மு.க.ஸ்டாலின் முன்னிலையில் பதவிப் பிரமாணம் செய்து கொண்ட 13 எம்.எல்.ஏக்கள்!

13 DMK MLAs : கடந்த ஏப்ரல் 18ம் தேதி மற்றும் மே 19ம் தேதி தமிழகத்தில் 22 தொகுதிகளுக்கான இடைத்தேர்தல்கள் நடத்தப்பட்டது. அதன் முடிவுகள் மே 23ம் தேதி அறிவிக்கப்பட்டன. திமுகவினர் 13 தொகுதிகளில் வெற்றி பெற்றனர். அதிமுகவினர் 9 தொகுதிகளில்  வெற்றி பெற்றனர்.

’கழக தலைவர் @mkstalin அவர்களிடம், தமிழ்நாடு சட்டப்பேரவை இடைத்தேர்தலில் வெற்றிபெற்ற கழக சட்டமன்ற உறுப்பினர்கள் வாழ்த்து பெற்றனர்’

இடம்: சென்னை, அண்ணா அறிவாலயம்.#DMK4TN pic.twitter.com/HC7UF1EGRA

— DMK (@arivalayam) 28 May 2019

13 DMK MLAs List

பெரம்பூர், திருப்போரூர், குடியாத்தம், ஆம்பூர், ஓசூர், திருவாரூர், தஞ்சை, ஆண்டிபட்டி, பெரியகுளம், பூந்தமல்லி, அரவக்குறிச்சி, திருப்பரங்குன்றம், ஒட்டப்பிடாரம் உள்ளிட்ட

உள்ளிட்ட தொகுதிகளில் வெற்றி பெற்ற 13 உறுப்பினர்கள் இன்று எம்.எல்.ஏக்களாக பதவிப் பிரமாணம் செய்து கொண்டனர்.

இன்று காலையில் திமுக தலைவர் முக ஸ்டாலினுடன் அறிவாலயத்தில் இருந்து தலைமைச்  செயலகம் சென்ற அவர்கள், சபாநாயகர் தனபால் அறையில் பதவி ஏற்றுக் கொண்டனர். திமுக நிர்வாகிகள் பலர் முக ஸ்டாலினுடன் அங்கிருந்தனர்.

தமிழ்நாடு சட்டப்பேரவை இடைத்தேர்தலில் வெற்றிபெற்ற திமுக சட்டமன்ற உறுப்பினர்களுக்கு மாண்புமிகு சபாநாயகர் தனபால் அவர்கள் பதவி பிரமாணம் செய்து வைத்தார்.

கழக தலைவர் @mkstalin அவர்கள் மற்றும் மூத்த நிர்வாகிகள் நிகழ்ச்சியில் பங்கேற்பு.

இடம்: தலைமைச் செயலகம், சென்னை.#DMK4TN pic.twitter.com/QKE3rxMBKV

— DMK (@arivalayam) 28 May 2019

20 இடங்களைக் கைப்பற்றினால் ஆட்சி மாற்றம் அமையலாம் என்று எண்ணியிருந்த திமுகவிற்கு இந்த முடிவுகள் சற்று ஏமாற்றத்தை அளித்தாலும், நாடாளுமன்ற தேர்தலில் தேனி தொகுதியைத் தவிர்த்து 37 தொகுதிகளில் வெற்றி வாகை சூடியுள்ளனர் திமுகவினர்.

நாளை மீதம் உள்ள 9 தொகுதிகளில் தேர்வு செய்யப்பட்ட அதிமுக உறுப்பினர்கள் எம்.எல்.ஏக்களாக பதவி ஏற்கின்றனர். தமிழக சட்டப்பேரவை ஜூன் மாதம் இரண்டாம் வாரம் கூடுகிறது என்பது குறிப்பிடத்தக்கது.

இந்த நிகழ்வின் போது எடுக்கப்பட்ட புகைப்படங்கள்