திருவள்ளூர் வீரன்ஸுக்கு எதிராக அதிரடி ஆட்டம்: 6-வது வெற்றியை ருசித்தது தூத்துக்குடி

திருவள்ளூர் வீரன்ஸுக்கு எதிராக அதிரடி ஆட்டத்தை வெளிப்படுத்திய நடப்பு சாம்பியனான தூத்துக்குடி பேட்ரியாட்ஸ் அணி, தனது 6-வது வெற்றியை பதிவு செய்துள்ளது.

திருவள்ளூர் வீரன்ஸுக்கு எதிராக அதிரடி ஆட்டத்தை வெளிப்படுத்திய நடப்பு சாம்பியனான தூத்துக்குடி பேட்ரியாட்ஸ் அணி, தனது 6-வது வெற்றியை பதிவு செய்துள்ளது.

இரண்டாவது தமிழ்நாடு பிரிமீயர் லீக் 20 ஓவர் கிரிக்கெட் போட்டி கடந்த 22-ம் தேதி முதல் தொடங்கி நடைபெற்று வருகிறது. இதில், நடப்பு சாம்பியன் தூத்துக்குடி பேட்ரியாட்ஸ், சேப்பாக் சூப்பர் கில்லீஸ், திண்டுக்கல் டிராகன்ஸ், திருவள்ளூர் வீரன்ஸ், திருச்சி வாரியர்ஸ், காரைக்குடி காளை, மதுரை சூப்பர் ஜெயன்ட், கோவை கிங்ஸ் ஆகிய 8 அணிகள் பங்கேற்றுள்ளன. எட்டு அணிகளும் தலா ஒரு முறை லீக் போட்டிகளில் வேண்டும். லீக் போட்டிகளில் முதல் நான்கு இடங்களை பிடிக்கும் அணிகள் பிளே-ஆஃப் சுற்றுக்கு முன்னேறும்.

இந்நிலையில், நேற்று நடைபெற்ற லீக் போட்டியில் நடப்பு சாம்பியன் தூத்துக்குடி அணியும், திருவள்ளூர் வீரன்ஸ் அணியும் மோதின. டாஸ் வென்று முதலில் பேட் செய்த திருவள்ளூர் அணி, 20 ஓவர்களில் 4 விக்கெட்டுகள் இழப்புக்கு 165 ரன்கள் எடுத்தது. தூத்துக்குடி தரப்பில் கணேஷ் மூர்த்தி 2 விக்கெட்டுகளும், வாஷிங்டன் சுந்தர், ஆகாஷ் சும்ரா தலா ஒரு விக்கெட்டும் கைப்பற்றினர்.

166 ரன்கள் எடுத்தால் வெற்றி என்ற இலக்குடன் அடுத்து களமிறங்கிய தூத்துக்குடி அணி, தொடக்கம் முதலே ஆதிக்கம் செலுத்தியது. இறுதியில், 19.1 ஓவர்களில் 4 விக்கெட்டுகள் இழப்புக்கு 171 ரன்கள் குவித்து 6 விக்கெட் வித்தியாசத்தில் தூத்துக்குடி அணி அபார வெற்றி பெற்றது. இதுவரை தோல்வியே சந்திக்காத தூத்துக்குடி அணி தொடர்ச்சியாக தனது 6-வது வெற்றியை பதிவு செய்துள்ளது என்பது குறிப்பிடத்தக்கது.

Get all the Latest Tamil News and Tamil Nadu News at Indian Express Tamil. You can also catch all the latest Tamil Sports News by following us on Twitter and Facebook

×Close
×Close