டேவிஸ் கோப்பை டென்னிஸ்: லியாண்டர் பயஸ் புதிய உலக சாதனை!

டேவிஸ் கோப்பை டென்னிஸ் போட்டியின் இரட்டையர் பிரிவில் அதிக வெற்றிகள் பெற்று லியாண்டர் பயஸ் புதிய சாதனை படைத்துள்ளார்

டேவிஸ் கோப்பை டென்னிஸ் போட்டியின் இரட்டையர் பிரிவில் அதிக வெற்றிகள் பெற்று லியாண்டர் பயஸ் புதிய சாதனை படைத்துள்ளார்.

தியான்ஜின் நகரில் இந்தியா- சீனா அணிகளுக்கு இடையிலான டேவிஸ் கோப்பை டென்னிஸ் போட்டி நடந்து வருகிறது. போட்டியின் முதல் இரண்டு சுற்றுகளில் நடந்த ஒற்றையர் ஆட்டத்தில் இந்தியா 0-2 என சீனாவிடம் தோல்வி கண்டது.

இந்தநிலையில், இன்று நடைபெற்ற இரட்டையர் ஆட்டத்தில் லியாண்டர் பயஸ் – ரோகன்போபண்ணா ஜோடி சீனாவின் மயோ-ஷின் கோங் – டி வு ஜோடியை எதிர்கொண்டது. இதில் சீன இணை மோ க்ஸின் காங்- ஸி ஜாங்கை 5-7 7-6(5) 7-6(3) என்ற இந்திய இணை வென்றது. இதனால் இந்திய அணிக்கு ஒரு புள்ளி கிடைத்துள்ளது. இந்த போட்டியின் முடிவில் சீனா 2-1 என முன்னிலை வகிக்கிறது.

டேவிஸ் கோப்பையின் இரட்டையர் பிரிவில் பயஸ் இதுவரை 42 வெற்றிகள் பெற்றிருந்தார். இத்தாலியின் நிக்கோலா பைடிரன்கேலியின் சாதனையுடன் சமநிலையில் இருந்தார். இன்றைய வெற்றியின் மூலம் நிக்கோலா சாதனையை முறியடித்து, பயஸ் புதிய சாதனைப் படைத்துள்ளார். லியாண்டர் பயஸ் 1990-ம் ஆண்டு முதல் முதலாக டேவிஸ் கோப்பையில் தனது பயணத்தை தொடங்கியது குறிப்பிடத்தக்கது.

Get all the Latest Tamil News and Tamil Nadu News at Indian Express Tamil. You can also catch all the latest Tamil Sports News by following us on Twitter and Facebook

×Close
×Close