வடிவேலுவின் சினிமா கேரக்டர் ஆன கான்ட்ராக்டர் நேசமணி உடல்நலம் பாதிக்கப்பட்டதால், அவர் விரைவில் உடல்நலம் பெற மதுரையில் உள்ள ஐடி நிறுவன ஊழியர்கள், மெழுகுவர்த்தி ஏந்தி பிரார்த்தனை செய்துள்ளனர்.
சமூகவலைதளங்கள் எது திறந்தாலும் #pray for Nesamani மயமாகவே உள்ளது. மோடி தலைமையிலான மத்திய அமைச்சரவை, விஜய் 63 பர்ஸ்ட் லுக் என எல்லா டிரென்டிங்கைகளையும் பின்னுக்கு தள்ளியுள்ளது இந்த #pray for Nesamani ஹேஸ்டேக்.
நேசமணி என்ற வடிவேலுவின் கேரக்டரை நெட்டிசன்கள் நேற்று (29ம் தேதி) டிரெண்டாக்கினர். #pray for Nesamani என்பதை சென்னை, இந்தியா என டிரெண்டாக்கி பின்னர் உலக அளவில் டிரெண்டிங் ஆகியுள்ளது குறிப்பிடத்தக்கது.