10-வது பெண்கள் உலக குத்துச்சண்டை சாம்பியன்ஷிப் போட்டி டெல்லியில் நடந்து வருகிறது.
அதில் 48 கிலோ எடைப்பிரிவுக்காக நடைபெற்ற இறுதிப் போட்டியில் இந்தியாவின் மேரிகோம், உக்ரைனின் ஹன்னா ஒகோட்டோவை எதிர் கொண்டார். இந்த போட்டியில் சிறப்பாக செயல்பட்ட மேரி கோம், 5-0 என்ற கணக்கில் உக்ரைன் வீரர் ஹன்னா ஒகோட்டோவை வீழ்த்தினார். இதன்மூலம் உலக குத்துச்சண்டை போட்டியில் 6-வது தங்கப் பதக்கத்தை கைப்பற்றி அசத்தியுள்ளார்.
35 வயதாகும் மேரி கோம் உலக சாம்பியன்ஷிப்ஸ் தொடரில், 7-வது பதக்கத்தை வென்றுள்ளார். ஏற்கனவே, 2010-ல் தங்கப்பதக்கம் வென்ற மேரி கோம் ஐந்து தங்கம், ஒரு வெள்ளி பதக்கம் வென்றுள்ளார். தற்போது, மீண்டும் ஆறாவது முறையாக மேரி கோம் தங்கப் பதக்கத்தை கைப்பற்றியுள்ளார்.
Photos Credit: Renuka Puri
மேரி கோமை அடுத்து மற்றொரு இந்திய வீராங்கனை சோனியா, 57 கிலோ எடைப்பிரிவில் இறுதி போட்டியில் முதல் முறையாக இறுதிக்கு நுழைந்த ஜெர்மன் வீராங்கனை ஆர்னெலா வாஹ்னரைச் சந்திக்கிறார்.