Advertisment

திமுக - 68% வெற்றி: இதர கட்சிகளுக்கு எத்தனை சதவீதம்?

திமுக கூட்டணி மொத்தம் 1061 ஒன்றிய கவுன்சிலர் இடங்களில் வெற்றி பெற்று 74.91 சதவீத இடங்களைப் பிடித்துள்ளது. அது மட்டுமில்லாமல் 9 மாவட்ட கவுன்சில்களையும் திமுகவே கைப்பற்றுகிறது.

author-image
WebDesk
New Update
Local body elections results, DMK won how many percentage, other parties won how many percentage, திமுக 68 சதவீதம் வெற்றி, விசிக, சிபிஐ, சிபிஎம், காங்கிரஸ், பாமக, மதிமுக, vck, mdmk, pmk, congress

9 மாவட்ட ஊரக உள்ளாட்சி தேர்தல் மற்றும் மற்ற மாவட்டங்களில் காலியாக உள்ள ஊரக உள்ளாட்சி இடங்களுக்கான தேர்தலில் தமிழகத்தில் ஆளும் கட்சியான திமுக மொத்த இடங்களில் 68.97% இடங்களைப் பிடித்துள்ளது. இந்த தேர்தலில் மற்ற கட்சிகள் எத்தனை சதவீதம் வெற்றி பெற்றுள்ளன என்பதை இங்கே காணலாம்.

Advertisment

சட்டமன்றத் தேர்தலில் திமுக கூட்டணி 159 இடங்களில் வெற்றி பெற்று 67.94 சதவீத இடங்களைப் பிடித்தது. அதில் திமுக மட்டும் 133 இடங்களில் வெற்ரி பெற்று

அதிமுக கூட்டணி 75 இடங்களில் வெற்றி பெற்று 32.05 சதவீத இடங்களைப் பிடித்துள்ளது. இதில் அதிமுக மட்டும் 66 இடங்களில் வெற்றி பெற்று 28.20 சதவீத இடங்களைப் பிடித்தது.

சட்டமன்றத் தேர்தலில் திமுக வெற்றி பெற்று ஆட்சியைப் பிடித்த 5 மாதங்களுக்கு பிறகு நடைபெற்ற 9 மாவட்ட ஊரக உள்ளாட்சி தேர்தல் மற்றும் மற்ற மாவட்டங்களில் காலியாக உள்ள ஊரக உள்ளாட்சி இடங்களுக்கு நடந்த தேர்தலில் திமுக ஸ்வீப் செய்து வெற்றி பெற்றுள்ளது.

இந்த ஊரக உள்ளாட்சி தேர்தலில் மொத்தம் 1416 ஒன்றிய கவுன்சிலர் இடங்களுக்கும் 153 மாவட்ட கவுன்சிலர் இடங்களுக்கும் தேர்தல் நடைபெற்றது. இதில், திமுக 977 ஒன்றிய கவுன்சிலர் இடங்களில் வெற்றி பெற்று 68.99% இடங்களைப் பிடித்துள்ளது.

மாவட்ட கவுன்சிலர் இடங்களில் 139 இடங்களில் வெற்றி பெற்றுள்ள திமுக 139 இடங்களில் வெற்றி பெற்று 90.84% இடங்களைப் பிடித்துள்ளது.

திமுக கூட்டணியில் உள்ள காங்கிரஸ் கட்சி 33 ஒன்றிய கவுன்சிலர் இடங்களில் வெற்றி பெற்று 2.33% இடங்களைப் பிடித்துள்ளது. அதே நேரத்தில் மாவட்ட கவுன்சிலர் பதவிகளில் 9 இடங்களில் காங்கிரஸ் கட்சி வெற்றி பெற்றுள்ளது. 5.88% இடங்களைப் பிடித்துள்ளது.

திமுக கூட்டணியில் உள்ள விடுதலை சிறுத்தைகள் கட்சி 27 ஒன்றிய கவுன்சிலர் இடங்களில் வெற்றி பெற்றுள்ளது. இதன் மூலம் 1.90% ஒன்றிய கவுன்சிலர் இடங்களைப் பிடித்துள்ளது. அதே நேரத்தில் மாவட்ட கவுன்சிலர் பதவியில் 3 இடங்களில் வெற்றி பெற்றுள்ளதன் விசிக 1.96% இடத்தைப் பிடித்துள்ளது.

திமுக கூட்டணியில் உள்ள இந்திய கம்யூனிஸ்ட் கட்சி (சிபிஐ) மாவட்ட கவுன்சிலர் இடங்களில் 3 இடங்களில் வெற்றி பெற்று 0.21% இடங்களைப் பிடித்துள்ளது. அதே நேரத்தில் மாவட்ட கவுன்சிலர் பதவியில் ஒரு இடத்தில்கூட வெற்றி பெறவில்லை.

திமுக கூட்டணியில் உள்ள மற்றொரு கட்சியான இந்திய கம்யூனிஸ்ட் கட்சி (மார்க்சிஸ்ட்) மாவட்ட கவுன்சிலர் இடங்களில் 4 இடங்களில் வெற்றி பெற்றுள்ளது. இதன் மூலம் 0.28% இடங்களைப் பிடித்துள்ளது. மாவட்ட கவுன்சிலர் பதவியில் ஒரு இடத்தில்கூட வெற்றி பெறவில்லை.

திமுக கூட்டணியில் உள்ள மதிமுக 16 ஒன்றிய கவுன்சிலர் இடங்களில் வெற்றி பெற்று 1.12% இடத்தைப் பிடித்துள்ளது.

ஊரக உள்ளாட்சி தேர்தலில் அதிமுக 212 ஒன்றிய கவுன்சிலர் இடங்களில் வெற்றி பெற்றுள்ளது. இதன் மூலம் அதிமுக 14.97% இடங்களைப் பிடித்துள்ளது. அதே நேரத்தில், மாவட்ட கவுன்சிலர் இடங்களில் 2 இடங்களை மட்டுமே வெற்றி பெற்றுள்ளது. இதன் மூலம் அதிமுக மாவட்ட கவுன்சிலர் இடங்களில் 1.30% இடத்தைப் பிடித்துள்ளது.

அதிமுக கூட்டணியில் இருந்து வெளியேறி தனித்து போட்டியிட்ட பாமக 47 ஒன்றிய கவுன்சிலர் இடங்களில் வெற்றி பெற்றுள்ளது. இதன் மூலம் 3.31% இடத்தைப் பிடித்துள்ளது. அதே நேரத்தில், மாவட்ட கவுன்சிலர் பதவியில் ஒரு இடத்தில்கூட வெற்றி பெறவில்லை.

அதிமுக கூட்டணியில் உள்ள பாஜக ஒன்றிய கவுன்சிலர் இடங்களில் 8 இடங்களில் வெற்றி பெற்றுள்ளது. இதன் மூலம் பாஜக 0.56% இடத்தைப் பிடித்துள்ளது.

திமுக கூட்டணி மொத்தம் 1061 ஒன்றிய கவுன்சிலர் இடங்களில் வெற்றி பெற்று 74.91 சதவீத இடங்களைப் பிடித்துள்ளது. அது மட்டுமில்லாமல் 9 மாவட்ட கவுன்சில்களையும் திமுகவே கைப்பற்றுகிறது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"

Dmk Congress Vck Mdmk
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment