கோவை குண்டு வெடிப்புக்கு தமிழக கவர்னர் கூறியது என்ன?

அக்டோபர் 23ஆம் தேதி கோயம்புத்தூரில் கார் குண்டுவெடிப்பு விசாரணையை கையாள்வது தொடர்பாக  தமிழக ஆளுநர் ஆர்.என்.ரவி வெள்ளிக்கிழமையன்று காவல்துறையின் உடனடி நடவடிக்கையைப் பாராட்டினார்.

கோவையில் நடந்த நிகழ்ச்சி ஒன்றில் பேசிய ஆளுநர், "குண்டுவெடிப்புக்கு பயன்படுத்தப்பட்ட பொருட்கள் மற்றும் விசாரணையின் போது மீட்கப்பட்ட "IED தயாரிக்கும் ரசாயனங்கள் மற்றும் பொருட்கள்" உள்ளிட்டவை கைப்பற்றப்பட்டுள்ளது. இதைவைத்து இச்சம்பவம் ஒரு பயங்கரவாத தாக்குதல் என்று தெரியவருகிறது", என்று கூறுகிறார்.

இந்த வழக்கை என்.ஐ.ஏ.விடம் ஒப்படைப்பதில் மாநில அரசு தரப்பில் தாமதம் ஏற்பட்டதாகக் கூறினார். பயங்கரவாதம் தொடர்பான சம்பவங்களில் அரசியல் கட்சிகள் மென்மையாக நடந்து கொள்ளக் கூடாது என்றும், அனைத்து மாநில மற்றும் மத்திய அமைப்புகளுக்கு இடையே சிறந்த ஒருங்கிணைப்பின் அவசியத்தை அடிக்கோடிட்டுக் காட்டுவதாகவும் கூறிய ரவி, “கோயம்புத்தூர் பயங்கரவாதத் தொகுதிகளுக்குப் பெயர் போன இடம்” என்றார்.

“தாக்குதல் நடந்த சில மணி நேரங்களிலேயே இது ஒரு பயங்கரவாதத் தாக்குதல் என்பது தெளிவாகிவிட்டது. பயன்படுத்தப்பட்ட பொருட்கள் ஒரு பெரிய சதியைக் குறிக்கின்றன. தமிழ்நாடு காவல்துறைக்கு நான் பெருமை சேர்க்கிறேன்” என்று கூறிய அவர், நாட்டிலேயே மிகவும் திறமையான காவல்துறை தமிழகத்தில் உள்ளது என்று கூறினார்.

“ஆனால் அவர்கள் சில மணிநேரங்களில் வழக்கை முறியடித்தபோது, ​​அவர்கள் ஏன் என்.ஐ.ஏ.வைக் கொண்டுவர நான்கு நாட்கள் எடுத்தார்கள்? தீவிரவாத தாக்குதல்களில் நேரம் மிகவும் முக்கியமானது. அவர்கள் (பயங்கரவாதிகள்) மனித குலத்தின் எதிரிகள் ஆவர்” என்று ரவி கூறினார்.

"தீவிரவாதத்தில் மென்மையாக நடந்து கொள்ள முடியாது. நாட்டின் முன்னேற்றத்திற்கு தீங்கு விளைவிப்பவர்கள் வெற்றி பெற மாட்டார்கள். எனவே, அவர்களிடம் மென்மையாக நடந்து கொள்ள வேண்டாம் என்பது எனது வேண்டுகோள். நாம் ஒன்றாக, தெளிவாகவும், தீர்க்கமாகவும், நமது வார்த்தைகளிலும் செயல்களிலும் (பயங்கரவாதத்திற்கு எதிராக) கடுமையாக இருக்க வேண்டும்,” என்று அவர் கூறினார்.

என்.ஐ.ஏ., அமைப்பதில் தாமதம் ஏற்பட்டதாக மாநில அரசு மீதான குற்றச்சாட்டுகளுக்கு பதிலளிக்கும் விதமாக, திமுக மூத்த தலைவரும், தொழில்துறை அமைச்சருமான தங்கம் தென்னரசு, மாநில காவல்துறையின் ஒவ்வொரு கட்ட விசாரணையும் என்.ஐ.ஏ., மற்றும் மத்திய புலனாய்வு அமைப்புகளுடன் பகிர்ந்து கொள்ளப்படுகிறது என்றார்.

முதல்வர் மு.க.ஸ்டாலின் விசாரணையை கண்காணித்து வருவது மட்டுமல்லாமல், கோவை மற்றும் மாநிலத்தின் பிற பகுதிகளில் அமைதியான, பாதுகாப்பான மற்றும் அசம்பாவிதம் இல்லாத தீபாவளியை உறுதி செய்வதற்கான நடவடிக்கைகளில் தனிப்பட்ட முறையில் ஈடுபட்டுள்ளார் என்பது குறிப்பிடத்தக்கது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil