Advertisment

வீடியோ: செல்ஃபி எடுக்க மறுத்த பிருத்வி ஷா: நண்பரின் காரை அடித்து நொறுக்கிய மர்ம கும்பல்

மும்பையில் உள்ள ஐந்து நட்சத்திர ஹோட்டலில் இந்திய கிரிக்கெட் வீரர் பிருத்வி ஷா செல்ஃபி எடுக்க மறுத்ததால், அவரது நண்பரின் காரை 8 பேர் கொண்ட குழு சரமாறியாக தாக்கினர்.

author-image
WebDesk
New Update
Prithvi Shaw Attacked For Denying Selfie Tamil News

The Oshiwara police in north west Mumbai has booked eight people for attacking Shaw's friend's car outside a five-star hotel in Mumbai.

Prithvi Shaw Tamil News: மும்பையில் உள்ள ஐந்து நட்சத்திர ஹோட்டலுக்கு வெளியே பிருத்வி ஷாவின் நண்பரின் கார் மீது தாக்குதல் நடத்தியதற்காக 8 பேர் மீது வடமேற்கு மும்பையில் உள்ள ஓஷிவாரா போலீஸார் வழக்குப் பதிவு செய்துள்ளனர். பிருத்வி ஷாவின் நண்பர் ஆஷிஷ் சுரேந்திர யாதவ் அளித்த புகாரின்படி, குற்றம் சாட்டப்பட்டவர்கள் காரைப் பின்தொடர்ந்து பணம் கொடுக்கவில்லை என்றால் பொய் வழக்குகளை போடுவதாக மிரட்டியுள்ளனர்.

Advertisment

பிருத்வி ஷா, வடமேற்கு மும்பையில் உள்ள சாண்டாக்ரூஸில் உள்ள ஒரு ஐந்து நட்சத்திர ஹோட்டலுக்கு இரவு உணவிற்குச் சென்றிருந்தார். அப்போது அடையாளம் தெரியாத மர்ம நபர்கள் அவர்களிடம் வந்து செல்ஃபி எடுக்க வற்புறுத்தினர். அவரின் இரண்டு பேரை செல்ஃபி எடுக்க கட்டாயப்படுத்தினார், ஆனால் அதே குழு திரும்பி வந்து குற்றம் சாட்டப்பட்ட மற்றவருடன் செல்பி கேட்டது.

Prithvi Shaw Attacked For Denying Selfie Tamil News

பிருத்வி ஷா

இந்த முறை பிருத்வி ஷா மறுத்துவிட்டார். அவர்கள் வற்புறுத்தியதால், பிருத்வி ஷாவின் நண்பர் உணவக மேலாளரை அழைத்து அவர்கள் மீது புகார் செய்தார். குற்றம் சாட்டப்பட்டவர்களை ஹோட்டலை விட்டு வெளியேறுமாறு மேலாளர் கேட்டுக் கொண்டார். இந்த சம்பவம் அவர்களுக்கு கோபத்தை ஏற்படுத்தியது, இரவு உணவு முடிந்து பிருத்வி ஷாவும் அவரது நண்பரும் ஹோட்டலில் இருந்து வெளியே வந்தபோது, ​​சிலர் பேஸ்பால் பேட்களுடன் ஹோட்டலுக்கு வெளியே நின்று கொண்டிருந்தனர்.

குற்றம் சாட்டப்பட்டவர்கள் பேஸ்பால் மட்டைகளை பயன்படுத்தி வாகனத்தின் முன் மற்றும் பின் கண்ணாடிகளை உடைத்ததால் பிருத்வி ஷாவின் நண்பரின் கார் சேதப்படுத்தப்பட்டது. இந்த சம்பவம் குறித்து விசாரணை நடத்தி வருவதாக போலீசார் தெரிவித்தனர். "இந்திய தண்டனைச் சட்டம் 384, 143, 148, 149, 427, 504 மற்றும் 506 ஆகிய பிரிவுகளின் கீழ் வழக்குப் பதிவு செய்யப்பட்டுள்ளது" என்று அதிகாரி ஒருவர் கூறியுள்ளார்.

தமிழ்  இந்தியன்  எக்ஸ்பிரஸின்  அனைத்துசெய்திகளையும்உடனுக்குடன்  டெலிகிராம்  ஆப்பில்  பெற https://t.me/ietamil

Sports Cricket Indian Cricket Team Indian Cricket Mumbai Prithvi Shaw
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment