நடந்து முடிந்த மகளிர் டி20 உலகக் கோப்பை கிரிக்கெட்டில், இந்திய அணி நிகழ்த்திய சாதனை என்பது அவ்வளவு எளிதில் ரசிகர்கள் மறக்க முடியாத ஒன்று. லீக் போட்டிகளில் ஆஸ்திரேலியா உட்பட அனைத்து அணிகளையும் வீழ்த்தி, தோல்வியே சந்திக்காத அணியாக வலம் வந்த ஹர்மன்ப்ரீத் கவுர் தலைமையிலான இந்திய அணி, இறுதிப் போட்டியில் ஆஸ்திரேலியாவிடம் தோற்று கோப்பையை பறிகொடுத்தது. இதற்காக வீராங்கனைகள் நிச்சயம் அவமானம் கொள்ளத் தேவையில்லை. அவர்கள் காட்டிய வீரம், துணிச்சல் அபாரமானவை.
டோக்கியோ ஒலிம்பிக்ஸ்: எட்டு வருடங்கள் கழித்து எட்டு பாக்ஸர்கள் தகுதி!
இவை அனைத்திற்கும் பின்னால் இருந்து இயங்கியவர் இந்திய மகளிர் அணியின் பயிற்சியாளர் டபிள்யூ வி ராமன். ஷஃபாலி வெர்மா போன்ற இளம் வீராங்கனையின் துடிப்பை, ஆக்ரோஷத்தை களத்திற்கு கொண்டு வந்ததில் , முதல் காரணமாக திகழ்ந்தவர்.
8, 2020
இதுகுறித்து டபிள்யூவி ராமனை நெருக்கமான இருந்து கவனித்து வரும் முன்னாள் வீரர் தீப் தாஸ் குப்தா கூறுகையில், "அவர் (ராமன்) ஒரு அபாரமான பயிற்சியாளர். அவர் எப்போது அணிக்கு பின்னால் இருந்து தான் இயங்குவார். உங்களுக்காக அவர் எப்போதும் களத்தில் இருப்பார். டெக்னிக்கலாக அவர் மிகவும் வலிமையானவர். ஆனால், நீங்கள் அவர் தேவை என்று நினைத்தால் தான் அவர் வருவார்.
அவர் எப்போதும் அதிகமாக பேசமாட்டார். ஏனெனில் அவர் ஒரு சப்போர்ட் ஸ்டாஃப். பயிற்சி குறித்த முழு ஆலோசனைகளையும் வழங்குவார். ஆனால், அவர் கொடுக்கும் ஊக்கம் என்பது, நீங்கள் தனி ஆள் இல்லை என்ற உத்வேகத்தை கொடுக்கும். தவிர, நீங்கள் உங்களை வெளிப்படுத்த அவர் போதுமான சுதந்திரமும் கொடுப்பார்" என்றார்.
"நான் அவரிடமிருந்து கற்றுக்கொண்ட ஒரு விஷயம் என்னவென்றால், உங்கள் திறமையும் செயல்திறனும் மாறுபடலாம், ஆனால் ஒழுக்கம் என்பதில் காம்ப்ரமைஸ் இருக்கவே கூடாது."
/tamil-ie/media/media_files/uploads/2020/03/a1626-300x200.jpg "publive-image")
ஒரு மோசமான நேரத்தில் இந்திய மகளிர் அணிக்கு ராமன் பொறுப்பேற்றார். 2018 உலக டி20 தொடர் அரையிறுதியில் இந்தியா, இங்கிலாந்திடம் தோற்ற பிறகு, ஆடும் லெவன் அணியில் இருந்து விலகிய பின்னர், மிதாலி ராஜ் அப்போதைய பெண்கள் அணி பயிற்சியாளர் ரமேஷ் பவார் மீது குற்றம் சாட்டினார். அவர் தனது எதிர்ப்பை ஒரு கடிதம் மூலமாகவும் பி.சி.சி.ஐக்கு அனுப்பினார்.
பெங்கால் மகளிர் கிரிக்கெட் அணியின் பயிற்சியாளராக இருக்கும் முன்னாள் வேகப்பந்து வீச்சாளர் ஷிப் ஷங்கர் பால் கூறுகையில், "முதலில், நுட்பம் மற்றும் திறன் அடிப்படையில் வீரர்களின் பலம் மற்றும் பலவீனங்களை நீங்கள் முழுமையாக அறிந்திருக்க வேண்டும். போட்டி இருக்கும் நாளில், நீங்கள் டிரெஸ்சிங் அறைக்குள் நுழைய முடியாது. நீங்கள் எதையும் தெரிவிக்க அல்லது விவாதிக்க விரும்பினால், நீங்கள் சொல்ல விரும்புவது பற்றி வீரர்களுக்கு தெரிவிக்க வேறு யாரையாவது அனுப்ப வேண்டும். இது விளையாட்டு ஒருங்கிணைப்பை பாதிக்கும். உங்கள் தகவல்தொடர்பு திறன்கள் உயர்தரமாக இருக்க வேண்டும். நான் சில இந்திய வீராங்கனைகளுடன் (உலகக் கோப்பைக்கு முன்பு) உரையாடினேன், அவர்கள் ராமனின் நிர்வாகத்தைப் பற்றி அதிகம் பேசினார்கள். அணி உணர்வை வளர்ப்பதற்கான அவரது வழிமுறைகளால் வீராங்கனைகள் ஈர்க்கப்பட்டனர்" என்று பால் இந்த ஆய்வறிக்கையில் கூறுகிறார்.
8, 2020
ஷிப் ஷங்கர் பால் கூட ராமனின் பயிற்சியின் கீழ் விளையாடினார்.
முன்னாள் இந்திய வேகப்பந்து வீச்சாளர் லக்ஷ்மிபதி பாலாஜி கூறுகையில், "நான் (2006-07) காலக்கட்டத்தில் காயத்தால் அவதிப்பட்ட போது, நான் மீண்டும் களத்திற்கு திரும்ப ஒரு கிரிக்கெட் வீரரைக் கையாண்டார். நான் மீண்டும் கிரிக்கெட்டுக்குள் நுழைவேனா என்ற மிகவும் சந்தேகத்திற்குரிய தருணத்தில் நான் இருந்தேன். மிகவும் மன அழுத்தத்தில் இருந்தேன். ஆனால், ராமன் சார் இதில் மிகப்பெரிய பங்கு வகித்தார். எனக்கு முதுகுவலி எலும்பு முறிவு ஏற்பட்டது, நான் அறுவை சிகிச்சைக்கு செல்ல வேண்டுமா என்று நாங்கள் நிறைய விவாதித்தோம். இறுதியில், நான் ஒரு அறுவை சிகிச்சைக்குச் சென்றேன். அந்த கட்டத்தில், அவர் என்னை விட சவாலை ஏற்க மிகவும் ஆர்வமாக இருந்தார்" என்று பாலாஜி நினைவு கூர்ந்தார்.
2006-07 ஆம் ஆண்டில், விளையாட்டு மருத்துவம் மற்றும் அதனுடன் இணைக்கப்பட்ட முக்கியத்துவம் ஆகியவை இந்திய கிரிக்கெட்டில் இப்போது இல்லை. காயம் மேலாண்மை மற்றும் மீட்பு அடிப்படையில் எந்த தரவும் கிடைக்கவில்லை. “அவர் (ராமன்) அவரது நேரத்தை விட மிகவும் முன்னால் இருந்தார். இப்போது நாம் பயோ மெக்கானிக்ஸ் பற்றி பேசுகிறோம். ராமன் சார் அந்தக் காலகட்டத்தில் பயோ மெக்கானிக்ஸ் பற்றிப் பேசியது எனக்கு நினைவிருக்கிறது. அந்த நாட்களில் அவரை மட்டும் தான் என்னால் நம்ப முடிந்தது" என்று பாலாஜி கூறுகிறார்.
லோ ஆர்டர் திமிர் ரிட்டர்ன்ஸ்! - இந்தியா vs தென்.,ஆ தொடரின் ரெட்டை விரல் எதிர்பார்ப்பு
ராமன் தமிழக பயிற்சியாளராக 2006 முதல் நான்கு சீசன்களில் பணியாற்றினார். ராமனின் பயிற்சியின் கீழ், ரவிச்சந்திரன் அஷ்வின் மற்றும் முரளி விஜய் ஆகியோர் பிரபலமான இந்திய வீரர்களாக உருவெடுத்தனர்.
"அவர் பயிற்சியாளராக பொறுப்பேற்றபோது, அவர் கடந்த காலத்திலிருந்து மாற்றங்களைக் கொண்டுவந்தது மட்டுமல்லாமல், அவர் வளர்த்த சில வீரர்களின் எதிர்காலத்தையும் மாற்றினார். இந்தியாவுக்காக விளையாடிய இளம் வீரர்களுக்கு அவர் வாய்ப்புகளை வழங்கினார். ராமன் சார் பயிற்சியாளராக பொறுப்பேற்றபோது முரளி விஜய் மற்றும் அஸ்வின் ஆகியோர் மிகவும் இளம் வீரர்களாக இருந்தனர். அவர்கள் அனைவரும் அவருக்கு ஏதாவது கடன்பட்டிருக்கிறார்கள் என்று நான் நினைக்கிறேன்" என்று பாலாஜி மேலும் கூறுகிறார். (உலகக் கோப்பை) இறுதிப் போட்டியின் முடிவைப் பொருட்படுத்தாமல், அவர் இந்திய மகளிர் அணியுடன் ஒரு சிறந்த வேலையைச் செய்து வருகிறார்." என்றார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/03/a1627.jpg)