/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/03/New-Project-2020-03-07T180820.561.jpg)
DMK General Secretary K Anbazhagan Dies At 97 In Chennai Updates : உடல்நல குறைவின் காரணமாக சென்னை ஆஸ்பத்திரியில் சிகிச்சை பெற்று வந்த தி.மு.க. பொதுச்செயலாளர் பேராசிரியர் க.அன்பழகன் நேற்று இரவு மரணம் அடைந்தார். அவருக்கு வயது 97.
தி.மு.க. தொண்டர்களால் ‘பேராசிரியர்’ என்று அழைக்கப்பட்ட க.அன்பழகன், முதுமையின் காரணமாக உடல்நிலை பாதிக்கப்பட்டு சென்னை கீழ்ப்பாக்கத்தில் உள்ள தனது இல்லத்திலேயே ஓய்வு எடுத்து வந்தார். வீட்டிலேயே அவருக்கு சிகிச்சை அளிக்கப்பட்டது.
இந்தநிலையில் கடந்த மாதம் 24-ம்தேதி அவருக்கு திடீரென்று மூச்சுத்திணறல் ஏற்பட்டது. சென்னை கிரீம்ஸ் சாலையில் உள்ள அப்பல்லோ ஆஸ்பத்திரியில் தீவிர சிகிச்சை பிரிவில் அவர் அனுமதிக்கப்பட்டார். நேற்று மாலை மருத்துவமனை சென்று அன்பழகனின் உடல்நலம் விசாரித்துவிட்டு செய்தியாளர்களிடம் பேசிய ஸ்டாலின், வயது முதிர்வின் காரணமாக அவருக்கு அளிக்கப்படும் சிகிச்சை பலன் அளிக்க முடியாத நிலையில் இருப்பதாகவும் தெரிவித்தார்.
இதைத் தொடர்ந்து, நள்ளிரவு 1.10 மணி அளவில் அன்பழகன் மரணம் அடைந்தார். துக்கம் தாங்காமல் மு.க.ஸ்டாலின் கண்ணீர் விட்டு அழ, ஏராளமான தி.மு.க. தொண்டர்கள் மருத்துவமனையில் திரண்டனர். அதனை தொடர்ந்து க.அன்பழகனின் உடல் கீழ்ப்பாக்கத்தில் உள்ள அவரது வீட்டிற்கு ஆம்புலன்ஸ் மூலம் கொண்டு செல்லப்பட்டது. அங்கு அவரது உடல் பொதுமக்கள் அஞ்சலிக்காக வைக்கப்பட்டுள்ளது. தி.மு.க. நிர்வாகிகள், அரசியல் கட்சி தலைவர்கள், சினிமா பிரபலங்கள் ஆகியோர் அன்பழகனுக்கு இறுதி அஞ்சலி செலுத்தி வருகின்றனர்.
Live Blog
DMK General Secretary K.Aanbazhagan Dies Updates : திமுகவினரால் ' இனமான பேராசிரியர்' என்று அழைக்கப்படும் பொதுச் செயலாளர் க.அன்பழகன் உடல் நலக்குறைவால் காலமானார்.
தமிழக ஆளுநர் பன்வாரிலால் புரோஹித் தெரிவித்துள்ள இரங்கல் செய்தியில், “மூத்த அரசியல்வாதியான பேராசிரியர் அன்பழகனின் மறைவு வருத்தமளிக்கிறது; தமிழகத்தின் வளர்சிக்காக அன்பழகன் ஆற்றிய பணிகளை மறக்க முடியாது; அவரின் மறைவு தமிழகத்திற்கும், திமுகவிற்கும் பேரிழப்பு!” என்று தெரிவித்துள்ளார்.
திமுக பொதுச் செயலாளர் க.அன்பழகனின் இறுதி ஊர்வலம் அவருடைய இல்லத்தில் இருந்து கீழ்ப்பாக்கம் இடுக்காட்டை நோக்கி நடந்துவருகிறது. இறுதி ஊர்வலம் வேலங்காடு பகுதியை அடைந்தது. இறுதி ஊர்வலத்தில் திமுக தலைவர் மு.க.ஸ்டாலின், திமுக பொருளாளர் துரைமுருகன், முன்னாள் அமைச்சர்கள், பொன்முடி, எ.வ.வேலு, திமுக எம்.பி.க்கள் ஆ.ராசா, திருச்சி சிவா, தயாநிதிமாறன், கனிமொழி, இளைனஜ்ர் அணி செயலாளர் உதயநிதி ஸ்டாலின் உள்பட ஆயிரக்கணக்கான பொதுமக்கள் பங்கேற்று வருகின்றனர்
திமுக பொதுச்செயலாளர் க.அன்பழகனின் மறைவுக்கு பாஜக வெளியிட்டுள்ள இரங்கல் செய்தியில், திமுக பொதுச்செயலாளர் க.அன்பழகனின் மறைவு தமிழகத்திற்கும், தமிழக அரசியலுக்கும் பேரிழப்பு. கண்ணியம், மென்மை, கொள்கையில் பற்று போன்றவற்றை, அன்பழகனிடம் ஒவ்வொருவரும் கற்றுக்கொள்ள வேண்டும் என்று தெரிவித்துள்ளது.
திமுக பொதுச் செயலாளர் க.அன்பழகனின் இறுதி ஊர்வலம் அவருடைய இல்லத்தில் இருந்து கீழ்ப்பாக்கம் இடுக்காட்டை நோக்கி நடந்துவருகிறது. இறுதி ஊர்வலம் நியூ ஆவடி சாலையை அடைந்தது. இறுதி ஊர்வலத்தில் திமுக தலைவர் மு.க.ஸ்டாலின், திமுக பொருளாளர் துரைமுருகன், முன்னாள் அமைச்சர்கள், பொன்முடி, எ.வ.வேலு, திமுக எம்.பி.க்கள் ஆ.ராசா, திருச்சி சிவா, தயாநிதிமாறன், கனிமொழி உள்பட ஆயிரக்கணக்கான பொதுமக்கள் பங்கேற்று வருகின்றனர்.
துணை குடியரசுத் தலைவர் வெங்கையா நாயுடு தனது டுவிட்டர் பக்கத்தில், “திராவிட இயக்கத்தின் முதுபெரும் தலைவரும் தமிழகத்தின் முன்னாள் அமைச்சரும் அரசியல் வித்தகரும் திமுக பொதுச்செயலாளருமான திரு. கே. அன்பழகன் மறைவுச் செய்தி அறிந்து மிகவும் துயரமடைந்தேன்.
அவரை இழந்து வாடும் அவரது குடும்பத்தினருக்கும் தொண்டர்களுக்கும் என் ஆழ்ந்த இரங்கல்களை தெரிவித்துக்கொள்கிறேன். அவரது ஆன்மா சாந்தி அடையட்டும்.” என்று தெரிவித்துள்ளார்.
திராவிட இயக்கத்தின் முதுபெரும் தலைவரும் தமிழகத்தின் முன்னாள் அமைச்சரும் அரசியல் வித்தகரும் திமுக பொதுச்செயலாளருமான திரு. கே. அன்பழகன் மறைவுச் செய்தி அறிந்து மிகவும் துயரமடைந்தேன். pic.twitter.com/W07vSUvp8b
— Vice President of India (@VPSecretariat) March 7, 2020
திமுக பொதுச் செயலாளர் க.அன்பழகனின் இறுதி ஊர்வலம் அவருடைய இல்லத்தில் இருந்து கீழ்ப்பாக்கம் இடுக்காட்டை நோக்கி நடந்துவருகிறது. இறுதி ஊர்வலத்தில், திமுக தலைவர் மு.க.ஸ்டாலின், திமுக பொருளாளர் துரைமுருகன், முன்னாள் அமைச்சர்கள், பொன்முடி, எ.வ.வேலு, திமுக எம்.பி.க்கள் ஆ.ராசா, திருச்சி சிவா, தயாநிதிமாறன், கனிமொழி உள்பட ஆயிரக்கணக்கான பொதுமக்கள் பங்கேற்று வருகின்றனர்.
திமுக பொதுச் செயலாளர் பேராசிரியர் க.அன்பழகன் இல்லத்தில் இருந்து அவருடைய இறுதி ஊர்வலம் தொடங்கியது. இறுதி ஊர்வலத்தில் திமுக தலைவர் மு.க.ஸ்டாலின், திமுக பொருளாளர் துரைமுருகன், முன்னள் அமைச்சர் பொன்முடி, திமுக எம்.பி.க்கள் டி.ஆர்.பாலு, ஆ.ராசா, தயாநிதிமாறன், திருச்சி சிவா, கனிமொழி, திமுக இளைஞர் அணி செயலாளர் உதயநிதி ஸ்டாலின் ஆகியோர் கலந்துகொண்டுள்ளனர்.
திமுக பொதுச் செயலாளர் பேராசிரியர் க.அன்பழகன் இறுதி ஊர்வலம் தொடங்கியது. இந்த இறுதி ஊர்வலத்தில் திமுக தலைவர் மு.க.ஸ்டாலின், திமுக பொருளாளர் துரைமுருகன், திமுக எம்.பி.க்கள் டி.ஆர்.பாலு, ஆ.ராசா, கனிமொழி, திமுக இளைஞர் அணி செயலாளர் உதயநிதி ஸ்டாலின் ஆகியோர் கலந்துகொண்டுள்ளனர்.
திமுக பொதுச்செயலாளர் பேராசிரியர் அன்பழகன் மறைவுக்கு நாம் தமிழர் கட்சி தலைமை ஒருங்கிணைப்பாளர் சீமான் இரங்கல் தெரிவித்துள்ளார். அவருடைய இரங்கல் செய்தியில், “திமுக பொதுச்செயலாளர் பேராசிரியர் க.அன்பழகன் மறைந்த செய்தியறிந்து மிகுந்த துயருற்றேன்” என்று தெரிவித்துள்ளார்.
தமிழ்நாடு கொங்கு இளைஞர் பேரவை, தனியரசு, “தமிழ்ச்சமூகத்தின் எல்லா வகையான நலங்களுக்கு தமிழ் இனப்பற்றோடு, தமிழ் மொழிப்பற்றோடு, சமூக நீதி கருத்துக்களை சமத்துவக் கருத்துகளை பட்டிதொட்டியெல்லாம் அன்பழகனார் தன்னுடைய அன்பால், பண்பால், அறிவாற்றலால் ஒட்டுமொத்த தமிழ்ச் சமூகத்துக்கு தொடர்ந்து அரசியல் அறிவை ஊட்டி வளர்த்த் மகத்தான் தலைவர் திமுக பொதுச் செயலாளர் அன்பழகனார். பேராசிரியரின் மறைவு தமிழ்ச் சமூகத்தின் ஒரு பாரம்பரிய மிகப்பெரிய மூத்த தலைவரை இழந்தோம் என்கிற வருத்தத்தை தமிழ்நாடு கொங்கு இளைஞர் பேரவை பதிவு செய்கிறேன்.” என்று கூறினார்.
திமுக இளைஞரணி செயலாளர் உதயநிதி ஸ்டாலின், “இனமானம் காக்கக் கழகக் கொடி பிடித்து, கொள்கைப் பாடம் நடத்தியவர் எங்கள் இனமான பேராசிரியர் தாத்தா. அறிவாலயத்தின் பேராசிரியரே, உங்கள் இலட்சியப் பெருவழியில் கொள்கைப் பேரன்களாக நாங்கள் என்றும் பயணிப்போம்.” என்று கூறினார்.
இந்திய கம்யூனிஸ்ட் மூத்த தலைவர் நல்லக்கண்ணு மறைந்த திமுக பொதுச் செயலாளர் அன்பழகனுக்கு நேரில் சென்று இறுதி அஞ்சலி செலுத்தினர். பேராசிரியர் தமிழகத்தின் சிறந்த பகுத்தறிவுவாதி, அவரின் மறைவு தமிழகத்திற்கு ஈடு செய்ய முடியாத இழப்பு என்றும் தோழர் நல்லகண்ணு தெரிவித்துள்ளார்.
/tamil-ie/media/media_files/uploads/2020/03/71231WhatsApp-Image-2020-03-07-at-12.12.48-PM.jpg "publive-image")
க.அன்பழகனின் இழப்பு திமுக விற்கு பேரிழப்பாகும். அவரை இழந்து வாடும் அவரது குடும்பத்தாருக்கும், திமுக கட்சியினருக்கும் தேமுதிக சார்பாக இரங்கலை தெரிவித்துக் கொள்கிறேன். அவரின் ஆன்மா சாந்தியடைய எல்லாம் வல்ல இறைவனை வேண்டுகிறேன் என்று தேமுதிக நிறுவனத் தலைவர் மற்றும் பொதுச் செயலாளர் விஜயகாந்த் இரங்கல் தெரிவித்துள்ளார்
தமிழகத்தில் பின்தங்கிய மக்களுக்காக போராடியதில் பேராசிரியர் பெருந்தகையின் பங்கு மிகப்பெரியது. அவரின் செயல்களை பாராட்டும் பொருட்டு விடுதலைச் சிறுத்தைகள் கட்சி சார்பில் அம்பேத்கர் சுடர் விருது வழங்கி கௌரவித்ததாகவும் தெரிவித்தார். தனிப்பட்ட முறையில் விடுதலைச் சிறுத்தைகள் கட்சி மீதும், என் மீதும் மிகுந்த பற்றுதல்களும், அரவணைப்பும் கொண்டவர். 21-ம் நூற்றாண்டில் இணையற்ற தலைவர். யார் மீதும் அவர் பொறாமைக் காட்டியதில்ல, அவதூறு பரப்பியதில்லை. கடுமையான நெருக்கடிகளின் போதும் நட்பிற்கு இலக்கணமாக வாழ்ந்து காட்டியவர் .
இந்திய நாடு மதவெறி சக்திகளின் ஆட்சியின் கீழ் மதசார்பின்மை மாநில மற்றும் மொழி உரிமைகள் மீது தாக்குதலுக்கு உள்ளாகும் சூழ்நிலையில், இக்கொள்கைகளில் ஆழ்ந்த பிடிப்பு கொண்ட பேராசிரியர் க. அன்பழகன் அவர்களின் மறைவு ஈடு செய்ய முடியாததாகும். அவரது மறைவு திராவிட முன்னேற்றக் கழகத்திற்கு ஏற்பட்ட பேரிழப்பாகும்.
/tamil-ie/media/media_files/uploads/2020/03/15114cpi.png "publive-image")
இந்தியக் குடியரசுத் துணைத் தலைவர் வெங்கையா நாயுடு, மறைந்த திமுக பொதுச் செயலாளர் க.அன்பழகன் மறைவு குறித்து இரங்கல் தெரிவித்துள்ளார். திமுக தலைவர் மு.க ஸ்டாலினை தொலைபேசியில் தொடர்பு கொண்டு இரங்கல் தெரிவித்துள்ளார்.
மறைந்த திமுக பொதுச் செயலாளர் க.அன்பழகனின் இறுதி ஊர்வலம் இன்று மாலை 4.30 மணியளவில் இறுதி ஊர்வலம் செய்யப்படும் என்று எம்.எல்.ஏ சேகர்பாபு தெரிவித்துள்ளார்.
இறுதி ஊர்வலம் அவரின் இல்லத்தில் இருந்து புறப்பட்டு வேலங்காடு சுடுகாடில் இறுதி அஞ்சலி செலுத்தப்பட்டு அவருடைய அடக்கம் நடைபெற இருக்கின்றது. கழகத் தோழர்களும், உற்றார் உறவினர்களும், அவர் மீது பாசம் கொண்டவர்களும், பல்வேறு அரசியல் அமைப்புகளை சார்ந்தவர்களும் இந்த இறுதி ஊர்வலத்தில் பங்கேற்க இருக்கிறார்கள்.
திமுகவின் பொதுச்செயலாளரும், திராவிட இயக்க முன்னோடிகளில் ஒருவருமான பேராசிரியர் க. அன்பழகன் அவர்கள் மறைந்த செய்தி அறிந்து பெரும் அதிர்ச்சி அடைந்தேன். மிகவும் நேர்மையான அரசியல்வாதிகளில் ஒருவர். அவரை இழந்து வாடும் அனைவருக்கும் எனது இரங்கலைத் தெரிவித்துக் கொள்கிறேன் என்று பாட்டாளி மக்கள் கட்சித் தலைவர் ராமதாஸ் ட்விட்டரில் பதிவு செய்துள்ளார்
திமுக பொதுச்செயலாளர் க.அன்பழகன் மறைந்த செய்தி கேட்டு வருத்தமடைந்தேன். க.அன்பழகன் மறைவு தமிழ்நாட்டிற்கு பேரிழப்பு; அவரை இழந்து வாடும் அவரது குடும்பத்தினர், திமுகவினருக்கு ஆழ்ந்த இரங்கல் மற்றும் அனுதாபங்கள் தெரிவித்துக் கொள்கிறேன் என்று தமிழக முதல்வர் எடப்பாடி. பழனிசாமி இரங்கல் தெரிவித்துள்ளார்.
/tamil-ie/media/media_files/uploads/2020/03/9556356d34ec7-56a7-485c-9dce-1dd7a22dac03.jpg "publive-image")
தியாகமும், தன்னலம் அற்ற தொண்டும் நிறைந்த புகழ் வரலாற்றில், எந்நாளும் அழிக்க முடியாத தலைவர்களுள் முதன்மையானவர் மறைந்த பேராசிரியர் க.அன்பழகன் அவர்கள், எந்தவித சர்ச்சைகளுக்கும் ஆட்படாதவர், கொண்ட கொள்கைகளில் உறுதியானவர், திராவிட முன்னேற்றக் கழகத்தின் இன்றைய தலைவர் தளபதி ஸ்டாலின் அவர்களை ஊக்குவித்து, அவரது தலைமையையும் மதித்து ஏற்றுக்கொண்டு, திராவிட முன்னேற்றக் கழகத்தைப் பாதுகாத்த பண்பாளர், 100 ஆண்டு கடந்து வாழ்வார் என்று நம்பி இருந்த நேரத்தில், நம்மை விட்டுப் பிரிந்து விட்டார்.
பொதுவாழ்க்கையில், அரசியலில், நிறைவாழ்வு வாழ்ந்த இனமானப் பேராசிரியரின் பெயரும் புகழும், எந்நாளும் நிலைத்து இருக்கும். தமிழக ஆம்ஆத்மிகட்சியின் சார்பில் ஆழ்ந்த இரங்கலைத் தெரிவித்துக் கொள்கின்றேன்.
கீழ்ப்பாக்கம் நியூ ஆவடி சாலையில் (வாட்டர் டேங் ) இருக்கும் அன்பழகன் அவர்களின் இல்லத்தில் உடல் வைக்கப்பட்டுள்ளது. திமுக தலைவர் ஸ்டாலின் மற்றும் முன்னணி கட்சி நிர்வாகிகள் அஞ்சலி செலுத்தி வருகின்றனர். சட்டமன்ற உறுப்பினர்கள், பாராளுமன்ற உறுப்பினர்ககள், பொது மக்கள் திரளாக தங்களது இறுதி மரியாதையை செலுத்தி வருகின்றனர்.
/tamil-ie/media/media_files/uploads/2020/03/396563b9e239c-e82c-4bf3-bf72-3cc93c9bf361.jpg)
/tamil-ie/media/media_files/uploads/2020/03/735711381297f-9f06-4993-b738-aafd166e72f9.jpg "publive-image")
தமிழக பாஜக-வின் மூத்த தலைவர் பொன்.ராதாகிருஷ்ணன், பேராசிரியர் அன்பழகன் மறைவுக்கு தனது இரங்கலை தெரிவித்துள்ளார்.
திமுக பொதுச் செயலாளரும், திராவிட இயக்க மூத்த தலைவர்களில் ஒருவருமான க.அன்பழகன் இன்று அதிகாலை ஒரு மணி அளவில் காலமானார் என்ற செய்தி மிகுந்த வேதனையும்,வருத்தத்தையும் அளிக்கிறது. அவரது குடும்பத்தினருக்கும், கட்சித் தொண்டர்கள், தலைவர்களுக்கும் எனது ஆழ்ந்த இரங்கலை தெரிவிப்பதுடன் அவரது பிரிவைத் தாங்கும் மனவலிமையை தந்திட எல்லாம்வல்ல அன்னை பராசக்தியை பிரார்த்திக்கிறேன் என்று தனது ட்விட்டரில் பதிவு செய்துள்ளார்.
தமிழகத்தின் முதுபெரும் தலைவர், திராவிட சிந்தனையின் தெளிவுரை, ஏற்றுக்கொண்ட இயக்கத்தில் இறுதிவரை உறுதியோடு இருந்தவர், பேராசிரியர் திரு.அன்பழகன் அவர்களின் இழப்பு வேதனைக்குரியது.
அவர் குடும்பத்தாருக்கும் அவரது இயக்கத்தாருக்கும் எனது ஆழ்ந்த இரங்கலை தெரிவித்துக்கொள்கிறேன் என்று நடிகரும், மக்கள் நீதி மய்யம் கட்சித் தலைவருமான கமல்ஹாசன் தனது ட்விட்டரில் பதிவு செய்துள்ளார்.
அந்த கொள்கை மாவீரரின் மறைவுக்குத் தாய்க்கழகம் தனது வேதனை மிகுந்த துயரத்தை தெரிவிப்பதுடன், அவருக்கு வீரவணக்கம் செலுத்தும் வகையில் திராவிடர் கழகத்தினர் நிகழ்ச்சிகள் ஏழு நாட்களுக்குத் தள்ளி வைக்கப்படுகின்றன. அவரை இழந்து வாடும் அவரது குடும்பத்தவர்கள், கொள்கைக் குடும்பத்துத் தலைவர் தளபதி உட்பட அனைவரது துயரத்திலும், தாய்க்கழகம் பங்குபெற்று, நாம் ஒருவரை ஒருவர் தேற்றிக் கொண்டு, இலட்சியச் சுடரை அணையாது காத்து, கொள்கைப் பயணத்தை தொடருவோமாக!
பேராசிரியர் என்றும் நமக்கு மங்காத ஒளியாவார்!
பாடம் எடுக்கும் பாசறையின் மங்காத முழக்கம்! அவர் வரலாறாகி வழிகாட்டுவார்.
அவர் 98 ஆண்டு காலம் வாழ்ந்தார் என்றாலும் எப்படி அவரது பிரிவை தாங்கி கொள்வது என்று; அவரை இழந்து தவிக்கும் அளவுக்கு நமது இலட்சியப் பயணத்தின் ஒளிகூட்டிய இனமானச்சுடர் அவர். அவரது பொதுவாழ்க்கை 85ஆண்டு காலம் என்ற வரலாற்றுச் சாதனை இந்தியப் பொதுவாழ்வுக்கே ஒரு தனித்தன்மையான எடுத்துக்காட்டு. தி.மு.க.வில் கலைஞர் மறைந்தவுடன் தளபதி மு.க.ஸ்டாலின் அவர்களை தலைவராக ஏற்று கழகத்தின் கடமை, கண்ணியம், கட்டுப்பாட்டுக்கு இலக்கணமாக திகழ்ந்த பண்பின் இமயம் அவர் - எடுத்துக்காட்டுக்கு எப்போதும் இவரே என்ற தனித் தகுதி படைத்தவர்.
அந்தோ, கொள்கை மாவீரர்
எம் இனமானப் பேராசிரியர் மறைந்தார்
என்ற செய்தி கேட்டு பெரிதும் கலங்குகின்றோம்!
நமது இனமானப் பேராசிரியரும் திராவிட முன்னேற்றக் கழகத்தின் ஒப்பற்ற பொதுச் செயலாளராக 43 ஆண்டுகள் இருந்தவரும், எவரைச் சந்தித்தாலும் கைகுலுக்கி தமது அன்பினையும், பண்பினையும் வெளிப்படுத்தி, எந்த மேடையிலும் தந்தை பெரியார் தம் சுயமரியாதைச் சூரணத்தை, ஒரு மருத்துவர் நோயாளிக்குத் தருவதைப் போல் தவறாது தருபவரும், அறிஞர் அண்ணாவின் உள்ளம் கவர்ந்த தம்பிகளில் முதன்மையரும், மானமிகு சுயமரியாதைக்காரர் கலைஞரின் தலைமையை ஏற்று கடைசி வரை கட்டுப்பாடு காத்தவருமான, கொள்கை மாவீரர் மறைந்தார் என்ற செய்தி கேட்டு பெரிதும் கலங்குகின்றோம்!
தி.மு.க பொதுச்செயலாளர் பெரியவர் பேராசிரியர் க.அன்பழகன் அவர்கள் காலமான செய்தி அறிந்து வருத்தமுற்றேன். தமிழகத்தின் மூத்த அரசியல்வாதிகளில் ஒருவரான அன்னாரது மறைவால் வாடும் அனைவருக்கும் ஆழ்ந்த இரங்கலைத் தெரிவித்துக் கொள்கிறேன் என்று அமமுக கட்சி தலைவர் டிடிவி தினகரன் தனது ட்விட்டரில் பதிவு செய்துள்ளார்.
1977-ம் ஆண்டு தி.மு.க. பொதுச்செயலாளராக நியமிக்கப்பட்டு பொறுப்பேற்றுக்கொண்டார். கடைசியாக 2011-ம் ஆண்டு நடந்த சட்டமன்ற தேர்தலில் வில்லிவாக்கம் தொகுதியில் போட்டியிட்ட அவர், தோல்வியை தழுவினார். அவரது அரசியல் வாழ்வில் ஒரு முறை மேல் சபை உறுப்பினராகவும், சட்டமன்ற உறுப்பினராக 8 முறையும், நாடாளுமன்ற உறுப்பினராக ஒரு முறையும் தேர்ந்தெடுக்கப்பட்டு பணியாற்றி உள்ளார்.
எழுத்தாளராக பல தமிழ் சமூக கட்டுரைகளையும், நூல்களையும் க.அன்பழகன் எழுதி உள்ளார். இன-மொழி வாழ்வுரிமை போர், உரிமை வாழ்வு, 1956, பாரி நிலையம், தமிழர் திருமணமும் இனமானமும், தமிழின காவலர் கலைஞர், தமிழ்வானின் விடிவெள்ளி தந்தை பெரியார் உள்பட பல நூல்களை அவர் எழுதி உள்ளார்.
இவரது மறைவு தி.மு.க., தலைவர்கள் மற்றும் தொண்டர்களை சோகத்தில் ஆழ்த்தியுள்ளது.
திராவிட சிந்தனைகளில் ஆர்வம் கொண்டவர். இதனால், தனது பெயரை அன்பழகன் என மாற்றிக்கொண்டார். கல்லுாரியில் பணிபுரிந்தபோதும், இயக்கப்பணிகளை தொடர்ந்தார். இவரை அண்ணா 'பேராசிரியர் தம்பி' என அழைத்தார். அன்பழகன், முன்னாள் முதல்-அமைச்சர் அண்ணாவின் நம்பிக்கைக்கு உரியவராக இருந்தார். 1957-ம் ஆண்டு முதல் 1962-ம் ஆண்டு வரை சட்டமன்ற மேலவை உறுப்பினராக(எம்.எல்.சி.) இருந்தார். 1967-ம் ஆண்டு முதல் 1971-ம் ஆண்டு வரை நாடாளுமன்ற தி.மு.க. உறுப்பினராக இருந்தார். 1971-ம் ஆண்டு முதல் 1984-ம் ஆண்டு வரை புரசைவாக்கம் தொகுதி எம்.எல்.ஏ.வாகவும், 1984-ம் ஆண்டு முதல் 1989-ம் ஆண்டு வரை பூங்காநகர் தொகுதி எம்.எல்.ஏ.வாகவும், 1989-ம் ஆண்டு முதல் 1991-ம் ஆண்டு வரை அண்ணாநகர் தொகுதி எம்.எல்.ஏ.வாகவும், 1996-ம் ஆண்டு முதல் 2011-ம் ஆண்டு வரை துறைமுகம் தொகுதி எம்.எல்.ஏ.வாகவும் பணியாற்றினார்.
1971-ம் ஆண்டு முதல் 1976-ம் ஆண்டு வரை கருணாநிதி தலைமையிலான அமைச்சரவையில் சுகாதாரம் மற்றும் சமூகநலத்துறை அமைச்சராக பதவி வகித்தார். 1989-1991, 1996-2001 தி.மு.க. ஆட்சியின் போது கல்வித்துறை அமைச்சராக செயல்பட்டார். 2006-ம் ஆண்டு முதல் 2011-ம் ஆண்டு வரை நிதித்துறை அமைச்சராக பதவி வகித்தார்.
மறைந்த க. அன்பழகன் திருவாரூர் மாவட்டத்திலுள்ள காட்டூர் கிராமத்தில், எம். கல்யாணசுந்தரனார் மற்றும் சுவர்ணம்பாள் தம்பதியருக்கு டிசம்பர் 19ம் தேதி, 1922 ம் ஆண்டு பிறந்தார். இவர் இயற்பெயர் ராமையா.
அண்ணாமலை பல்கலைக்கழகத்தில் பி.ஏ. தமிழ் (ஹானர்ஸ்) படித்தார். 1944-ம் ஆண்டு முதல் 1957-ம் ஆண்டு வரை சென்னை பச்சையப்பன் கல்லூரியில் துணை பேராசிரியராக பணியாற்றினார்.
1945-ம் ஆண்டு பிப்ரவரி 21-ந்தேதி வெற்றிச்செல்வி என்பவரை தனது இல்லற வாழ்க்கை துணையாக ஏற்றார். இவர்களுக்கு அன்புசெல்வன் என்ற மகனும், 2 மகள்களும் உள்ளனர். வெற்றிச்செல்வி மறைவிற்கு பிறகு சாந்தகுமாரி என்பவரை மணந்தார். இவர்களுக்கு புருஷோத்தமராஜ், ராஜேந்திரபாபு என்ற இரு மகன்களும், ஜெயக்குமாரி எனும் மகளும் உள்ளனர்.
தி.மு.க. பொதுச்செயலாளர் க. அன்பழகன் உடல் நலக்குறைவால் இன்று காலமானார். இது குறித்து தி.மு.க தலைவர் மு.க.ஸ்டாலின் தனது டுவிட்டரில் இரங்கல் குறிப்பு வெளியிட்டுள்ளார்.
அதில், “ திராவிடச் சிங்கம் சாய்ந்து விட்டது. சங்கப்பலகை சரிந்து விட்டது. இனமான சமயம் உடைந்துவிட்டது. எங்கள் இன்னுயிர் ஆசான் இறந்துவிட்டார்.என்ன சொல்லி தேற்றுவது? எம் கோடிக்கணக்கான கழகக் குடும்பத்தினரை?
பேரறிஞர் அண்ணா குடியிருக்கும் வீடாக இருந்தவர்! முத்தமிழறிஞர் கலைஞரைத் தாங்கும் நிலமாய் இருந்தவர்! எனது சிறகை நான் விரிக்க வனமாய் இருந்தவர்! என்ன சொல்லி என்னை நானே தேற்றிக்கொள்வது?
பேராசிரியப் பெருந்தகையே! நீங்கள் ஊட்டிய இனப்பால்-மொழிப்பால்-கழகப்பால் இம் முப்பால் இருக்கிறது. அப்பால் வேறு என்ன வேண்டும்?! உங்களது அறிவொளியில் எங்கள் பயணம் தொடரும் பேராசிரியப் பெருந்தகையே! கண்ணீருடன் மு.க.ஸ்டாலின்” என்று பதிவிட்டுள்ளார்.
தி.மு.க. பொதுச்செயலாளர் பேராசிரியர் க.அன்பழகனின் மறைவுக்கு பல்வேறு அரசியல் கட்சித்தலைவர்கள் இரங்கல் தெரிவித்து வருகின்றனர். அதில் புதுச்சேரி முதலமைச்சர் நாராயணசாமி, தமிழக காங்கிரஸ் கட்சித்தலைவர் கே.எஸ். அழகிரி, கீ.வீரமணி, முத்தரசன், ஜி. ராமகிருஷ்ணன் ஆகியோர் இரங்கல் தெரிவித்துள்ளனர்.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights