டி வில்லியர்சை நிற்க வைத்து வெற்றிப் பெற்றது

    23:51 (IST)28 Mar 2019

    19.6

    ரன்கள் ஓடவில்லை

    23:49 (IST)28 Mar 2019

    19.5

    ஒரு ரன் - டி வில்லியர்ஸ்

    23:48 (IST)28 Mar 2019

    19.4

    ஒரு ரன் - துபே

    23:47 (IST)28 Mar 2019

    19.3

    ஒரு ரன் - டி வில்லியர்ஸ்

    23:46 (IST)28 Mar 2019

    19.2

    ஒரு ரன் - துபே (பும்ரா கேட்ச் டிராப்)

    23:45 (IST)28 Mar 2019

    19.1

    சிக்ஸ் - அடித்தது துபே

    23:44 (IST)28 Mar 2019

    பெஸ்ட் நம்பர்.1 பவுலர்

    19வது ஓவரை வீசிய பும்ரா, வெறும் 5 ரன்களே விட்டுக் கொடுக்க, கடைசி ஓவரில் வெற்றிக்கு 17 ரன்கள் தேவை

    23:41 (IST)28 Mar 2019

    டி கிராண்ட்ஹோம் அவுட்!

    பும்ரா ஓவரில் பேரு லென்த்தா இருக்கு.. அதனால ஹோம் அவுட்! 2 ரன்களில்.... பெங்களூருவின் கடைசி நம்பிக்கையாக டி வில்லியர்ஸ்

    23:37 (IST)28 Mar 2019

    பாண்ட்யாவை பிரித்து மேய்ந்த ஏபிடி

    பாண்ட்யா ஓவரில் அடுத்தடுத்து இரண்டு சிக்ஸ்ர்கள் விளாசிய ஏ பி டி வில்லியர்ஸ், ஒட்டுமொத்த மும்பை கேலரியையும் அதிர வைத்துள்ளார். 

    23:28 (IST)28 Mar 2019

    டி வில்லியர்ஸ் 50

    31 பந்துகளில் மிஸ்டர்.360 டிகிரி இந்த சீசனின் முதல் அரைசதம் விளாசினார். கமான் ஏ பி டி...

    23:26 (IST)28 Mar 2019

    ஹெட்மயர் அவுட்

    பும்ராவின் விக்கெட் பசிக்கு ஹெட்மயர் 5 ரன்களில் பலியானார். யோவ்.. கணிப்பு கண்ணாயிரம், பெங்களூரு ஜெயிச்சிடும் சொன்ன... என்னயா வரிசையா விக்கெட் விழுது!!?

    23:25 (IST)28 Mar 2019

    பேக் டூ பேக் சிக்ஸ்

    மலிங்கா ஓவரில் அடுத்தடுத்து இரு சிக்ஸர்களை அதிரவிட்டு டி வில்லியர்ஸ் படம் ஓட்ட, நொந்து போனார் மலிங்கா.... பெவிலியனில் அமர்ந்திருந்த சச்சினும் கூட...

    23:14 (IST)28 Mar 2019

    விராட் கோலி 5000*

    விராட் கோலி 5000 ஐபிஎல் ரன்கள்

    1K: 45 இன்னிங்ஸ்  (2011)

    2K: 79 இன்னிங்ஸ் (2013)

    3K: 110 இன்னிங்ஸ் (2015)

    4K: 128 இன்னிங்ஸ் (2016)

    5K: 157 இன்னிங்ஸ் (2019) *

    23:09 (IST)28 Mar 2019

    பும்ராவிடம் வீழ்ந்த சீக்கு!!

    32 பந்துகளில் 46 ரன்கள் விளாசியிருந்த கிங் கோலி, பும்ராவின் பவுன்ஸ் பந்தில் கேட்ச் ஆனார். கடைசி-ல உங்கள கிண்டல் பண்ணவன் ஓவரிலேயே அவுட்டாகிட்டீங்களே கிங்கு!! 

    23:06 (IST)28 Mar 2019

    கணிப்பு கண்ணாயிரம்

    இப்போதுள்ள நிலைமைக்கு பெங்களூரு தான் வெற்றிப் பெறும்

    ஆர் சி பி - 65%

    எம்.ஐ - 35%

    சரிங்கோ!!

    23:02 (IST)28 Mar 2019

    சிக்ஸ்...

    யார் திணற்ரா? தம்பி... நா டி வில்லியர்ஸ்....

    மலிங்கா ஓவரில், லெக் சைடில் சிக்ஸ் விளாசிய ஏ பி டி...

    22:54 (IST)28 Mar 2019

    திணறிய டி வில்லியர்ஸ்

    மாயங்க் மார்கண்டே ஓவரில் தொடர்ந்து டி வில்லியர்ஸ் திணறினார். ஆனால், அவரது 10.4வது சிக்ஸருக்கு அனுப்பி தனது இழந்த ஃபார்மை மீட்டெடுத்தார் என நம்பலாம். 

    22:44 (IST)28 Mar 2019

    டி வில்லியர்ஸ் களத்தில்...

    சாப்ட்டு வர்றதுக்குள்ள படேலை பட்டுன்னு போல்டாக்கி அனுப்பி இருக்கார் மாயங் மார்கண்டே... 31 பந்துகளில் பார்த்திவ் படேல் அவுட்! தொடர்ந்து பலத்த கரகோஷத்திற்கு இடையே டி வில்லியர்ஸ் களத்தில்... 

    22:35 (IST)28 Mar 2019

    கணிப்பு கண்ணாயிரம்

    அண்ணே... வாங்கண்ணே!!

    என்ன! மரியாதை பலமா இருக்கு?

    நீங்க சொன்ன டார்கெட் மும்பைக்கு பலிச்சிடுச்சி... அதாண்ணே!! இன்னைக்கு யாருண்ணே ஜெயிப்பா?

    பெங்களூரு ஜெயிக்கத் தான் அதிக வாய்ப்பிருக்கு... 75% வின்னிங் சான்ஸ்

    22:26 (IST)28 Mar 2019

    சீக்கு-வா நானு? இந்தா வாங்கிக்கோ!!

    மொயின் அலி விக்கெட் விழுந்த அதே பும்ரா ஓவரில் களமிறங்கிய கேப்டன் விராட் கோலி, ஹாட்ரிக் பவுண்டரி அடிக்க, சின்னசாமி ஸ்டேடியம் பெரிதாய் அதிர்ந்தது. ஐபிஎல் புரமோ வீடியோவில், கோலியை 'சீக்கு' என பும்ரா கிண்டல் செய்ய, 'என்னயவா கிண்டல் பண்ற?'... 'உனக்கு நான் தயவு காட்ட மாட்டேன்' என கோலி சொன்னது இப்போ நினைவுக்கு வருது!

    22:23 (IST)28 Mar 2019

    அடக்கடவுளே...

    என்னங்கயா... சொல்லி முடிக்குறதுக்குள்ள அலியை ரன் அவுட் ஆக்கிட்டீங்க? 7 பந்துகளில் 13 ரன்கள் அடித்த மொயின் அலி, மும்பை கேப்டன் ஹிட்-மேனால் ரன் அவுட் ஆக்கப்பட்டார். ஹிட் மேன் இல்லையா... அதான் கரெக்டா ஹிட் பண்ணிட்டார்!

    22:21 (IST)28 Mar 2019

    நாம் 'மெயின்' அலி டா..

    மெக்லீனகன் வீசிய மூன்றாவது ஓவரில் 1 சிக்ஸ், 2 பவுண்டரி உட்பட 17 ரன்கள் விளாசப்பட்டது. அதில் மொயின் அலி 5வது பந்தில் பவுண்டரி, கடைசி பந்தில் சிக்ஸ் விளாச ஆட்டம் களைக்கட்டியது.

    22:15 (IST)28 Mar 2019

    வெல்கம் மலிங்கா...

    ஆலோசகராக இருந்து மீண்டும் மும்பை அணியின் பவுலராக களம் திரும்பிய லசித் மலிங்கா, தனது முதல் ஓவரில், 3 ரன்கள் மட்டுமே கொடுத்தார். மும்பை இந்தியன்ஸ் டீம் அவ்வளோ வீக்காவ போச்சு!!? பயிற்சி கொடுத்தவரை மீண்டும் டீமுக்கு கொண்டு வந்து இருக்காய்ங்க..!

    22:04 (IST)28 Mar 2019

    சொந்த மண்ணில் சேஸ் செய்யுமா ஆர்சிபி?

    மும்பை அடித்த 187 ரன்களை, உள்ளூர் ரசிகர்கள் முன்பு சேஸ் செய்து வெற்றிப் பெறுமா கோலி படை? களத்தில் பார்த்திவ் படேல், மொயீன் அலி!!

    22:00 (IST)28 Mar 2019

    Purple Cap வென்ற சாஹல்

    சத்தியமா சொல்லு.. நீயா வா விக்கெட் எடுத்த? இன்னைக்கு உன் ஓவர்-ல அவுட்டான யுவராஜ், பொல்லார்ட், சூர்யகுமார்-னு மூணு பேரும் சிக்ஸ் அடிக்க நினைச்சு, சிக்ஸ் லைன்-ல கேட்ச் ஆனவங்க... பேசாம நீயே இந்த கேப் வேண்டாம்னு திருப்பி கொடுத்துடு...

    21:57 (IST)28 Mar 2019

    கணிப்பு கண்ணாயிரம்... கங்கிராட்ஸ்!!

    யோவ் கணிப்பு கண்ணாயிரம்... பரவாயில்லையா... மும்பை 195-8 அடிக்கும்-னு Predict சொன்ன... 187-8 வந்திருக்கு... நீ அடிச்சுவிட்டது ஓரளவுக்கு மேட்ச் ஆகிடுச்சுயா...

    கணிப்பு பலிக்குல-னா திட்டுறது, பலிச்சா அடிச்சுவிட்டது-னு சொல்றது... போப்பா...

    கோச்சிக்காத கணிப்பு... கையக் குடு முதல்ல...

    21:51 (IST)28 Mar 2019

    Out Of The Stadium

    முகமது சிராஜ் வீசிய 19.5வது பந்தில், ஹர்திக் பாண்ட்யா அடித்த சிக்ஸ், மேற்கூரையின் மேல் சென்று விழுந்தது. ஹர்திக்கின் அதிரடி ஆட்டத்தால், மும்பை 8 விக்கெட் இழப்பிற்கு 187 ரன்கள் குவித்தது. 

    21:45 (IST)28 Mar 2019

    ரன் ரேட்டை உயர்த்திய ஹர்திக்

    நான் இன்னும் களத்தில் இருக்குறேண்டா என்று உரக்கச் சொல்லி இருக்கிறார் ஹர்திக் பாண்ட்யா. சைனி வீசிய 19வது ஓவரில் ஒரு சிக்ஸ், பவுண்டரி அடித்து, ரன் ரேட்டை ஏற்றியுள்ளார். 

    21:33 (IST)28 Mar 2019

    சரியும் மும்பை! 152-7

    க்ருனாலை தொடர்ந்து, மெக்லீனகன் சிராஜ் ஓவரில் இன்சைட் எட்ஜ் ஆகி போல்டானார். மும்பை 195 அடிக்கும்-னு சொன்ன அந்த கணிப்பு கண்ணாயிரம் எங்க? வலை வீசி தேடிக்கிட்டு இருக்கேன்.

    21:27 (IST)28 Mar 2019

    க்ருனால் அவுட்!

    உமேஷ் ஓவரில், நவ்தீப் சைனியின் அபார கேட்சால் க்ருனால் பாண்ட்யா அவுட்... கொஞ்சம் மிஸ்ஸாகி இருந்தாலும், சிக்ஸ்... நல்லா அடிச்சுக்கிட்டு இருந்த டீமு, நாசமா போச்சு!

    21:25 (IST)28 Mar 2019

    ஈசல் எப்படி பிடிப்பாய்ங்க தெரியுமா?

    பேப்பரில் எண்ணைய்யை தடவி ஈசல் புடிக்குற மாதிரி, இந்த சாஹல் ஓவருல அடிக்க ஆசைப்பட்டு, எல்லா பேட்ஸ்மேனும் சிக்குறாய்ங்க... யுவராஜ், சூர்ய குமார், இப்போ பொல்லார்ட்... 5 ரன்னில் சிக்ஸ் லைனில் கேட்ச் கொடுத்து பொல்லார்ட் அவுட்!

    21:21 (IST)28 Mar 2019

    கணிப்பு கண்ணாயிரம்

    என்ன கணிப்பு... இவ்ளோ லேட்டு? சரி... Prediction சொல்லு...

    யுவராஜ் சிங் என் எண்ணத்தை எல்லாம் சுக்குநூறாக்கிட்டார். ஸோ, நான் நினைத்ததைவிட, மும்பை கூட அடிக்கும்-னு நினைக்கிறேன். 

    சரி..எவ்ளோ அடிக்கும் சொல்லு...

    195-8?

    21:19 (IST)28 Mar 2019

    குட்டி டி வில்லியர்ஸ் அவுட்!

    சாஹல் ஓவரில் சிறப்பாக ஆடிக் கொண்டிருந்த சூர்ய குமார் யாதவ், 38 ரன்களில் கேட்ச் ஆனார். மும்பை 142/4

    21:10 (IST)28 Mar 2019

    90's கிட்ஸ்-ஐ கண் கலங்க வைத்த யுவி

    சாஹல் வீசிய 14வது ஓவரில் ஹாட்ரிக் சிக்ஸர்கள் விலாசியா, நான்காவது சிக்ஸர் அடிக்க முயலும் போது சிக்ஸ் லைனில் சிராஜால் கேட்ச் செய்யப்பட்டார். நான்காவது பந்து பறந்து கொண்டிருந்த போது, ஒவ்வொரு 90-ஸ் கிட்ஸுக்கும் 2007ல் பிராட் ஓவரில் ஹாட்ரிக் சிக்ஸ் அடித்த யுவராஜ் தான் கண் முன்னே வந்தார். 

    20:59 (IST)28 Mar 2019

    களத்தில் யுவி

    கடந்த போட்டியில் அரைசதம் அடித்த யுவராஜ் சிங், தற்போது களத்தில்....

    ம்ம்ம்...நீங்க-லாம் எங்க இருக்க வேண்டிய ஆளு!! என்னத்த சொல்ல...

    20:53 (IST)28 Mar 2019

    ரோஹித் அவுட்!

    மும்பை கேப்டன் ரோஹித் ஷர்மா 48 ரன்களில் அவுட்.... உமேஷ் யாதவின் ஒரு லென்த் டெலிவரியில், ஒரு அலட்சிய ஷாட் அடித்து சிராஜ் கைகளில் பந்தை கொடுத்துவிட்டு வெளியேறினார்.

    20:48 (IST)28 Mar 2019

    குட்டி டி வில்லியர்ஸ் யார் தெரியுமா?

    மும்பைக்காக தற்போது களமிறங்கி இருக்கும் சூர்யகுமார் யாதவ் கொல்கத்தா நைட் ரைடர்ஸ் அணியில் பல காலம் ஆடியவர். அவரிடம் இல்லாத ஷாட்களே இல்லை. வெரைட்டி காட்டி அசரடிப்பார் மனுஷன். இந்தியாவின் குட்டி டி வில்லியர்ஸ் என்று கூட அவரை சொல்லலாம். ஆனால், விதி அவரால் பெரிய அளவில் ஜொலிக்க முடியவில்லை. உத்தப்பாவின் வாழ்க்கையிலாவது இந்திய அணியில் ஆடிய பிறகு, விதி அவர் வாழ்க்கையில் ஆடியது. இவரது கேஸில், ம்ஹூம்!!.

    20:36 (IST)28 Mar 2019

    ஒரு கதை சொல்லட்டுமா சார்?

    அன்று 2009...

    ஐபிஎல்-ல் ரோஹித் ஷர்மா எப்போது பிரபலம் அடைந்தார் தெரியுமா? 2009... டெக்கான் சார்ஜர்ஸ் அணி கொல்கத்தா நைட் ரைடர்ஸ் அணியின் 161 ரன்கள் டார்கெட்டை துரத்தி ஆடிக் கொண்டிருந்தது. கடைசி ஓவரில் வெற்றிக்கு 21 ரன்கள் தேவை... பந்து வீசுவது மஷ்ரஃபே மோர்டசா... அந்த ஓவரில், N4 L1 1 6 Wd 2 4 6 என்று தனி ஆளாக ரோஹித் பொளந்து கட்ட த்ரில் வெற்றிப் பெற்றது டெக்கான்.

    போட்டி முடிந்த பிறகு டெக்கான் சார்ஜர்ஸ் கேப்டன் கில்கிறிஸ்ட் சொன்ன வார்த்தைகள் இவை... "வருங்காலத்தில் இந்த இளைஞன் இந்திய அணியின் மிகப்பெரிய வீரராக உருவாகி நிற்பான்"

    இன்று 2019...

    3 முறை சாம்பியன் கப் வென்ற மும்பை அணியின் கேப்டன் ரோஹித்

    20:33 (IST)28 Mar 2019

    டி காக் அவுட்!

    சாஹல் ஓவரில் ரிவர்ஸ் ஸ்வீப் அடிக்க முயன்ற டி காக் 23 ரன்களில் போல்ட் ஆனார். தல, இது குட்டி கிரவுண்ட் தல... நீ நேரா நின்னு அடிச்சாலே பந்து போயிடும்... இதுல எதுக்கு ரிவர்ஸ் கீர்-லாம் போடுற.... போச்சா!!

    20:25 (IST)28 Mar 2019

    43-0

    5 ஓவர்கள் முடிவில், மும்பை விக்கெட் இழப்பின்றி 43 ரன்கள்

    20:17 (IST)28 Mar 2019

    சிக்ஸ்!

    சைனி ஓவரில், ரோஹித் ஒரு ஹியூஜ் சிக்ஸ்! இந்த டச் மிக அபாயகரமானது. விராட் நீங்கள் உண்மையில் மிக சீரியஸாக ரோஹித்தை கையாள வேண்டிய நேரமிது. ரோஹித்தின் இந்த டச் அவரது நம்பிக்கையை அப்பட்டமாக காட்டுகிறது...

    20:14 (IST)28 Mar 2019

    மும்பையின் ஆதிக்க தொடக்கம்!

    மும்பை இந்தியன்ஸ் அணி 9 - 10 ரன் ரேட் விகிதத்திலேயே இன்னிங்சை தொடங்கியுள்ளது. 8 ஓவர்கள் வரை, இது தொடர்ந்தால், 200 ரன்களுக்கு மேல் அவர்கள் அடிப்பதை யாராலும் தடுக்க முடியாது.. விராட் உஷார்!

    20:10 (IST)28 Mar 2019

    128, 137, 145, 147, 150, 145

    இந்திய பவுலர் நவ்தீப் சைனி என்பவர் தற்போது ரோஹித்துக்கு வீசிய ஓவரின் வேகம் இது... 150ல் ஒரு இந்திய பவுலர் பந்து வீசுகிறார். கமெண்டரியில் கூட அதைப் பற்றி யாரும் பேசவில்லை. 

    20:04 (IST)28 Mar 2019

    ரோஹித் மட்டும் நின்னுட்டா?

    ரோஹித்தை பொறுத்தவரை களத்தில் அவர் 15 ஓவர் நிலைத்துவிட்டாலே போதும், மும்பையின் வெற்றி 90 சதவிகிதம் அங்கேயே உறுதி செய்யப்பட்டுவிடும்...

    ஏன், கோலி சேஸிங்குல 15 ஓவர் வரை நின்னுட்டா பெங்களூர் ஜெயிக்காதா-னு குதர்க்கமான கேள்வி-லாம் கேட்கக் கூடாது.

    19:57 (IST)28 Mar 2019

    கணிப்பு கண்ணாயிரம்

    வாங்கோ.... வாங்கோ Mr.கணிப்பு.. அப்புறம் ஊருல மழை பெய்யுதா? குளம், குட்டையில தண்ணி கிடக்குதா?

    மண்டைய வெயில் பொளந்துக்கிட்டு இருக்கு... மழை பெய்யுதா-வாம்?

    கோச்சிக்காதீங்க கணிப்பு... அப்புறம், என்ன இந்த பக்கம்... ஓ... Prediction சொல்ல வந்தீரோ..? சொல்லுமய்யா..

    இன்னைக்கு, பெங்களூரு தான் ஜெயிக்கும். பாரு...

    ஓகே கணிப்பு... நீங்க சொல்லிட்டீங்க-ல.... கதை முடிஞ்சா மாதிரி தான்...

    யாரு கதை?

    பார்க்கத் தானே போறீரு!!

    19:48 (IST)28 Mar 2019

    பெங்களூரு பிளேயிங் XI

    விராட் கோலி, பார்த்திவ் படேல், மொயீன் அலி, டி வில்லியர்ஸ், ஷிம்ரோன் ஹெட்மயர், ஷிவம் துபே, கோலின் டி கிரான்ட்ஹோம், நவ்தீப் சைனி, யுவேந்திர சாஹல், உமேஷ் யாதவ், முகமது சிராஜ்

    19:45 (IST)28 Mar 2019

    ஆச்சர்யம் அளிக்கும் மும்பை பிளேயிங் XI

    ரோஹித் ஷர்மா, டி காக், சூர்யகுமார் யாதவ், யுவ்ராஜ் சிங், கீரன் பொல்லார்ட், ஹர்திக் பாண்ட்யா, க்ருனால் பாண்ட்யா, மிட்சல் மெக்லீனகன், லசித் மலிங்கா, மாயன்க் மார்கண்டே, ஜஸ்ப்ரித் பும்ரா

    19:34 (IST)28 Mar 2019

    மும்பை பேட்டிங்

    டாஸ் வென்ற பெங்களூரு கேப்டன் விராட் கோலி பவுலிங்கை தேர்வு செய்துள்ளார். சின்னசாமி ஸ்டேடியத்தின் பவுண்டரி எல்லைகள் மிகச் சிறியது. ஸோ, இன்னைக்கு ஒரு மெகா பேட்டிங் விருந்து காத்திருக்கிறது எனலாம்.

    19:25 (IST)28 Mar 2019

    தமிழ் ராக்கர்ஸில் ஐபிஎல்?

    தமிழ் ராக்கர்ஸில் ஐபிஎல் 2019 தொடர் சட்டத்திற்கு புறம்பாக ஒளிபரப்பப்படுவதாக தகவல் வெளியாகியுள்ளது. அது குறித்த முழு தகவலும் படிக்க இங்கே க்ளிக் செய்யவும்

    19:20 (IST)28 Mar 2019

    கம் பேக் மலிங்கா....

    அது என்னமோ தெரியல, கடந்த சீசன்-ல பவுலிங் ஆலோசகரா இருந்த, லசித் மலிங்காவை மீண்டும் அணிக்காக விளையாட மும்பை இந்தியன்ஸ் அழைத்திருக்கிறது. இதனால், இன்று அவர் விளையாடுவாரா என்ற எதிர்பார்ப்பு நிலவுகிறது.

    18:54 (IST)28 Mar 2019

    மும்பை வாலாஸ்...

    டெல்லிக்கு எதிரான முதல் போட்டியில், மும்பை இந்தியன்ஸ் முரட்டுத் தனமாக அடி வாங்கியது. அதிலும், ரிஷப் பண்ட்டிடம் சிக்கி சின்னாபின்னமானார்கள் மும்பை பவுலர்கள். அவர்களிடம் பிரச்சனை என்று பெரிதாக ஒன்றுமில்லை. தொடக்கத்தில் ரோஹித் சிறப்பாக ஆடினால், மற்றவை எல்லாம் தானாகவே சரியாகிவிடும். 

    18:33 (IST)28 Mar 2019

    பெங்களூரு டீமில் என்ன தான் பிரச்சனை?

    பெங்களூரை பொறுத்தவரை அவங்ககிட்ட என்ன பிரச்சனை-னு அவங்களுக்கும் தெரியல... நமக்கும் தெரியல... ஆனா, ஒன்னு புரியுது.. ஒவ்வொரு முறையும், இதுதான் எங்களது சிறந்த Balanced டீம்-னு விராட் சொல்லி, அவரே அவரை ஏமாத்திக்குறார்.... அவங்க டீம் பேலன்ஸ்ட்-ஆக இல்லை என்பதே உண்மை. பேட்டிங்கை நம்பி மட்டுமே இயங்கி வருகிறது. நமக்கு தெரிந்த வரையில், தோல்விக்கு அதுவே காரணம். மற்றபடி, விராட்டின் கேப்டன்ஷிப்பை குறை சொல்வது பேத்தல்.... 

    18:16 (IST)28 Mar 2019

    விராட்டியன்ஸ் மற்றும் ஹிட் மேன் ரசிகர்களே!!

    ஹாய், ஹலோ, வணக்கம்.... இன்னைக்கு ஒரு செம மேட்ச் நமக்காக காத்திருக்கிறது. தளபதி விராட் கோலியும், ஹிட்மேன் ரோஹித் ஷர்மாவும் நேருக்கு நேர் மோதப் போகிறார்கள். மேட்ச் பற்றிய உடனுக்குடன் அப்டேட், ஸ்கோர்போர்ட் மற்றும் சுவாரஸ்ய தகவல்களுடன் உங்களுக்காக ஐஇ தமிழ் வழங்கும் பிரத்யேக கிரிக்கெட் லைவ் இதோ! அப்புறம், நம்ம கணிப்பு கண்ணாயிரமும் Prediction சொல்ல காத்திருக்கிறார். தப்பா சொன்னா, மூஞ்சுலயே குத்துவோம்...

    Ipl Mi Vs Rcb
    Advertisment

    Stay updated with the latest news headlines and all the latest Lifestyle news. Download Indian Express Tamil App - Android or iOS.

    Follow us:
    Advertisment