Advertisment

'தமிழ்நாட்டின் பெயரை மாற்ற நான் பரிந்துரை செய்யவில்லை': ஆளுனர் ஆர்.என் ரவி விளக்கம்

"அந்தக் காலத்தில் 'தமிழ்நாடு' என்பது இருக்கவில்லை. எனவே வரலாற்றுப் பண்பாட்டுச் சூழலில், 'தமிழகம்' என்பதை 'மிகவும் பொருத்தமான வெளிப்பாடு' என்ற கண்ணோட்டத்தில் குறிப்பிட்டேன்" - ஆளுநர் மாளிகை செய்திக் குறிப்பு

author-image
WebDesk
New Update
'தமிழ்நாட்டின் பெயரை மாற்ற நான் பரிந்துரை செய்யவில்லை': ஆளுனர் ஆர்.என் ரவி விளக்கம்

ஆளுநர் ஆர்.என்.ரவி

தமிழ்நாட்டின் பெயரை தமிழகம் என்று ஆளுநர் ஆர்.என்.ரவி குறிப்பிட்டதால் சர்ச்சை கிளம்பியது. இதற்கு விளக்கமளிக்க இன்று செய்திக்குறிப்பு வெளியிடுகிறார்.

Advertisment

அதில் அவர் குறிப்பிட்டுள்ளதாவது, "2023 ஜனவரி 4-ஆம் தேதி அன்று ஆளுநர் மாளிகையில், சமீபத்தில் நிறைவடைந்த 'காசியுடன் தமிழ் மக்களின் பழமையான கலாச்சார தொடர்பை கொண்டாடும்' ஒரு மாத காசி - தமிழ் சங்கமம் விழாவில் பங்கேற்ற தன்னார்வ தொண்டர்களைப் பாராட்டும் நிகழ்ச்சி" நடைபெற்றது.

publive-image

அந்நிகழ்வில் வரலாற்றுப் பண்பாடு பற்றிப் பேசும்போது, காசி மற்றும் தமிழ்நாட்டுக்கும் இடையே உள்ள தொடர்பை குறிக்க, 'தமிழகம்' என்ற வார்த்தையைப் பயன்படுத்தினேன்.

அந்தக் காலத்தில் 'தமிழ்நாடு' என்பது இருக்கவில்லை. எனவே வரலாற்றுப் பண்பாட்டுச் சூழலில், 'தமிழகம்' என்பதை 'மிகவும் பொருத்தமான வெளிப்பாடு' என்ற கண்ணோட்டத்தில் குறிப்பிட்டேன்.

எனது கண்ணோட்டத்தை 'தமிழ்நாட்டின் பெயரை மாற்றுவதற்கான பரிந்துரை போல' பொருள் கொள்வதோ அனுமானம் செய்து கொள்வதோ தவறானது மற்றும் யதார்த்தத்துக்கு புறம்பானது என்று தெரிவித்துக் கொள்கின்றேன்".

எனது பேச்சின் அடிப்படை புரியாமல், ஆளுநர் 'தமிழ்நாட்டின் பெயரை மாற்றுவதற்கான பரிந்துரை' எனும் வாதங்கள், விவாதப்பொருளாகி இருக்கிறது. அதற்கு முற்றுப்புள்ளி வைக்கவே இந்த விளக்கம்", என்று ஆளுநர் மாளிகையில் இருந்து செய்திக்குறிப்பில் மூலம் ஆளுநர் தெரிவித்துள்ளார்.

Tamil Nadu Governor Rn Ravi
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment