Tamil nadu assembly today highlights : 110 விதியின் கீழ் முதல்வர் எடப்பாடி அறிவித்த முக்கிய அறிவிப்புகள்!

உலக முதலீட்டாளர் மாநாட்டில் பங்கேற்ற நிறுவனங்கள் தமிழகத்தில் விரைவில் தொழில்தொடங்க வரும் அமைச்சர் சம்பத்  கூறினார். அதற்கு திமுக தலைவர் ஸ்டாலின் ‘வரும் ஆனா வராது’ என்று கூறியதால் சட்டப்பேரவையில் சிரிப்பலை எழுந்தது. இதே போல் நேற்றும் ஸ்டாலின் கூறிய கருத்துக்கு அமைச்சர் ஜெயக்குமார் வரும் ஆனா வராது என பதில் கூறியிருந்தது குறிப்பிடத்தக்கது. 

நாவலர் நெடுஞ்செழியன் நூற்றாண்டை போற்றும் வகையில் தமிழக அரசு சார்பில் அவருக்கு விழா எடுக்கப்படும்   பேரவையில் துணை முதலமைச்சர் பன்னீர்செல்வம் அறிவித்தார்.  திமுக பொருளாளர் துரைமுருகனின் வேண்டுகோளை ஏற்று துணை முதலமைச்சர் அறிவிப்பு.  

நுகர்பொருள் வாணிப கழகங்கள், நேரடி நெல் கொள்முதல் நிலையங்களில் பணியாற்றும் 20 ஆயிரம் சுமை தூக்கும் தொழிலாளர்களுக்கு 29% ஊதிய உயர்வு, நாளை முதல் அமல்  வரும் என்று பேரவையில் அமைச்சர் காமராஜ் அறிவித்துள்ளார். 

கோவையில் புதிய நவீன பேருந்து நிலையம் அமைக்கப்படும் - என்றூ அவை விதி 110 கீழ் முதலமைச்சர் பழனிசாமி அறிவித்துள்ளார்.   61 ஏக்கரில் அமையவுள்ள புதிய பேருந்து நிலையத்திற்கு ரூ. 178 கோடி ஒதுக்கீடு செய்யப்படும் எனவும் முதல்வர் தெளிவுப்படுத்தியுள்ளார். 

ரூ.2,371 கோடியில் அடையாறு நதி சீரமைக்கப்படும்  என்று பேரவையில் 110 விதியின் கீழ் முதல்வர் பழனிசாமி அறிவித்துள்ளார். சென்னை, கோவை, சேலம் உள்ளிட்ட நகரங்களில் கழிவு நீர் சுத்திகரிப்பு பற்றி திட்ட அறிக்கை தயாரிக்கப்படும் மாற்றுத்திறனாளி உதவியாளர்களுக்கு மாதம் ரூ.1000 உதவித்தொகை வழங்கப்படும் ஆவின் மையம் அமைக்க 200 மாற்றுத்திறனாளிகளுக்கு தலா ரூ.50 ஆயிரம் வழங்கப்படும் என்றும், எடப்பாடி தெரிவித்துள்ளார்.