முதல்வர் ஸ்டாலினுடன் செல்லும் வாகனங்களின் எண்ணிக்கை குறைப்பு; போக்குவரத்தும் நிறுத்தப்படாது!

முதலமைச்சர் மு.க.ஸ்டாலின் அவர்களின் பாதுகாப்புக்காக செல்லும் வாகனங்களின் எண்ணிக்கை குறைக்கப்பட்டுள்ளதோடு, பொதுப் போக்குவரத்து  நிறுத்தப்படுவதையும் தவிர்க்க முடிவு எடுக்கப்பட்டுள்ளது.

தமிழக முதலமைச்சர் மு.க.ஸ்டாலினின் பயணத்தின்போது அவரது பாதுகாப்பிற்காகவும், அவசரத் தேவைகளுக்காகவும் செல்லும் வாகனங்களின் எண்ணிக்கை குறைக்கப்பட்டுள்ளது. இதுவரை 12 கான்வாய் வாகனங்கள் அவருடன் பயணித்த நிலையில், இனிமேல் 6 வாகனங்கள் மட்டுமே பயணிக்கும் என தெரிவிக்கப்பட்டுள்ளது.

இதேபோல், முதலமைச்சர் பயணிக்கும் சாலைகளில், பொதுப் போக்குவரத்து அவரது வாகனம் கடக்கும் வரையில் நிறுத்திவைக்கப்பட்டிருந்த நிலையில், தற்போது அதனை தவிர்த்து, பொதுமக்களின் வாகனங்களுடன் முதலமைச்சரின் வாகனங்களும் சேர்ந்து பயணிக்கும் வகையில் ஏற்பாடு செய்யப்பட்டுள்ளது.

சென்னையில் தலைமைச் செயலாளர், உள்துறைச் செயலாளர், டிஜிபி ஆகியோர் பங்கேற்ற ஆலோசனைக் கூட்டத்தில் இந்த முடிவுகள் எடுக்கப்பட்டுள்ளது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil