Advertisment

கோவை, பெண் அதிகாரி பாலியல் வழக்கு; சக விமானப்படை அதிகாரி கைது

Flight Lieutenant arrested in Kovai for rape case of colleague: கோவையில் பெண் அதிகாரி பாலியல் பலாத்காரம் செய்யப்பட்ட வழக்கில் சக விமானப்படை அதிகாரி கைது செய்யப்பட்டு சிறையில் அடைக்கப்பட்டுள்ளார்.

author-image
WebDesk
New Update
palani rape case

கோவையில் விமானப்படை கல்லூரியில் பெண் அதிகாரி பாலியல் பலாத்கார வழக்கில் விமானப்படை பயிற்சி அதிகாரி கைது செய்யப்பட்டுள்ளார்.

Advertisment

கோயம்புத்தூரில் உள்ள ரெட்ஃபீல்ட்ஸில் உள்ள இந்திய விமானப்படை கல்லூரியில் இந்தியா முழுவதிலுமிருந்து 30 க்கும் மேற்பட்ட பணியாளர்கள் கடந்த ஒரு மாதமாக கல்லூரியில் பயிற்சி பெற்று வருகின்றனர். இந்த நிலையில், ஒரு பெண் அதிகாரி தான் பாலியல் பலாத்காரம் செய்யப்பட்டதாக, IAF அதிகாரிகளிடம் முறையிட்டார். ஆனால் அவர்கள் எந்த நடவடிக்கையும் எடுக்கவில்லை. எனவே, அவர் கோயம்புத்தூர் கமிஷனரிடம் புகார் கொடுத்ததைத் தொடர்ந்து தற்போது கைது நடவடிக்கை எடுக்கப்பட்டுள்ளது.

செப்டம்பர் 10 அன்று, கல்லூரியில் வசிக்கும் 29 வயதான பெண் அதிகாரி விளையாட்டு பயிற்சியின் போது காயமடைந்தார். இதனையடுத்து அவர் மருந்துகளை எடுத்துக்கொண்டு தனது அறையில் தூங்கச் சென்றார். இருப்பினும், அவள் தூங்கும்போது அவள் அசௌகரியத்தை அனுபவித்தார், இரவில் எழுந்தவுடன் ஆடை கலைந்து இருந்த நிலையில், அவர் பாலியல் வன்கொடுமைக்கு ஆளானதை அறிந்து அதிர்ச்சியடைந்தார்.

இதைத் தொடர்ந்து, அந்த பெண் அதிகாரி உடனடியாக ஐஏஎஃப் அதிகாரிகளிடம் புகார் அளித்தார். எனினும், அவர்கள் எந்த நடவடிக்கையும் எடுக்கவில்லை. எனவே, அந்த பெண் அதிகாரி கோவை காவல் ஆணையரிடம் புகார் அளித்தார். பின்னர் கமிஷனர் இந்த வழக்கை காந்திபுரத்தில் உள்ள அனைத்து மகளிர் காவல் நிலையத்திற்கு விசாரணைக்காக திருப்பிவிட்டார்.

புகாரின் அடிப்படையில், சத்தீஸ்கரைச் சேர்ந்த ஃப்ளைட் லெப்டினன்ட் அம்ரீந்தர் கைது செய்யப்பட்டார், ஆனால் அம்ரிந்தரின் வழக்கறிஞர் கோயம்புத்தூர் போலீசாருக்கு விமானப்படை அதிகாரிகளுக்கு எதிராக விசாரணை நடத்த எந்த அதிகாரமும் இல்லை என்றும் வழக்கு இராணுவ நீதிமன்றத்தில் மட்டுமே நடத்தப்பட வேண்டும் என்றும் கூறினார்.

இதனிடையே, இந்திய தண்டனைச் சட்டம் பிரிவு 376 (கற்பழிப்புக்கான தண்டனை) கீழ் அம்ரீந்தர் மீது போலீசார் வழக்கு பதிவு செய்துள்ளனர். இதனையடுத்து, அம்ரீந்தர் நீதிமன்ற காவலில் உடுமலைப்பேட்டை சிறையில் அடைக்கப்பட்டுள்ளார்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Tamil Nadu Coimbatore Rape
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment